ಲಾಕ್‍ಡೌನ್‍ನಿಂದ ಮನೆಯಲ್ಲಿಯೇ ಇರಬೇಕಾದ ಅನಿವಾರ್ಯತೆ ಇದೆ. ಇದರಿಂದ ಕೆಲವರು ಪ್ರತಿದಿನ ಮಾಡುತ್ತಿದ್ದ ಜಿಮ್, ವರ್ಕೌಟ್ ಎಲ್ಲವೂ ಬಂದ್ ಆಗಿದೆ. ಹೀಗಾಗಿ ಅವರಿಗೆ ಮನೆಯಲ್ಲಿಯೇ ಇದ್ದು ತೂಕ ಹೆಚ್ಚಾಗುತ್ತಿದೆ ಎಂಬ ಭಯವಿರುತ್ತದೆ. ಮನೆಯಲ್ಲಿ ಜೀರಿಗೆ ಇದ್ದೆ ಇರುತ್ತದೆ. ಆದ್ದರಿಂದ ಪ್ರತಿದಿನ ಜೀರಾ ಜ್ಯೂಸ್ ಕುಡಿದು ದೇಹದ ತೂಕ ಹೆಚ್ಚಾಗುವುದನ್ನು ಕಡಿಮೆ ಮಾಡಿಕೊಳ್ಳಬಹುದು. ಸಿಂಪಲ್ ಆಗಿ ಜೀರಾ ಜ್ಯೂಸ್ ಮಾಡುವ ವಿಧಾನ ನಿಮಗಾಗಿ….
ಬೇಕಾಗುವ ಸಾಮಾಗ್ರಿಗಳು
1. ಜೀರಿಗೆ – ಒಂದು ಟೀ ಸ್ಪೂನ್
2. ನೀರು – ಒಂದು ಗ್ಲಾಸ್
3. ಜೇನುತುಪ್ಪ – 1/2 ಟೀ ಸ್ಪೂನ್
4. ನಿಂಬೆಹಣ್ಣು – 2 ಹನಿ
ಬೇಕಾಗುವ ಸಾಮಾಗ್ರಿಗಳು
* ರಾತ್ರಿ ಮಲಗುವ ಮುನ್ನ ಒಂದು ಗ್ಲಾಸ್ ನೀರಿನಲ್ಲಿ ಒಂದು ಟೀ ಸ್ಪೂನ್ ಜೀರಿಗೆ ಮಿಕ್ಸ್ ಮಾಡಿ ಮುಚ್ಚಿಡಿ.
* ಬೆಳಗ್ಗೆ ಜೀರಿಗೆ ಮಿಶ್ರಿತ ನೀರನ್ನ 5 ರಿಂದ 7 ನಿಮಿಷ ಕುದಿಸಿಕೊಳ್ಳಿ. ಕುದಿಸಿದ ಮೇಲೆ ನೀರನ್ನು ಸೋಸಿಕೊಳ್ಳುವ ಮೂಲಕ ಜೀರಿಗೆಯನ್ನು ಬೇರ್ಪಡಿಸಿಕೊಳ್ಳಿ.
* ಜೀರಿಗೆ ಮಿಶ್ರಿತ ನೀರು ಕುದಿಸಿದ ಮೇಲೆ ತಣ್ಣಗಾಗಲು ಬಿಡಿ.
* ಸಂಪೂರ್ಣವಾಗಿ ತಣ್ಣಗಾಗುವ ಮೊದಲೇ ಎರಡು ಹನಿ ನಿಂಬೆ ರಸ ಮತ್ತು ಅರ್ಧ ಟೀ ಸ್ಪೂನ್ ಸೇರಿಸಿದರೆ ಜೀರಾ ಜ್ಯೂಸ್ ಕುಡಿಯಲು ಸಿದ್ಧ.
ಇದನ್ನು ಪ್ರತಿನಿತ್ಯ ಬೆಳಗ್ಗೆ ಖಾಲಿ ಹೊಟ್ಟೆಯಲ್ಲಿ ನಿಯಮಿತವಾಗಿ ಕುಡಿಯುವುದರಿಂದ ದೇಹದಲ್ಲಿ ಕೊಬ್ಬು ಸಂಗ್ರಹಣೆ ಕಡಿಮೆ ಆಗೋದನ್ನು ತಡೆಯುತ್ತದೆ. ಈ ಜ್ಯೂಸ್ ಸೇವನೆ ಜೊತೆ ಡಯಟ್ ಪಾಲಿಸಿದರೆ ಆರೋಗ್ಯಕ್ಕೆ ಒಳ್ಳೆಯದು.
