Friday, 20th July 2018

Recent News

ಐದೇ ನಿಮಿಷದಲ್ಲಿ ಚಾಕಲೇಟ್ ಮಗ್ ಕೇಕ್ ಮಾಡೋ ವಿಧಾನ

ಕೇಕ್ ಅಂದ್ರೆ ಯಾರಿಗೆ ತಾನೇ ಇಷ್ಟವಿಲ್ಲ ಹೇಳಿ. ಅದ್ರಲ್ಲೂ ಚಾಕಲೇಟ್ ಫ್ಲೇವರ್ ಅಂದ್ರೆ ಅಚ್ಚುಮೆಚ್ಚು. ಕೇಕ್ ಗಳನ್ನು ಅಂಗಡಿಯಿಂದ ತಂದು ತಿನ್ನೋದಕ್ಕಿಂತ ಮನೆಯಲ್ಲೇ ಮಾಡಿದ್ರೆ ಹೇಗೆ? ಅದರಲ್ಲೂ ಕೇವಲ 5 ನಿಮಿಷದಲ್ಲೇ ಕೇಕ್ ರೆಡಿ ಮಾಡೋ ಸುಲಭ ವಿಧಾನ ಇಲ್ಲಿದೆ.

ಬೇಕಾಗುವ ಸಾಮಾಗ್ರಿಗಳು:
* ಮೈದಾ ಹಿಟ್ಟು – 2 ಚಮಚ
* ಸಕ್ಕರೆ – 4 ಚಮಚ
* ಕೋಕೋ ಪೌಡರ್ – 2 ಚಮಚ
* ಮೊಟ್ಟೆ – 1
* ಹಾಲು ಅಥವಾ ಮಜ್ಜಿಗೆ – ಸ್ವಲ್ಪ
* ವೆನಿಲ್ಲಾ ಎಸೆನ್ಸ್- 1/4 ಚಮಚ

ಮಾಡೋ ವಿಧಾನ:

* ಒಂದು ಬೌಲ್ ತೆಗೆದುಕೊಂಡು ಅದಕ್ಕೆ 4 ಚಮಚದಷ್ಟು ಮೈದಾ ಹಿಟ್ಟು, 4 ಚಮಚ ಸಕ್ಕರೆ, ಹಾಗೆಯೇ 2 ಚಮಚದಷ್ಟು ಕೋಕೋ ಪೌಡರ್ ಹಾಕಿ ಮಿಕ್ಸ್ ಮಾಡಿಕೊಳ್ಳಬೇಕು.
* ನಂತ್ರ ಈ ಹಿಟ್ಟಿಗೆ ಒಂದು ಮೊಟ್ಟೆ ಬೆರೆಸಿ ಚೆನ್ನಾಗಿ ಕಲಸಿಕೊಳ್ಳಿ.
* ಬಳಿಕ ಅದಕ್ಕೆ 3 ಚಮಚ ಹಾಲು ಅಥವಾ ಮಜ್ಜಿಗೆ ಹಾಕಿ ಮತ್ತೆ ಚೆನ್ನಾಗಿ ಕಲಸಿಕೊಂಡು ಅದರ ಮೇಲೆ 3 ಚಮಚ ವೆಜಿಟೇಬಲ್ ಆಯಿಲ್ ಬೆರೆಸಿ ಮತ್ತೆ ಮಿಕ್ಸ್ ಮಾಡಿ.
* ಅದಾದ ಬಳಿಕ 1/4 ಚಮಚದಷ್ಟು ವೆನಿಲ್ಲಾ ಎಸೆನ್ಸ್ ಹಾಕಿ ಚೆನ್ನಾಗಿ ಮಿಶ್ರಣ ಮಾಡಿಕೊಳ್ಳಿ.
* ನಂತ್ರ 2-3 ಸಣ್ಣ ಸಣ್ಣ ಮಗ್ ಗಳಲ್ಲಿ ಇದನ್ನ ಹಾಕಿ ಓವೆನ್ ನಲ್ಲಿಡಿ. 2 ನಿಮಿಷದ ಬಳಿಕ ಓವೆನ್ ನಿಂದ ಹೊರತೆಗೆಯಿರಿ. ಈಗ ಚಾಕಲೇಟ್ ಮಗ್ ಕೇಕ್ ತಿನ್ನಲು ರೆಡಿ.

Leave a Reply

Your email address will not be published. Required fields are marked *