ರುಚಿಕರವಾದ ಕಸ್ಟರ್ಡ್ ಪೌಡರ್ ಹಲ್ವಾ ಮಾಡಿ ಸವಿಯಿರಿ

ಮನೆಗೆ ನೆಂಟರು ಒಂದಿಷ್ಟು ಜನ ಬಂದಾಗ ಬೇಗನೆ ಸಿಹಿ ಮಾಡುವುದು ಗೃಹಿಣಿಯರಿಗೆ ಸವಾಲು. ಇಂತಹ ಸಮಯದಲ್ಲಿ ಫಟಾಫಟ್ ಅಂತ ಮಾಡಬಹುದು ಈ ಕಸ್ಟರ್ಡ್ ಪೌಡರ್ ಹಲ್ವಾ (Custard Powder Halwa). ಕಸ್ಟರ್ಡ್ ಪೌಡರ್, ಸಕ್ಕರೆ, ತುಪ್ಪದಿಂದ ತಯಾರಿಸಲಾಗುವ ಸಿಹಿಯನ್ನು ಮಾಡುವುದು ಹೇಗೆಂದು ಕಲಿತುಕೊಳ್ಳಿ. ಕಸ್ಟರ್ಡ್ ಪೌಡರ್ ಹಲ್ವಾ ಮಾಡುವ ಸುಲಭ ವಿಧಾನ ಇಲ್ಲಿದೆ.

ಬೇಕಾಗುವ ಪದಾರ್ಥಗಳು:
ಸಕ್ಕರೆ – 1 ಕಪ್
ಕಸ್ಟರ್ಡ್ ಪೌಡರ್ – ಅರ್ಧ ಕಪ್ (ನಿಮ್ಮ ಆಯ್ಕೆಯ ಯಾವ ಫ್ಲೇವರ್ ಕೂಡಾ ಬಳಸಬಹುದು)
ನೀರು – 1 ಕಪ್
ತುಪ್ಪ – 2 ಟೀಸ್ಪೂನ್
ಕೇಸರಿ ದ್ರಾವಣ – 1 ಟೀಸ್ಪೂನ್
ಕತ್ತರಿಸಿದ ಗೋಡಂಬಿ – 5 ಇದನ್ನೂ ಓದಿ: ಕಾಜು ಬರ್ಫಿ ಮಾಡುವ ಸುಲಭ ವಿಧಾನ

ಮಾಡುವ ವಿಧಾನ:
* ಮೊದಲಿಗೆ ದೊಡ್ಡ ಬಟ್ಟಲಿನಲ್ಲಿ ಸಕ್ಕರೆ ಮತ್ತು ಕಸ್ಟರ್ಡ್ ಪೌಡರ್ ತೆಗೆದುಕೊಳ್ಳಿ.
* ಅದಕ್ಕೆ 1 ಕಪ್ ನೀರಿನ್ನು ಸೇರಿಸಿ, ಚೆನ್ನಾಗಿ ಮಿಕ್ಸ್ ಮಾಡಿ.
* ಸಕ್ಕರೆ ಸಂಪೂರ್ಣವಾಗಿ ಕರಗಿ, ಯಾವುದೇ ಉಂಡೆಗಳಿಲ್ಲ ಎಂಬುದನ್ನು ಖಚಿತಪಡಿಸಿಕೊಂಡ ಬಳಿಕ ಪಕ್ಕಕ್ಕೆ ಇರಿಸಿ.
* ಈಗ ಒಂದು ಕಡಾಯಿಯಲ್ಲಿ ತುಪ್ಪವನ್ನು ಬಿಸಿ ಮಾಡಿ, ಗೊಂಡಂಬಿಯನ್ನು ಹುರಿಯಿರಿ.
* ಈಗ ಸಕ್ಕರೆ ಹಾಗೂ ಕಸ್ಟರ್ಡ್ ಪೌಡರ್‌ನ ಮಿಶ್ರಣವನ್ನು ಸುರಿದು, ಮಧ್ಯಮ ಉರಿಯಲ್ಲಿ ಮಿಶ್ರಣ ಮಾಡಿ.
* ಈಗ ಅದಕ್ಕೆ ಕೇಸರಿ ದ್ರಾವಣವನ್ನು ಹಾಕಿ, ಮಿಶ್ರಣ ದಪ್ಪವಾಗುವವರೆಗೆ ನಿರಂತರವಾಗಿ ಮಿಕ್ಸ್ ಮಾಡಿ.
* ಈಗ ಟ್ರೇ ಅಥವಾ ಬಟ್ಟಲಿಗೆ ತುಪ್ಪವನ್ನು ಗ್ರೀಸ್ ಮಾಡಿ, ಅದಕ್ಕೆ ಮಿಶ್ರಣವನ್ನು ಸುರಿಯಿರಿ.
* ಅದನ್ನು ತಣ್ಣಗಾಗಲು 30 ನಿಮಿಷಗಳವರೆಗೆ ಬಿಡಿ.
* ಇದೀಗ ಕಸ್ಟರ್ಡ್ ಪೌಡರ್ ಹಲ್ವಾ ತಯಾರಾಗಿದ್ದು, ಗೋಡಂಬಿಯಿಂದ ಅಲಂಕರಿಸಿ, ಸವಿಯಿರಿ. ಇದನ್ನೂ ಓದಿ: ಹಬ್ಬಕ್ಕೆ ಮಾಡಿ ಸಿಹಿಯಾದ ಹಯಗ್ರೀವ