ಕ್ಯಾಮೆರಾ ಇಲ್ಲ, ದೊಡ್ಡ ಸ್ಟುಡಿಯೋ ಇಲ್ಲ, ಹೆಚ್ಚು ಖರ್ಚೂ ಇಲ್ಲ. ಆದರೂ ಕೆಲ ಯುವಜನತೆ ChatGPT, AI ವಿಡಿಯೋ ಟೂಲ್ಸ್ ಮತ್ತು ಸೋಷಿಯಲ್ ಮೀಡಿಯಾ ಬಳಸಿಕೊಂಡು ಕಂಟೆಂಟ್ ಕ್ರಿಯೇಟರ್ಸ್ ಆಗುತ್ತಿದ್ದಾರೆ. ಹಿಂದೆ ಒಂದು ವಿಡಿಯೋ ಮಾಡಲು ಬೇಕಾಗಿದ್ದ ತಂಡದ ಕೆಲಸವನ್ನು ಈಗ ಒಬ್ಬರೇ ಮಾಡುತ್ತಿದ್ದಾರೆ.
ಕಡಿಮೆ ಖರ್ಚಲ್ಲಿ ಫುಲ್ಟೈಮ್ ಕಂಟೆಂಟ್ ಕ್ರಿಯೇಟರ್ಸ್ ಆದ ಯುವಜನತೆ
ಒಂದು ಕಾಲದಲ್ಲಿ ವಿಡಿಯೋ ಮಾಡಲು ಕ್ಯಾಮೆರಾ, ಎಡಿಟರ್, ಗ್ರಾಫಿಕ್ ಡಿಸೈನರ್, ವಾಯ್ಸ್ ಆರ್ಟಿಸ್ಟ್ ಹೀಗೆ ಹಲವರ ಅಗತ್ಯ ಇತ್ತು. ಈಗ AI ಟೂಲ್ಸ್ ಬಂದ ಮೇಲೆ ಈ ಕೆಲಸಗಳಲ್ಲಿ ಹಲವು ಹಂತಗಳನ್ನು ಕಡಿಮೆ ಖರ್ಚಿನಲ್ಲಿ ಮಾಡಬಹುದು.
ChatGPTನಲ್ಲಿ ಸ್ಟೋರಿ, ಸ್ಕ್ರಿಪ್ಟ್, ಡೈಲಾಗ್ ಬರೆಯಿಸಿಕೊಳ್ಳಬಹುದು. ನಂತರ AI ವಿಡಿಯೋ ಟೂಲ್ಸ್ ಮೂಲಕ ಅದಕ್ಕೆ ತಕ್ಕ ದೃಶ್ಯಗಳನ್ನು ಸೃಷ್ಟಿಸಬಹುದು. AI ವಾಯ್ಸ್ ಮತ್ತು ಎಡಿಟಿಂಗ್ ಟೂಲ್ಸ್ ಸಹಾಯದಿಂದ ಫುಲ್ ವಿಡಿಯೋ ಕೂಡ ತಯಾರಿಸಬಹುದು. ಹೀಗಾಗಿ ಕೆಲ ಯುವಜನತೆಗೆ ಇದು ಕೇವಲ ಹವ್ಯಾಸವಾಗಿರದೆ ಫುಲ್ಟೈಮ್ ಕಂಟೆಂಟ್ ಕ್ರಿಯೇಷನ್ ಕೆಲಸವಾಗುತ್ತಿದೆ.
ರೀಲ್ಸ್ ಮಾಡಿದ್ರೆ ಸಿಗುವ ಹಣವೆಷ್ಟು?
ಇದು ಈಗ ಗಮನ ಸೆಳೆಯುತ್ತಿರುವ ಮತ್ತೊಂದು ಟ್ರೆಂಡ್. ChatGPTನಲ್ಲಿ ಒಂದು ಚಿಕ್ಕ ಕಥೆ ಅಥವಾ ಕಾರ್ಟೂನ್ ಸ್ಕ್ರಿಪ್ಟ್ ತಯಾರಿಸಿ, AI ಮೂಲಕ ಪಾತ್ರಗಳು ಮತ್ತು ದೃಶ್ಯಗಳನ್ನು ಸೃಷ್ಟಿಸಿ ರೀಲ್ಸ್ ಅಥವಾ ಶಾರ್ಟ್ಸ್ ಮಾಡಬಹುದು.
