CinemaKarnatakaLatestMain PostSandalwoodSouth cinema

ಹುಡುಗರ ಸಾಮರ್ಥ್ಯನ 2 ನಿಮಿಷದ ಮ್ಯಾಗಿಗೆ ಹೋಲಿಸಿದ್ದ ನಟಿಗೆ, ತೆಲುಗು ನಟ ಅಡಿವಿ ಶೇಷ್ ಕೊಟ್ಟ ಟಾಂಗ್ ಇನ್ನೂ ಭಯಂಕರ

ನ್ನಡದಲ್ಲಿ ಸೂರ್ಯಕಾಂತಿ ಸೇರಿದಂತೆ ಹಲವು ಸಿನಿಮಾಗಳನ್ನು ಮಾಡಿರುವ ನಟಿ ರೆಜಿನಾ (Regina) ಮೊನ್ನೆಯಷ್ಟೇ ತಮ್ಮ ಸಿನಿಮಾದ ಪ್ರಚಾರದಲ್ಲಿ ಪೋಲಿ ತಮಾಷೆ ಮಾಡಿದ್ದರು. ಸಂದರ್ಶನವೊಂದರಲ್ಲಿ ಮಾತನಾಡಿದ್ದ ರೆಜಿನಾ ‘ ಹುಡುಗರ ಸಾಮರ್ಥ್ಯ ಮ್ಯಾಗಿಯಂತೆ 2 ನಿಮಿಷದಲ್ಲೇ ಮುಗಿಯತ್ತೆ’ ಎಂದು ಹೇಳಿದ್ದರು. ಈ ಮಾತು ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗಿತ್ತು. ಅದರಲ್ಲೂ ಪಡ್ಡೆಗಳು ಈ ವಿಡಿಯೋವನ್ನು ಟ್ರೋಲ್ ಕೂಡ ಮಾಡಿದ್ದರು.

ಇದೇ ವಿಷಯಕ್ಕೆ ಸಂಬಂಧಪಟ್ಟಂತೆ ತೆಲುಗು ನಟ ಅಡಿವಿ ಶೇಷ್ (Adivi Shesh) ಪ್ರತ್ಯುತ್ತರ ಕೊಟ್ಟಿದ್ದು, ಅದು ಇನ್ನೂ ಅಚ್ಚರಿ ಮೂಡಿಸುವಂತಿದೆ. ಹುಡುಗರ ಸಾಮರ್ಥ್ಯವನ್ನು 2 ನಿಮಿಷದಲ್ಲೇ ಮುಗಿಯುವ ಮ್ಯಾಗಿಗೆ ರೆಜಿನಾ ಹೋಲಿಸಿದರೆ, ಅಡಿವಿ ಶೇಷ್ ‘ನನಗೆ ಸ್ಟಾಮಿನಾ ಜಾಸ್ತಿ’ ಎಂದು ಹೇಳಿದ್ದಾರೆ. ಇವರ ಮಾತು ಕೂಡ ಸೋಷಿಯಲ್ ಮೀಡಿಯಾದಲ್ಲಿ ಭಾರಿ ಸದ್ದು ಮಾಡಿದೆ. ಅಲ್ಲದೇ, ರೆಜಿನಾಗೆ ಟ್ಯಾಗ್ ಮಾಡುವ ಮೂಲಕ ಟ್ರೋಲ್ ಮಾಡಲಾಗುತ್ತಿದೆ. ಇದನ್ನೂ ಓದಿ:ಚಂದನವನದ ‘ಐಶೂ’ ಅಮೂಲ್ಯ ಬರ್ತ್‌ಡೇ: ಮತ್ತೆ ಸಿನಿಮಾ ಮಾಡುವಂತೆ ಫ್ಯಾನ್ಸ್ ಮನವಿ

ರೆಜಿನಾ ನಟನೆಯ ಶಾಕಿನಿ ಡಾಕಿನಿ (Shakini Dakini) ಸಿನಿಮಾ ರಿಲೀಸ್ ಗೆ ರೆಡಿಯಾಗಿದೆ. ಈ ಸಿನಿಮಾದ ಪ್ರಚಾರವನ್ನು ಕೋ ಸ್ಟಾರ್ ಜೊತೆ ನಡೆಸಿದ್ದಾರೆ ನಟಿ. ಈ ಸಂದರ್ಭದಲ್ಲಿ ಹಲವು ಟಿವಿ ಸಂದರ್ಶನಗಳಲ್ಲೂ ರೆಜಿನಾ ಮಾತನಾಡಿದ್ದಾರೆ. ಆಗ ನಿರೂಪಕ ‘ 2 ನಿಮಿಷದಲ್ಲಿ ಮ್ಯಾಗಿ (Maggi) ರೆಡಿ ಆಗತ್ತೆ, ಹುಡುಗಿಯರ ಮೇಕಪ್ ಮುಗಿಯಲ್ಲ’ ಎಂದು ಹೇಳುತ್ತಾರೆ. ತಕ್ಷಣವೇ ರೆಜಿನಾ ಕೂಡ ಮ್ಯಾಗಿ ಬಗ್ಗೆ ನನ್ನ ಹತ್ತಿರವೂ ಒಂದು ಜೋಕ್ ಇದೆ ಎಂದು ಹೇಳುತ್ತಾ, ‘ಮ್ಯಾಗಿಗೆ ಹುಡುಗರ ಸಾಮರ್ಥ್ಯವನ್ನು ಹೋಲಿಕೆ ಮಾಡಿ ಹೇಳುತ್ತಾರೆ.

Live Tv

Leave a Reply

Your email address will not be published.

Back to top button