ಗಂಗಾವತಿಯ ಕಂಪ್ಯೂಟರ್ ಕೇಂದ್ರದಲ್ಲಿ ಕೋಟಿ ರೂ. ಕಾಮಗಾರಿಗಳಿಗೆ ಅನುಮೋದನೆ ಸಿಗುತ್ತೆ!

ಕೊಪ್ಪಳ: ಗಂಗಾವತಿ ಪಂಚಾಯತ್ ರಾಜ್ ಎಂಜಿನಿಯರಿಂಗ್ ಉಪ- ವಿಭಾಗ ಕಚೇರಿ ಸದ್ಯ ನಗರದ ಖಾಸಗಿ ವ್ಯಕ್ತಿ ಅಂಗಡಿಯಲ್ಲೇ ನಡೆಯುತ್ತಿದೆ.

ಹೌದು. ಕಚೇರಿಯಲ್ಲಿ ಕುಳಿತು ಕೆಲಸ ಮಾಡಬೇಕಿದ್ದ ಸಹಾಯಕ ಕಾರ್ಯ ನಿರ್ವಾಹಕ ಇಂಜಿನಿಯರ್ ಗಂಗಾವತಿಯಲ್ಲಿ ಅಂಗಡಿಯಲ್ಲೇ ಕೆಲಸ ಮಾಡುತ್ತಿದ್ದು, ಕಚೇರಿ ಮಾತ್ರ ಖಾಲಿ ಇರುತ್ತದೆ.

ಗಂಗಾವತಿಯ ಉಪ- ವಿಭಾಗ ಎಇಇ ಕಚೇರಿ ಖಾಸಗಿ ವ್ಯಕ್ತಿಯಯಾಗಿರುವ ಹಫೀಸ್ ಎಂಬಾತನ ಕಂಪ್ಯೂಟರ್ ಸೆಂಟರ್ ನಲ್ಲಿ ನಡೆಯುತ್ತಿದೆ. ಇಡೀ ತಾಲೂಕಿನ ಕೋಟಿ- ಕೋಟಿ ರೂಪಾಯಿ ಅನುದಾನದ ಕಾಮಗಾರಿಗೆ ಇಲ್ಲೇ ಅನುಮೋದನೆ ನೀಡಲಾಗುತ್ತದೆ.

ಹಫೀಸ್ ನಡೆಸುವ ಕಂಪ್ಯೂಟರ್ ನಲ್ಲಿಯೇ ಸರ್ಕಾರಿ ಸಾಫ್ಟ್ವೇರ್ ಇವೆ. ಅಷ್ಟೇ ಅಲ್ಲದೇ ಕೋಟ್ಯಾಂತರ ರೂಪಾಯಿ ಕಾಮಗಾರಿಯ ದಾಖಲಾತಿಯನ್ನು ಈ ಖಾಸಗಿ ವ್ಯಕ್ತಿಯೇ ಪರಿಶೀಲನೆ ಮಾಡಿ ಕೊಡುತ್ತಾನೆ. ನಂತರ ಬರುವ ಎಂಜಿನಿಯರ್ ಸಹಿ ಹಾಕಿ ಅಪ್ರೂವ್ ಮಾಡುವುದಕ್ಕೂ ಇಲ್ಲಿಗೆ ಬರಬೇಕಂತೆ. ಕಳೆದ ಐದು ತಿಂಗಳಿನಿಂದ ಈ ವ್ಯವಸ್ಥೆ ಇದ್ದು ಈ ಅವ್ಯವಸ್ಥೆಯನ್ನು ಸ್ವತಃ ಎಇಇ ಓಂಕಾರ್ ಒಪ್ಪಿಕೊಂಡಿದ್ದಾರೆ.

ಹಫೀಸ್ ಈ ಹಿಂದೆ ಗಂಗಾವತಿ ತಾಪಂ ಕಚೇರಿಯಲ್ಲಿ ಗುತ್ತಿಗೆ ನೌಕರನಾಗಿ ಕೆಲಸ ಮಾಡುತ್ತಿದ್ದ. ಇಲ್ಲಿ ಅವ್ಯವಹಾರ ಮಾಡಿ, ಕೆಲಸ ಕಳೆದುಕೊಂಡ ಬಳಿಕ ಕಚೇರಿಯನ್ನೇ ತನ್ನ ಅಂಗಡಿಗೆ ಶಿಫ್ಟ್ ಮಾಡಿಕೊಂಡಿದ್ದಾನೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictvnews