Cricket

ಐಪಿಎಲ್‍ನ ಜಸ್ಟ್ 10 ಸೆಕೆಂಡ್ ಜಾಹಿರಾತಿಗೆ ಎಷ್ಟು ಹಣ? ನಗದು ಬಹುಮಾನ ಎಷ್ಟು?

Published

on

Share this

ಬೆಂಗಳೂರು: ಇಂಡಿಯನ್ ಪ್ರೀಮಿಯರ್ ಲೀಗ್‍ನ 10ನೇ ಆವೃತ್ತಿಯ ಪಂದ್ಯಾಟಗಳು ಏಪ್ರಿಲ್ 5ರಿಂದ ಆರಂಭವಾಗಲಿದೆ. ಸನ್‍ರೈಸರ್ಸ್ ಹೈದರಾಬಾದ್ ಮತ್ತು ರಾಯಲ್ ಚಾಲೆಂಜರ್ಸ್ ಬೆಂಗಳೂರು ನಡುವೆ ಮೊದಲ ಪಂದ್ಯ ಬುಧವಾರ ಹೈದರಾಬಾದ್‍ನಲ್ಲಿ ನಡೆಯಲಿದೆ. ಹೀಗಾಗಿ ಈ ಬಾರಿಯ ಐಪಿಎಲ್‍ನಲ್ಲಿ ಜಯಗಳಿಸುವ ತಂಡಕ್ಕೆ ಎಷ್ಟು ಹಣ ಸಿಗುತ್ತದೆ? ಫ್ರಾಂಚೈಸಿಗಳಿಗೆ ಏನು ಲಾಭ? 10 ಸೆಕೆಂಡ್ ಜಾಹಿರಾತಿಗೆ ಎಷ್ಟು ರೂ.? ಇತ್ಯಾದಿ ಮಾಹಿತಿಗಳನ್ನು ಇಲ್ಲಿ ನೀಡಲಾಗಿದೆ.

ನಗದು ಬಹುಮಾನ ಎಷ್ಟು?
ಪ್ರತಿಬಾರಿಯೂ ಐಪಿಎಲ್‍ನಲ್ಲಿ ನಗದು ಬಹುಮಾನದ ಮೊತ್ತವನ್ನು ಹೆಚ್ಚಿಸಲಾಗುತ್ತಿದೆ. ಈ ಬಾರಿ ಚಾಂಪಿಯನ್ ತಂಡಕ್ಕೆ 21 ಕೋಟಿ ರೂ. ನಿಗದಿ ಪಡಿಸಿದರೆ, ರನ್ನರ್ ಅಪ್ ತಂಡಕ್ಕೆ 12 ಕೋಟಿ ಸಿಗಲಿದೆ. ಮೂರನೇ ಮತ್ತು ನಾಲ್ಕನೇಯ ಸ್ಥಾನವನ್ನು ಪಡೆದ ತಂಡಗಳಿಗೆ 8 ಕೋಟಿ ರೂ. ಸಿಗಲಿದೆ.

2016ರಲ್ಲಿ ಬಹುಮಾನ ಎಷ್ಟಿತ್ತು?
ಚಾಂಪಿಯನ್ ಆಗಿದ್ದ ಹೈದರಾಬಾದ್ ತಂಡಕ್ಕೆ 20 ಕೋಟಿ ಸಿಕ್ಕಿದ್ದರೆ, ಆರ್‍ಸಿಬಿಗೆ 11 ಕೋಟಿ ಸಿಕ್ಕಿತ್ತು. ಗುಜರಾತ್ ಲಯನ್ಸ್ ಮತ್ತು ಕೋಲ್ಕತ್ತಾ ನೈಟ್ ರೈಡರ್ಸ್ ತಂಡಗಳಿಗೆ ತಲಾ 7.5 ಕೋಟಿ ರೂ. ಹಣ ಸಿಕ್ಕಿತ್ತು.

ಬಿಸಿಸಿಐಗೆ ಎಷ್ಟು ಹಣ ಸಿಗುತ್ತೆ?
ಪ್ರತಿವರ್ಷ 1200 ಕೋಟಿ ರೂ ಆದಾಯ ಐಪಿಎಲ್‍ನಿಂದ ಬರುತ್ತದೆ. ಈ ಆದಾಯದಲ್ಲಿ ಬಿಸಿಸಿಐಗೆ ಶೇ. 40 ರಷ್ಟು ಲಾಭ ಸಿಗಲಿದೆ. 2007ರಲ್ಲಿ ಬಿಸಿಸಿಐಗೆ 235 ಕೋಟಿ ರೂ. ಲಾಭ ಸಿಕ್ಕಿತ್ತು. 2016 ರಲ್ಲಿ ಬಿಸಿಸಿಐ ಬೌಂಡರಿ ಲೈನಿನಲ್ಲಿನ ಜಾಹಿರಾತಿನಿಂದ ಒಟ್ಟು 250 ಕೋಟಿ ರೂ. ಹಣವನ್ನು ಗಳಿಸಿತ್ತು.