ಆದರೆ ಇಲ್ಲಿ ಒಂದು ವಿಷಯ ನೆನಪಿಟ್ಟುಕೊಳ್ಳಬೇಕು. ಒಂದು ರೀಲ್ ಮಾಡಿದ ತಕ್ಷಣ ಹಣ ಸಿಗುವುದಿಲ್ಲ. Views, Followers, Watch Time, Audience ಮತ್ತು Platform Monetisation ಮೇಲೆ ಆದಾಯ ಅವಲಂಬಿತವಾಗಿರುತ್ತದೆ. ಹೆಚ್ಚು ವೀಕ್ಷಣೆ ಪಡೆಯುವ ಕಂಟೆಂಟ್ಗೆ Ads, Brand Promotion, Affiliate Marketing ಮತ್ತು Sponsorships ಮೂಲಕ ಹಣ ಗಳಿಸುವ ಅವಕಾಶ ಸಿಗುತ್ತದೆ.
Canva, Pinterestನಲ್ಲೂ ಹಣ ಗಳಿಸಬಹುದಾ?
Canva ಕೇವಲ ಪೋಸ್ಟರ್ ಅಥವಾ ಡಿಸೈನ್ ಮಾಡುವ ಟೂಲ್ ಅಲ್ಲ. ಟೆಂಪ್ಲೇಟ್ಸ್, ಸೋಷಿಯಲ್ ಮೀಡಿಯಾ ಡಿಸೈನ್, ಪ್ರೆಸೆಂಟೇಷನ್ ಮತ್ತು ಡಿಜಿಟಲ್ ಉತ್ಪನ್ನಗಳನ್ನು ತಯಾರಿಸಿ ಮಾರಾಟ ಮಾಡುವ ಮೂಲಕವೂ ಆದಾಯ ಪಡೆಯುವ ಅವಕಾಶವಿದೆ.
Pinterest ಕೂಡ ಕೇವಲ ಫೋಟೋ ನೋಡುವ ಜಾಗವಲ್ಲ. ಅಲ್ಲಿ ಕಂಟೆಂಟ್ ಹಾಕಿ ಜನರನ್ನು ಬ್ಲಾಗ್, ಆನ್ಲೈನ್ ಸ್ಟೋರ್ ಅಥವಾ ಅಫಿಲಿಯೇಟ್ ಲಿಂಕ್ಗಳಿಗೆ ಕರೆದೊಯ್ಯಬಹುದು. ಇದರಿಂದ Affiliate Commission ಅಥವಾ ಬೇರೆ ರೀತಿಯ ಆದಾಯ ಗಳಿಸುವ ಸಾಧ್ಯತೆ ಇದೆ. ಅಂದರೆ ಒಂದು ಫೋಟೋ ಅಥವಾ ಡಿಸೈನ್ ಹಾಕಿ ತಕ್ಷಣ ಹಣ ಸಿಗುತ್ತದೆ ಎಂದಲ್ಲ. Audience + Traffic + Sales ಇದ್ದಾಗ ಮಾತ್ರ ಇದರಿಂದ ಆದಾಯ ಬರಲು ಶುರುವಾಗುತ್ತದೆ.
E-commerce ಪ್ಲಾಟ್ಫಾರ್ಮ್ ಖರೀದಿಗಷ್ಟೇ ಅಲ್ಲ
E-commerce ಪ್ಲಾಟ್ಫಾರ್ಮ್ಗಳನ್ನು ನಾವು ಸಾಮಾನ್ಯವಾಗಿ ವಸ್ತುಗಳನ್ನು ಖರೀದಿಸಲು ಬಳಸುತ್ತೇವೆ. ಆದರೆ ಇದೇ ಪ್ಲಾಟ್ಫಾರ್ಮ್ಗಳಲ್ಲಿ ವಸ್ತುಗಳನ್ನು ಮಾರಾಟ ಮಾಡಿ ಹಣ ಗಳಿಸುವವರ ಸಂಖ್ಯೆಯೂ ಹೆಚ್ಚಾಗಿದೆ.
