ಭಾನುವಾರ ಬಂದರೆ ಸಾಕು ಮನೆಯಲ್ಲಿ ಚಿಕನ್, ಮಟನ್ ಮಾಡುತ್ತಿರಾ. ಆದರೆ ಪ್ರತಿ ಸಂಡೇ ಅದೇ ಅಡುಗೆ ಮಾಡಿದರೆ ಮನೆಯವರು ತಿನ್ನೋದಿಲ್ಲ. ಮೊಟ್ಟೆ ಎಂದರೆ ಎಲ್ಲರಿಗೂ ಇಷ್ಟ. ಆದ್ದರಿಂದ ಮೊಟ್ಟೆಯಲ್ಲಿ ಬೇರೆ ಬೇರೆ ವಿಧದ ಅಡುಗೆ ಮಾಡಬಹುದು. ಹೀಗಾಗಿ ಸಿಂಪಲ್ ಆಗಿ ಬೇಗ ಸಿದ್ಧವಾಗುವ ಎಗ್ ಕರಿ ಮಾಡುವ ವಿಧಾನ ಇಲ್ಲಿದೆ.
Advertisement
ಬೇಕಾಗುವ ಸಾಮಾಗ್ರಿಗಳು
1. ಮೊಟ್ಟೆ – 4 (ಬೇಯಿಸಿರಬೇಕು)
2. ಈರುಳ್ಳಿ – 2
3. ಎಣ್ಣೆ – 3 ಚಮಚ
4. ಹಸಿ ಮೆಣಸಿಕಾಯಿ – 2-3
5. ಟೊಮೊಟೋ – 1
6. ಖಾರದ ಪುಡಿ – 1 ಚಮಚ
7. ಕೊತ್ತಂಬರಿ ಪುಡಿ – 1 ಚಮಚ
8. ಅರಿಶಿಣ – ಚಿಟಿಕೆ
9. ಗರಂ ಮಸಾಲಾ – 1 ಚಮಚ
10. ಉಪ್ಪು – ರುಚಿಗೆ ತಕ್ಕಷ್ಟ ಉಪ್ಪು
11. ಕೊತ್ತಂಬರಿ ಸೊಪ್ಪು
Advertisement
Advertisement
ಮಾಡುವ ವಿಧಾನ
* ಮೊದಲಿಗೆ ಗ್ಯಾಸ್ ಮೇಲೆ ಒಂದು ಬಾಣಲೆ ಇಟ್ಟು 2 ಚಮಚ ಎಣ್ಣೆ ಹಾಕಿ ಕಾಯಲು ಬಿಡಿ.
* ಎಣ್ಣೆ ಕಾದ ಬಳಿಕ ಅದಕ್ಕೆ ಸಣ್ಣಗೆ ಕತ್ತರಿಸಿದ್ದ ಈರಳ್ಳಿ ಹಾಕಿ ಫ್ರೈ ಮಾಡಿ.
* ಈಗ ಹಸಿರು ಮೆಣಸಿಕಾಯಿ, ಸಣ್ಣಗೆ ಕತ್ತರಿಸಿದ ಟೊಮೆಟೋ ಹಾಕಿ ಮುಚ್ಚಳ ಮುಚ್ಚಿ 2-3 ನಿಮಿಷ ಬೇಯಿಸಿ.
* ನಂತರ ಅದಕ್ಕೆ ಖಾರದ ಪುಡಿ, ಕೊತ್ತಂಬರಿ ಪುಡಿ, ಅರಿಶಿಣ, ಗರಂ ಮಸಾಲಾ ಹಾಕಿ 3 ನಿಮಿಷ ಮಿಕ್ಸ್ ಮಾಡಿ.
* ಒಂದು ಸಣ್ಣ ಕಪ್ ನೀರು, ರುಚಿಗೆ ತಕ್ಕಷ್ಟು ಉಪ್ಪು ಹಾಕಿ ಮತ್ತೆ 5 ನಿಮಿಷ ಕುದಿಸಿರಿ.
* ಈಗ ಬೇಯಿಸಿ ಅರ್ಧ ಭಾಗ ಕಟ್ ಮಾಡಿ ಬೇಯಿಸಿರುವ ಮೊಟ್ಟೆ ಹಾಕಿ, ಬಳಿಕ ಅಲ್ಲೇ ಗ್ರೇವಿ ಮಿಕ್ಸ್ ಮಾಡಿ ಮುಚ್ಚಳ ಮುಚ್ಚಿ 2-3 ನಿಮಿಷ ಬೇಯಿಸಿರಿ.
* ಈಗ ಲಿಡ್(ಮುಚ್ಚಳ) ಓಪನ್ ಮಾಡಿ ಅದರ ಮೇಲೆ ಸಣ್ಣಗೆ ಕತ್ತರಿಸಿದ ಕೊತ್ತಂಬರಿ ಸೊಪ್ಪು ಹಾಕಿದರೆ ರುಚಿಯಾದ ಎಗ್ ಕರಿ ಸಿದ್ಧ.
* ಇದನ್ನು ಚಪಾತಿ ಅಥವಾ ರೋಟಿ ಜೊತೆ ಸವಿಯಬಹುದು ಅಷ್ಟೇ ಅಲ್ಲದೇ ರೈಸಿಗೂ ಮಿಕ್ಸ್ ಮಾಡಿಕೊಂಡು ತಿನ್ನಬಹುದು.
Advertisement
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv, ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
