ಗಮನಿಸಿ, ಸೋಲಾಪುರದಲ್ಲಿ ಹಳಿ ತಪ್ಪಿದ ಗೂಡ್ಸ್ ರೈಲು- ಈ ರೈಲುಗಳ ಮಾರ್ಗ ಬದಲಾವಣೆ

ಕಲಬುರಗಿ: ರೈಲಿನ ಬ್ರೇಕ್ ಫೇಲಾದ ಪರಿಣಾಮ 6 ಗೂಡ್ಸ್ ಬೋಗಿಗಳು ಹಳಿ ತಪ್ಪಿರುವ ಘಟನೆ, ಮಹಾರಾಷ್ಟ್ರದ ಸೋಲಾಪುರ ಜಿಲ್ಲೆಯ ದುಧನಿ ಗ್ರಾಮದ ಬಳಿ ಭಾನುವಾರ ತಡರಾತ್ರಿ ನಡೆದಿದೆ.

ಕಲಬುರಗಿಯ ಮಳಖೇಡದಿಂದ ಮಹಾರಾಷ್ಟ್ರಕ್ಕೆ ಹೋಗುತ್ತಿದ್ದ ಗೂಡ್ಸ್ ಟ್ರೇನ್ ಗಂಟೆಗೆ 50 ಕಿಮಿ ಹೋಗುತ್ತಿರುವಾಗ ಬ್ರೇಕ್ ಫೇಲ್ ಆಗಿದೆ. ಕೂಡಲೇ ರೈಲು ಚಾಲಕ ಹಿರಿಯ ಅಧಿಕಾರಿಗಳಿಗೆ ಮಾಹಿತಿ ನೀಡಿದ್ದಾರೆ.

ಇನ್ನು ಈ ಘಟನೆಯಿಂದ ಕಲಬುರಗಿ ಮಾರ್ಗವಾಗಿ ಮುಂಬೈ ಕಡೆ ಹೋಗಬೇಕಾದ ಬಹುತೇಕ ರೈಲುಗಳು ಮಾರ್ಗ ಬದಲಾವಣೆ ಮಡಲಾಗಿದೆ. ಹೂಟಗಿ-ಗುಂಟ್ಕಲ್, ವಾಡಿ-ಲಾತುರ್ ಸೇರಿದಂತೆ ಒಟ್ಟು 12 ರೈಲುಗಳ ಮಾರ್ಗ ಬದಲಾವಣೆ ಮಾಡಲಾಗಿದೆ.