ಬೇಸಿಗೆಯಲ್ಲಿ ನೀರು, ಹಣ್ಣಿನ ಜ್ಯೂಸ್, ಮಜ್ಜಿಗೆ ಇವುಗಳನ್ನು ಎಷ್ಟು ಕುಡಿದರೂ ಕಡಿಮೆಯೇ ಎನಿಸುತ್ತದೆ. ಕೆಲವು ಮಕ್ಕಳಂತೂ ಹಾಲು ಕುಡಿಯುವುದಿಲ್ಲ, ಮೊಸರು ಬಳಸುವುದಿಲ್ಲ. ಹೀಗಾಗಿ ನೀವು ಲಸ್ಸಿಯನ್ನು ಮಾಡಿ ಕೊಟ್ಟರೆ? ಯಾರು ತಾನೆ ಬೇಡವೆನ್ನುತ್ತಾರೆ ಅಲ್ಲವೆ? ಇಲ್ಲಿದೆ ಈ ಲಸ್ಸಿ ತಯಾರು ಮಾಡುವ ಸುಲಭ ವಿಧಾನ.
ಬೇಕಾಗುವ ಸಾಮಗ್ರಿಗಳು:
* ಕಪ್ಪು ದ್ರಾಕ್ಷಿ- ಕಾಲು ಕೆ.ಜಿ
* ಮೊಸರು- 1 ಕಪ್
* ಹಾಲು- 1 ಲೋಟ
* ಸಕ್ಕರೆ- 4 ಚಮಚ
ಮಾಡುವ ವಿಧಾನ:
* ಕಪ್ಪು ದ್ರಾಕ್ಷಿಗಳನ್ನು 2-3 ಬಾರಿ ಚೆನ್ನಾಗಿ ತೊಳೆಯಿರಿ.
* ಮೊಸರು, ಹಾಲು, ಸಕ್ಕರೆಯನ್ನು ಹಾಕಿ ಮಿಕ್ಸಿಯಲ್ಲಿ ಚೆನ್ನಾಗಿ ಬ್ಲೆಂಡ್ ಮಾಡಿ,
* ಈಗ ಶೋಧಿಸಿಕೊಳ್ಳಬೇಕು, ನೀರು ಸೇರಿಸುವ ಅಗತ್ಯವಿಲ್ಲ.
* ಒಳ್ಳೆಯ ಸ್ವಾದ, ಹಿತವಾದ ಬಣ್ಣ, ಹಾಗೂ ಪೌಷ್ಟಿಕವಾದ ಕಪ್ಪು ದ್ರಾಕ್ಷಿಯ ಲಸ್ಸಿ ಕುಡಿಯಲು ಸಿದ್ಧ. ಗ್ಲಾಸ್‍ಗೆ ಹಾಕಿ ಸರ್ವ್ ಮಾಡುವಾಗ ಬೇಕೆಂದಲ್ಲಿ ಐಸ್ ಕ್ಯೂಬ್ ಗಳನ್ನು ಹಾಕಿಕೊಳ್ಳಿ.
