ಮಟನ್ ದೋಸೆ ಮಾಡುವ ವಿಧಾನ ಮಾಂಸಪ್ರಿಯರಿಗಾಗಿ

Public TV
2 Min Read
mutton dosa 2

ರಾಗಿ, ಗೋಧಿ ಎಂದು ವಿಧ ವಿಧವಾದ ದೋಸೆ ಮಾಡುವ ನಾವು ದೋಸೆಯನ್ನು ನಾವ್ ವೆಜ್ ಹಾಕಿಯೂ ಮಾಡಬಹುದು. ಅದರಲ್ಲಿ ಚಿಕನ್ ದೋಸೆ ಮತ್ತು ಮಟನ್ ದೋಸೆಯನ್ನು ಹೆಚ್ಚಾಗಿ ಮಾಡಲಾಗುವುದು. ನಾನ್ ವೆಜ್ ದೋಸೆ ತಯಾರಿಸಿ, ನಾನ್ ವೆಜ್ ಗ್ರೇವಿ ಜೊತೆ ಸವಿಯಲು ಸ್ವಾದಿಷ್ಟಕರವಾಗಿರುತ್ತದೆ. ಹೀಗಾಗಿ ಮಟನ್ ದೋಸೆ ಮಾಡುವ ವಿಧಾನ ನಿಮಗಾಗಿ.

mutton dosa 5

ಬೇಕಾಗುವ ಸಾಮಗ್ರಿಗಳು:
* ಅಕ್ಕಿ – 1 ಕಪ್
* ಉದ್ದಿನ ಬೇಳೆ -1 ಕಪ್
* ಮಟನ್ ಖೀಮಾ -1 ಕಪ್
* ಬಟಾಣಿ -ಅರ್ಧ ಕಪ್
* ಹಸಿ ಮೆಣಸಿನಕಾಯಿ – 2
* ಅರಿಶಿಣ ಪುಡಿ -ಅರ್ಧ ಚಮಚ
* ಖಾರದ ಪುಡಿ- 1 ಚಮಚ
* ಗರಂ ಮಸಾಲ- ಅರ್ಧ ಚಮಚ
* ಕರಿಮೆಣಸಿನ ಪುಡಿ- 1 ಚಮಚ
* ಕರಿಬೇವಿನ ಎಲೆ- ಸ್ವಲ್ಪ
* ಚಕ್ಕೆ, ಲವಂಗ 2
* ರುಚಿಗೆ ತಕ್ಕ ಉಪ್ಪು
* ಅಡುಗೆ ಎಣ್ಣೆ – ಅರ್ಧ ಕಪ್

mutton dosa

ಮಾಡುವ ವಿಧಾನ:
* ಅಕ್ಕಿ ಮತ್ತು ಉದ್ದಿನ ಬೇಳೆಯನ್ನು 5-6 ಗಂಟೆಗಳ ನೀರಿನಲ್ಲಿ ನೆನೆ ಹಾಕಿ. ನಂತರ ಮಿಕ್ಸಿಯಲ್ಲಿ ಹಾಕಿ, ಸ್ವಲ್ಪ ಉಪ್ಪು ಸೇರಿಸಿ ದೋಸೆಯ ಹದಕ್ಕೆ ರುಬ್ಬಿಟ್ಟುಕೊಳ್ಳಬೇಕು.

mutton dosa 3

* ತವಾಗೆ 2 ಚಮಚ ಎಣ್ಣೆ ಹಾಕಿ ಅದಕ್ಕೆ ಚಕ್ಕೆ, ಲವಂಗ ಹಾಕಿ, ನಂತರ ಹಸಿ ಮೆಣಸಿನ ಕಾಯಿ, ಕರಿ ಬೇವಿನ ಎಲೆ ಹಾಕಿ 2 ನಿಮಿಷ ಫ್ರೈ ಮಾಡಿ, ಮಟನ್ ಖೀಮಾ, ಕರಿ ಮೆಣಸಿನ ಪುಡಿ, ಖಾರದ ಪುಡಿ, ಗರಂ ಮಸಾಲ ಹಾಕಿ, ಸ್ವಲ್ಪ ನೀರು ಹಾಕಿ ರುಚಿಗೆ ತಕ್ಕ ಉಪ್ಪು ಸೇರಿಸಿ ಬೇಯಿಸಿ. ಇದನ್ನೂ ಓದಿ:  ನೀವೂ ಮಾಡಿ ಗರಿಗರಿಯಾದ ಚಿಕನ್ ಪಕೋಡಾ

* ಮಟನ್ ಅರ್ಧ ಬೆಂದಾಗ ಬಟಾಣಿ ಹಾಕಿ ಸೌಟ್ ನಿಂದ ಆಡಿಸಿ ಪುನಃ ಬೇಯಿಸಿ, ಮಟನ್ ಬೆಂದು ಅದರಲ್ಲಿರುವ ನೀರಿನಂಶ ಆವಿಯಾಗಿ ಸಂಪೂರ್ಣ ಡ್ರೈಯಾಗುವವರೆಗೆ ಬೇಯಿಸಿ. ಇದನ್ನೂ ಓದಿ:  ನಾಲಿಗೆ ಚಪ್ಪರಿಸಿ ತಿನ್ನುವ ಶುಂಠಿ ಉಪ್ಪಿನಕಾಯಿ ಮಾಡುವ ವಿಧಾನ

mutton dosa 4

* ನಂತರ ಈ ಮಿಶ್ರಣವನ್ನು ದೋಸೆ ಹಿಟ್ಟಿನ ಜೊತೆ ಹಾಕಿ ಮಿಕ್ಸ್ ಮಾಡಿ. ಇದನ್ನೂ ಓದಿ:  ನೀವೂ ಮಾಡಿ ಗರಿಗರಿಯಾದ ಚಿಕನ್ ಪಕೋಡಾ
* ಈಗ ದೋಸಾ ತವಾವನ್ನು ಬಿಸಿ ಮಾಡಿ, ಅದರಲ್ಲಿ ಎಣ್ಣೆ ಸವರಿ, ದೋಸೆ ಹುಯ್ಯಿರಿ. ನಂತರ ಪಾತ್ರೆಯ ಬಾಯಿ ಮುಚ್ಚಿ 2 ನಿಮಿಷ ಬೇಯಿಸಿದರೆ ದೋಸೆಯನ್ನು ಮಟನ್ ಗ್ರೇವಿ ಜೊತೆ ಸವಿಯಲು ರುಚಿಯಾಗಿರುತ್ತದೆ.

Share This Article
Leave a Comment

Leave a Reply

Your email address will not be published. Required fields are marked *