ಮನುಷ್ಯನನ್ನು ಹೋಲುವ ಮೇಕೆ ಮರಿ ಜನನ – ಗ್ರಾಮಸ್ಥರು ಶಾಕ್

ದಿಸ್ಪುರ್: ಮೇಕೆಯೊಂದು ಮನುಷ್ಯನನ್ನು ಹೋಲುವ ಮರಿಗೆ ಜನ್ಮ ನೀಡಿರುವ ವಿಲಕ್ಷಣ ಘಟನೆ ಅಸ್ಸಾಂನ ಕ್ಯಾಚಾರ್ ಜಿಲ್ಲೆಯಲ್ಲಿ ನಡೆದಿದೆ.

ಅಸ್ಸಾಂನ ಧೋಲೈ ವಿಧಾನಸಭಾ ಕ್ಷೇತ್ರದ ಗಂಗಾಪುರ ಗ್ರಾಮದಲ್ಲಿ ಈ ಘಟನೆ ನಡೆದಿದ್ದು, ಮೇಕೆ ಮರಿ ಇನ್ನೂ ಬದುಕಿದೆ. ಮನುಷ್ಯನ ಹೋಲಿಕೆ ಹೊಂದಿರುವ ಮೇಕೆಯನ್ನು ಕಂಡು ಜನ ಅಚ್ಚರಿಗೊಂಡಿದ್ದಾರೆ. ಇದನ್ನೂ ಓದಿ: ಓಮಿಕ್ರಾನ್ ಭೀತಿ – ಡಿ.30ರಿಂದ ಕೇರಳದಲ್ಲಿ ನೈಟ್ ಕರ್ಫ್ಯೂ

ಮೇಕೆ ಮರಿಯ ಕಣ್ಣು, ಮೂಗು ಮತ್ತು ಬಾಯಿ ಮನುಷ್ಯನಂತೆ ಇದ್ದು, ಅದರ ಕಿವಿಗಳು ಮಾತ್ರ ಮೇಕೆಯಂತಿದೆ. ಈ ವಿಚಾರ ಎಲ್ಲೆಡೆ ಹಬ್ಬುತ್ತಿದ್ದಂತೆಯೇ ಇಡೀ ಗ್ರಾಮದ ಜನರು ಅಪರೂಪದ ಮೇಕೆ ಮರಿಯನ್ನು ನೋಡಲು ಜಮಾಯಿಸಿದ್ದಾರೆ. ಇದನ್ನೂ ಓದಿ: ಮಾನವನ ಮುಖ ಹೊತ್ತು ಜನಿಸಿದ ಮೇಕೆ ಮರಿ

ಈ ಹಿಂದೆ ಗುಜರಾತ್‍ನ ಸಾಂಗ್ದ್ ತಾಲೂಕಿನ ಟ್ಯಾಪಿ ನದಿ ಸಮೀಪದ ಸೆಲ್ಟಿಪಾಡಾ ಗ್ರಾಮದಲ್ಲಿ ಇದೇ ರೀತು ಮನುಷ್ಯನ ಹೋಲಿಕೆ ಇರುವ ಮರಿಗೆ ಮೇಕೆಯೊಂದು ಜನ್ಮ ನೀಡಿತ್ತು. ವಿಚಿತ್ರ ಎಂದರೆ ಈ ಮೇಕೆ ಮರಿಗೆ ನಾಲ್ಕು ಕಾಲು ಹಾಗೂ ಎರಡು ಕಿವಿಗಳಿತ್ತು ಮತ್ತು ಹಣೆ, ಕಣ್ಣು, ಬಾಯಿ ಮತ್ತು ಗಲ್ಲ ಸೇರಿದಂತೆ ಕೆಲವು ಭಾಗಗಳು ಮನುಷ್ಯನನ್ನು ಹೋಲುವಂತಿತ್ತು. ಆದರೆ ಈ ಮೇಕೆ ಜನಿಸಿದ ಹತ್ತು ನಿಮಿಷದ ನಂತರ ಸಾವನ್ನಪ್ಪಿತ್ತು.