ಹುಬ್ಬಳ್ಳಿ: ಪೊಲೀಸಪ್ಪನೊಬ್ಬ 5 ಪತ್ನಿಯರಿಗೆ ಕೈಕೊಟ್ಟು 6ನೇ ಮದುವೆಯಾಗಿರುವ ಘಟನೆ ಹುಬ್ಬಳಿಯಲ್ಲಿ ನಡೆದಿದೆ.
ಹುಬ್ಬಳ್ಳಿಯ ಉತ್ತರ ಸಂಚಾರಿ ಪೊಲೀಸ್ ಠಾಣೆಯ ಕಾನ್ ಸ್ಟೇಬಲ್ ಶಿವಕುಮಾರ್ ಮೇಲಿನಮನಿ 6 ಮದುವೆಯಾಗಿದ್ದಾನೆ. 20 ವರ್ಷಗಳ ಹಿಂದೆ ಮಹನಂದಾರನ್ನು ಮದುವೆಯಾಗಿದ್ದ. 5 ವರ್ಷ ಸಂಸಾರ ಮಾಡಿ ಮೂರು ಮಕ್ಕಳಾದ ಮೇಲೆ ಅವರಿಗೆ ಕೈ ಕೊಟ್ಟಿದ್ದಾನೆ.
2009ರಲ್ಲಿ ಯಲಬುರ್ಗದಲ್ಲಿ ಸಾಮೂಹಿಕ ವಿವಾಹದಲ್ಲಿ ಮಹನಂದಾ ಬಳಿಕ ಭಾಸ್ಕರಮ್ಮ, ಸಲೀಮಾ, ಲಕ್ಷ್ಮವ್ವ, ಮಂಜುಳಾ, ಶಾಂತ ಹೀಗೆ ಒಟ್ಟು ಆರು ಮಂದಿಯನ್ನು ಮದುವೆಯಾಗಿದ್ದಾನೆ. ಹೊಸಬರನ್ನು ಮದುವೆಯಾದ ಮೇಲೆ ಹಳೇ ಹೆಂಡತಿಗೆ ಕೈ ಕೊಡೋದು ಇವನ ಖಯಾಲಿ.
ಗಂಡನ ವಿರುದ್ಧ ಕ್ರಮ ಕೈಗೊಳ್ಳುವಂತೆ ಮೊದಲ ಪತ್ನಿ ಮಹನಂದಾ, ಹುಬ್ಬಳ್ಳಿ-ಧಾರವಾಡ ಪೊಲೀಸ್ ಆಯುಕ್ತ ಎಂ.ಎನ್ ನಾಗರಾಜ್ ಅವರಿಗೆ ದೂರು ನೀಡಿದರೂ ಯಾವುದೇ ಪ್ರಯೋಜನವಾಗಿಲ್ಲ.