ಸ್ವಂತ ಉತ್ಪನ್ನ ಇರಬೇಕೆಂದೇನಿಲ್ಲ. ಕೆಲವರು Affiliate Marketing ಮೂಲಕ ಬೇರೆ ಕಂಪನಿಗಳ ಉತ್ಪನ್ನಗಳನ್ನು ಪ್ರಚಾರ ಮಾಡಿ, ಮಾರಾಟವಾದಾಗ ಕಮಿಷನ್ ಪಡೆಯುತ್ತಾರೆ. ಇದಕ್ಕಾಗಿ ದೊಡ್ಡ ಅಂಗಡಿ ಅಥವಾ ಆಫೀಸ್ ಬೇಕಾಗಿಲ್ಲ. ಒಂದು ಮೊಬೈಲ್, ಲ್ಯಾಪ್ಟಾಪ್ ಮತ್ತು ಇಂಟರ್ನೆಟ್ ಇದ್ದರೂ ಆರಂಭಿಸಬಹುದು.
ನಿಜಕ್ಕೂ ಲಕ್ಷಾಂತರ ರೂಪಾಯಿ ಸಿಗುತ್ತಾ?
ಸಿಗಬಹುದು. ಆದರೆ ಎಲ್ಲರಿಗೂ ಸಿಗುತ್ತದೆ ಎನ್ನುವುದು ತಪ್ಪು. AI ಕಂಟೆಂಟ್ ಮಾಡುವುದು ಸುಲಭವಾಗಿರುವುದರಿಂದ ಸ್ಪರ್ಧೆಯೂ ಹೆಚ್ಚಾಗಿದೆ. ಒಂದೇ ರೀತಿಯ ಕಾರ್ಟೂನ್, ಒಂದೇ ರೀತಿಯ ಕಥೆ ಅಥವಾ ಕಾಪಿ ಮಾಡಿದ ಕಂಟೆಂಟ್ ಮಾಡಿದರೆ ಜನ ಹೆಚ್ಚು ದಿನ ನೋಡುವುದಿಲ್ಲ. ಜನರಿಗೆ ಇಷ್ಟವಾಗುವ ಹೊಸ ಐಡಿಯಾ, ಉತ್ತಮ ಕಥೆ, ನಿರಂತರ ಕಂಟೆಂಟ್ ಮತ್ತು ಸರಿಯಾದ Audience ಬೇಕು.
ಇದರಿಂದ ಹೊಸ ರೀತಿಯ Creator Economy ಬೆಳೆಯುತ್ತಿದೆ. ದೊಡ್ಡ ಮೊತ್ತದ ಹಣ ಗಳಿಸುತ್ತಿರುವ ಕೆಲ ಕ್ರಿಯೇಟರ್ಸ್ ಇದ್ದರೂ, ಅವರ ಯಶಸ್ಸನ್ನು ನೋಡಿ ಪ್ರತಿಯೊಬ್ಬರೂ ಅಷ್ಟೇ ಹಣ ಗಳಿಸುತ್ತಾರೆ ಎಂದುಕೊಳ್ಳುವುದು ಸರಿಯಲ್ಲ.
ಈ ಟ್ರೆಂಡ್ನ ಅಸಲಿ ಬದಲಾವಣೆ ಏನು?
ಹಿಂದೆ ʼಕಂಟೆಂಟ್ ಮಾಡಲು ಹಣ ಬೇಕುʼ ಅನ್ನೋ ಪರಿಸ್ಥಿತಿ ಇತ್ತು. ಈಗ ʼಐಡಿಯಾ ಇದ್ದರೆ ಕಡಿಮೆ ಖರ್ಚಿನಲ್ಲಿ ಕಂಟೆಂಟ್ ಮಾಡಬಹುದುʼ ಅನ್ನೋ ಪರಿಸ್ಥಿತಿ ಬಂದಿದೆ. ಅದಕ್ಕೇ ChatGPT + AI Video + Canva + Pinterest + E-commerce ಇವೆಲ್ಲವೂ ಸೇರಿ ಯುವಜನತೆಗೆ ಹೊಸ ರೀತಿಯ ಆನ್ಲೈನ್ ಆದಾಯದ ದಾರಿಗಳನ್ನು ತೆರೆಯುತ್ತಿವೆ.
