ನಾಳೆ ಭಾನುವಾರವಾಗಿದ್ದು ಏನಾದರೂ ಸ್ಪೆಷಲ್ ಆಗಿ ಮಾಡಬೇಕು ಅನಿಸೋದು ಸಹಜ. ಹೀಗಾಗಿ ಸಿಂಪಲ್ ಹಾಗೂ ಟೇಸ್ಟಿಯಾದ ಕಡ್ಲೆಬೀಜ ಲಡ್ಡು ಮಾಡುವ ಸುಲಭ ವಿಧಾನ ಇಲ್ಲಿದೆ.
ಬೇಕಾಗುವ ಸಾಮಾಗ್ರಿಗಳು:
* ಕಡ್ಲೆ ಬೀಜ – 1 ಬಟ್ಟಲು
* ಬೆಲ್ಲ – 1 ಅಚ್ಚು
* ತುಪ್ಪ – 4 ಸ್ಪೂನ್
ಮಾಡುವ ವಿಧಾನ:
* ಮೊದಲಿಗೆ ಕಡ್ಲೆಕಾಯಿ ಬೀಜವನ್ನು ಹುರಿದುಕೊಂಡು ಸಿಪ್ಪೆ ತೆಗೆಯಿರಿ
* ಬಳಿಕ ಒಂದು ಪ್ಯಾನ್ಗೆ ಬೆಲ್ಲವನ್ನು ಹಾಕಿ ಸ್ವಲ್ಪ ನೀರು ಸೇರಿಸಿ ಕುದಿಯಲು ಬಿಡಿ
* ಬೆಲ್ಲದ ಪಾಕ ಒಂದು ಹದಕ್ಕೆ ಬರುವವರೆಗೂ ಸೌಟಿನಿಂದ ತಿರುಗಿಸುತ್ತಲೇ ಇರಿ
* ಒಂದು ಸಣ್ಣ ನೀರಿನ ಬಟ್ಟಲಿಗೆ ಪಾಕವನ್ನು ಹಾಕಿ ಪಾಕ ಕರಗದಿದ್ದರೆ ಪಾಕ ಸಿದ್ಧವಾಗಿದೆ ಎಂದು ಅರ್ಥ
* ಈಗ ರೆಡಿಯಾದ ಪಾಕಕ್ಕೆ ಸಿಪ್ಪೆ ತೆಗೆದ ಕಡ್ಲೆಬೀಜವನ್ನು ಸೇರಿಸಿ, ಸ್ವಲ್ಪ ತುಪ್ಪವನ್ನು ಸೇರಿಸಿ ಚೆನ್ನಾಗಿ ಮಿಕ್ಸ್ ಮಾಡಿ
* ಮಿಶ್ರಣ ಬಿಸಿ ಇರುವಾಗಲೇ ಸಣ್ಣ ಸಣ್ಣ ಉಂಡೆಗಳನ್ನು ಕಟ್ಟಿ
* ಉಂಡೆ ಆರಿದ ಮೇಲೆ ಸಿಂಪಲ್ ಕಡ್ಲೆಬೀಜದ ಲಡ್ಡು ಸವಿಯಲು ಸಿದ್ಧ