ಚಾನೆಲ್‍ಗೆ ಎಷ್ಟು ಹಣ ಸಿಗುತ್ತೆ?
ಐಪಿಎಲ್ ಪಂದ್ಯಾಟಗಳು ಪ್ರೈಮ್ ಟೈಂನಲ್ಲಿ ನಡೆಯಲಿರುವುದರಿಂದ ಹೆಚ್ಚಿನ ಪ್ರಮಾಣದ ವೀಕ್ಷಕರು ಕ್ರಿಕೆಟ್ ವೀಕ್ಷಿಸುತ್ತಾರೆ. 2008 ರಿಂದ 2017ರವರೆಗಿನ ಅವಧಿ ವರೆಗಿನ ನೇರ ಸಾರದ ಹಕ್ಕನ್ನು ಸೋನಿ, ಇಎಸ್‍ಪಿಎನ್ ಚಾನೆಲ್ ಖರೀದಿಸಿದೆ. ಮಾಧ್ಯಮಗಳಲ್ಲಿ ಪ್ರಕಟವಾಗಿರುವ ವರದಿಗಳ ಪ್ರಕಾರ ಐಪಿಎಲ್ ಅವಧಿಯಲ್ಲಿ ಮಾರುಕಟ್ಟೆಯಲ್ಲಿ ಆದಾಯಗಳಿಸುವ ಪ್ರಮಾಣ ಶೇ.5.7 ರಿಂದ ಶೇ.28.8ಕ್ಕೆ ಏರಿಕೆ ಆಗುತ್ತದೆ. ಸೋನಿಯ ವಾರ್ಷಿಕ ಆದಾಯ 9 ಸಾವಿರ ಕೋಟಿ ರೂ. ಇದ್ದರೆ, ಈ ಆದಾಯದ ಶೇ.7ರಷ್ಟನ್ನು ಐಪಿಎಲ್‍ನ 45 ದಿನಗಳಲ್ಲಿ ಗಳಿಸುತ್ತದೆ.

ಇದನ್ನೂ ಓದಿ: ಟೀಂ ಇಂಡಿಯಾದ ಆಟಗಾರರಿಗೆ ಮತ್ತು ಕೋಚ್‍ ಗಳಿಗೆ ಎಷ್ಟು ಹಣ ಸಿಗುತ್ತೆ?

10 ಸೆಕೆಂಡ್ ಜಾಹಿರಾತಿಗೆ ಎಷ್ಟು ರೂ.?
ಟೂರ್ನಿಯ ಆರಂಭಿಕ ದಿನಗಳಲ್ಲಿ 10 ಸೆಕೆಂಡ್‍ನ ಜಾಹಿರಾತಿಗೆ ಅಂದಾಜು 5 ಲಕ್ಷ ರೂ. ಇದ್ದರೆ, ಫೈನಲ್ ವೇಳೆಗೆ ಈ ಮೊತ್ತ 10 ಲಕ್ಷ ರೂ. ಏರಿಕೆಯಾಗುತ್ತದೆ. ಟಿ20 ವಿಶ್ವಕಪ್‍ನ ಫೈನಲ್ ಪಂದ್ಯದ ವೇಳೆ 10 ಸೆಕೆಂಡ್ ಜಾಹಿರಾತಿಗೆ 8 ಲಕ್ಷ ರೂ. ಇತ್ತು.

