ನಾರಾಯಣಗೌಡ ಕಾಲ ಮುಗಿದಿದೆ- ಕುತ್ತಿಗೆ ಕೊಯ್ದು ಹೋದವರು ಸರ್ಟಿಫಿಕೇಟ್ ಕೊಡೋದು ಬೇಡ: ಹೆಚ್‌ಡಿಕೆ

ಬೆಂಗಳೂರು: ನಾರಾಯಣಗೌಡ (Narayana Gowda) ಕುತ್ತಿಗೆ ಕೊಯ್ದು ಹೋದವನು. ಅವನಿಂದ ನನಗೆ ಸರ್ಟಿಫಿಕೇಟ್ ಬೇಡ ಎಂದು ಸಚಿವ ನಾರಾಯಣಗೌಡ  ವಿರುದ್ಧ ಮಾಜಿ ಸಿಎಂ ಹೆಚ್‌.ಡಿ. ಕುಮಾರಸ್ವಾಮಿ (HD Kumaraswamy) ಏಕವಚನದಲ್ಲಿ ವಾಗ್ದಾಳಿ ನಡೆಸಿದರು.

ದೇವೇಗೌಡ (HD Deve Gowda) ಕುಟುಂಬ ಒಬ್ಬರನ್ನು ತುಳಿಯಲು ಇನ್ನೊಬ್ಬರನ್ನು ಬೆಳೆಸುತ್ತಾರೆ ಎಂಬ ನಾರಾಯಣಗೌಡ ಹೇಳಿಕೆ ವಿಚಾರಕ್ಕೆ ಪ್ರತಿಕ್ರಿಯೆ ನೀಡಿದ ಅವರು, ನಾರಾಯಣಗೌಡ ವಿರುದ್ಧ ಕೆಂಡಾಮಂಡಲರಾದರು.

ನಾರಾಯಣಗೌಡ ಬೆಳೆಸೋಕೆ ನನ್ನ ಪಕ್ಷ ಹಾಳು ಮಾಡಿಕೊಳ್ಳಬೇಕಾ? ಇವರು ಮಹಾನ್ ಕೆಲಸ ಮಾಡಿದ್ದಾರೆ ಅಂತ ಹೇಳಿ ನಾನು ಅಭ್ಯರ್ಥಿ ಹಾಕದೇ‌ ಇರಲಾ? ಕೃಷ್ಣ ವಿರುದ್ಧ ಅಭ್ಯರ್ಥಿ ಆಗಬೇಕು ಅಂತ ಬಂದಾಗ ಅವತ್ತು ಈ ಪರಿಜ್ಞಾನ ಇರಲಿಲ್ಲವಾ ಇವರಿಗೆ? ಕೃಷ್ಣ ವಿರುದ್ಧ ಅಭ್ಯರ್ಥಿ ಆಗುವುದಕ್ಕೆ ಯಾಕೆ ಬಂದ್ರಿ? ನಿನ್ನ ನಡವಳಿಕೆ ನೋಡಿ ಎರಡನೇ ಬಾರಿ ಟಿಕೆಟ್ ಕೊಡಬಾರದು ಅಂತ ಇದ್ದರು. ಟಿಕೆಟ್ ಕೊಡಿಸಿದ್ದು ನಾನು ಅಂತ ಕಿಡಿಕಾರಿದರು.

ಕುತ್ತಿಗೆ ಕೊಯ್ದು ಹೋದವನು ನೀನು. ನಾವು ಯಾವ ರೀತಿ ನಡೆದುಕೊಳ್ಳಬೇಕು ಅಂತ ನಿನ್ನಿಂದ ನಾವು ಪಾಠ ಕಲಿಯಬೇಕಿಲ್ಲ. ನಿನ್ನ ಕಾಲ ಮುಗಿದಿದೆ. KR ಪೇಟೆ ಜನ ಈ ಚುನಾವಣೆಯಲ್ಲಿ ಏನು ಅಂತ ನಿನಗೆ ತೋರಿಸ್ತಾರೆ ಅಂತ ಸವಾಲ್ ಹಾಕಿದರು. ಇದನ್ನೂ ಓದಿ: ನಕಲಿ ಅಂಕಪಟ್ಟಿ ನೀಡಿ ಪ್ರಾಚಾರ್ಯ ಹುದ್ದೆಗೇರಿದ್ದ ಪ್ರಾಂಶುಪಾಲ- ಪ್ರಕರಣ ದಾಖಲು

ಜೆಡಿಎಸ್ (JDS) ನಾಯಕ ದೇವರಾಜ್‌ಗೆ ಮೋಸ ಮಾಡಿದ್ದಾರೆ ಎಂಬ ನಾರಾಯಣಗೌಡ ಹೇಳಿಕೆಗೆ ಆಕ್ರೋಶಗೊಂಡ ಕುಮಾರಸ್ವಾಮಿ, ಯಾರಿಗೆ ಮೋಸ ಮಾಡಿದ್ದಾರೆ. ಮಂಜುನಾಥ್ ಕಾರ್ಯಕರ್ತ ಅಲ್ಲವಾ?ದೇವರಾಜ್ ಎಷ್ಟು ಬಾರಿ ಟಿಕೆಟ್ ಕೊಟ್ಟಿದ್ದೇವೆ. ಇವನಿಂದ ಸರ್ಟಿಫಿಕೇಟ್ ತಗೋಬೇಕಾ ನಾನು? ಇವನು ಪಕ್ಷಾಂತರಿ. ಪಕ್ಷಕ್ಕೆ ಚೂರಿ ಹಾಕಿ ಹೋದವನು ಇವನು. ಇವನು ನನಗೆ ಪಾಠ ಹೇಳ್ತಾನಾ?ಕಾರ್ಯಕರ್ತರನ್ನು ಹೇಗೆ ಉಳಿಸುಕೊಳ್ಳಬೇಕು ಅಂತ ನನಗೆ ಗೊತ್ತಿದೆ. KR ಪೇಟೆಯಲ್ಲಿ ರಿಸಲ್ಟ್ ಬರುತ್ತೆ ಜೆಡಿಎಸ್ ಪರವಾಗಿ ಅಂತ ಭವಿಷ್ಯ ನುಡಿದರು. ಇದನ್ನೂ ಓದಿ: ದೇವೇಗೌಡರ ಕುಟುಂಬ ಯಾರನ್ನೂ ಬೆಳೆಯಲು ಬಿಡಲ್ಲ- ಜೆಡಿಎಸ್ ವಿರುದ್ಧ ನಾರಾಯಣಗೌಡ ವಾಗ್ದಾಳಿ