10 ಸೆಕೆಂಡಿನ ಜಾಹೀರಾತಿನಲ್ಲೂ ವಿಭಾಗಗಳಿವೆ. ಒಂದು ಕಂಪೆನಿ ಒಂದು ಪಂದ್ಯದ 300 ಸೆಕಂಡ್‍ಗಳನ್ನು ಖರೀದಿ ಮಾಡಿದರೆ ಪ್ರತಿ 10 ಸೆಕೆಂಡಿಗೆ 5.2 ಲಕ್ಷ ರೂ. ನೀಡಬೇಕಾಗುತ್ತದೆ. ಇದಕ್ಕಿಂತಲೂ ಕಡಿಮೆ ಅವಧಿಯನ್ನು ಖರೀದಿಸಿದರೆ ಅವರಿಗೆ 10 ಸೆಕೆಂಡ್‍ಗೆ 5.75 ಲಕ್ಷ ರೂ. ಇದರುತ್ತದೆ. ಇನ್ನು ಸ್ಪಾಟ್ ಜಾಹಿರಾತು ಖರೀದಿ ಮಾಡಿದರೆ ಅವರು 6 ಲಕ್ಷ ರೂ. ನೀಡಬೇಕಾಗುತ್ತದೆ.

ಒಟ್ಟಿನಲ್ಲಿ 30 ಸೆಕಂಡ್ ಜಾಹಿರಾತಿನಲ್ಲಿ ವಾಹಿನಿ ಅಂದಾಜು 18 ಲಕ್ಷ ರೂ. ಹಣವನ್ನು ಒಂದು ಪಂದ್ಯದಿಂದ ಗಳಿಸುತ್ತದೆ. ಒಂದು ಪಂದ್ಯದಿಂದ ಅಂದಾಜು 12 ಕೋಟಿ ಹಣ ಬಂದರೆ ಎಲ್ಲ ಐಪಿಎಲ್ ಪಂದ್ಯಗಳಿಂದ ಒಟ್ಟು 720 ಕೋಟಿ ರೂ. ಹಣ ಜಾಹಿರಾತಿನಿಂದಲೇ ಬರುತ್ತದೆ.

ಇದನ್ನೂ ಓದಿ: ಐಪಿಎಲ್ ಮ್ಯಾಚ್‍ಗಳಲ್ಲಿ ಅಂಪೈರ್‍ಗಳಿಗೆ ಎಷ್ಟು ಸಂಬಳ ಸಿಗುತ್ತೆ? ಇಲ್ಲಿದೆ ಮಾಹಿತಿ

ಫ್ರಾಂಚೈಸಿಗಳಿಗೆ ಎಷ್ಟು ಲಾಭ ಸಿಗುತ್ತೆ?
ಬಿಸಿಸಿಐ ನೇರಪ್ರಸಾರದಿಂದ ಸಿಗುವ ಲಾಭವನ್ನು ಫ್ರಾಂಚೈಸಿಗಳಿಗೆ ಹಂಚುತ್ತದೆ. ಇದರ ಜೊತೆಗೆ ಟಿಕೆಟ್ ಮಾರಾಟದಲ್ಲೂ ಫ್ರಾಂಚೈಸಿಗಳಿಗೆ ಹೆಚ್ಚಿನ ಪಾಲು ಸಿಗುತ್ತದೆ. ಅತಿಥೇಯ ಮೈದಾನದಲ್ಲಿ ಪಂದ್ಯ ನಡೆದರೆ ಶೇ.80 ಎಷ್ಟು ಹಣ ಫ್ರಾಂಚೈಸಿಗೆ ಸಿಗಲಿದೆ.

ಪ್ರಾಯೋಜಕರಿಗೂ ಏನು ಲಾಭ?
ಬೌಂಡರಿ, ಸಿಕ್ಸರ್, ಗರಿಷ್ಠ ಸಿಕ್ಸರ್ ಹೊಡೆದವರಿಗೆ ಪ್ರಶಸ್ತಿಯನ್ನು ಪ್ರಯೋಜಕರು ನೀಡುತ್ತಾರೆ. ಮೂರನೇ ಅಂಪೈರ್ ತೀರ್ಪಿನಲ್ಲೂ ಪ್ರಾಯೋಜಕರ ಲೋಗೋ ಇರುತ್ತದೆ. ಐಪಿಎಲ್ ಅನ್ನು ಹೆಚ್ಚು ಜನ ವೀಕ್ಷಿಸುವ ಕಾರಣ ಕಂಪೆನಿಗಳಿಗೂ ಚೆನ್ನಾಗಿ ಪ್ರಚಾರ ಸಿಗುತ್ತದೆ.

ಇದನ್ನೂ ಓದಿ: ಆರ್‍ಸಿಬಿ 12 ಕೋಟಿ ನೀಡಿ ಟೈಮಲ್ ಮಿಲ್ಸ್ ಅವರನ್ನೇ ಖರೀದಿಸಿದ್ದು ಯಾಕೆ?

Click to comment

Leave a Reply

Your email address will not be published. Required fields are marked *

Advertisement
Advertisement