ವರ್ಕ್ ಫ್ರಂ ಹೋಂ ಎಫೆಕ್ಟ್- ಮಗಳು ಲೈವ್ ಮಾಡ್ತಿದ್ದಾಗ ಬಟ್ಟೆ ಹಾಕ್ತಾ ಅಪ್ಪನ ಎಂಟ್ರಿ

ತಲ್ಲಹಸ್ಸಿ(ಫ್ಲೋರಿಡಾ): ಕೊರೊನಾ ವೈರಸ್ ಭೀತಿಯಿಂದಾಗಿ ದೇಶ ಮಾತ್ರವಲ್ಲದೆ ವಿದೇಶದಲ್ಲೂ ಲಾಕ್ ಡೌನ್ ಮಾಡಲಾಗಿದ್ದು, ಈ ಹಿನ್ನೆಲೆಯಲ್ಲಿ ಹಲವಾರು ಕಂಪನಿಗಳ ಸಿಬ್ಬಂದಿ ಮನೆಯಿಂದಲೇ ಕೆಲಸ ಮಾಡುತ್ತಿದ್ದಾರೆ. ಮುಖ್ಯವಾಗಿ ಸುದ್ದಿವಾಹಿನಿಗಳ ಸಿಬ್ಬಂದಿ ಕೂಡ ಮನೆಯಿಂದಲೇ ಜನರಿಗೆ ಸುದ್ದಿಗಳನ್ನು ಬಿತ್ತರಿಸುತ್ತಿದ್ದಾರೆ. ಹೀಗೆ ಮಹಿಳಾ ವರದಿಗಾರರೊಬ್ಬರು ಮನೆಯಿಂದ್ಲೇ ವರದಿ ನೀಡುತ್ತಿದ್ದಾಗ ನಡೆದ ಘಟನೆಯೊಂದು ಇದೀಗ ಸಾಮಾಜಿಕ ಜಾಲತಾಣಗಳಲ್ಲಿ ಸಖತ್ ವೈರಲ್ ಆಗಿದೆ.

Work from home they said, it’ll be fine they said. pic.twitter.com/e2eK6IH6r5

— Jessica Lang (@jessdlang) March 28, 2020

ಫ್ಲೋರಿಡಾದ ಜೆಸ್ಸಿಕಾ ಲ್ಯಾಂಗ್ ಎಂಬಾಕೆ ಅಡುಗೆ ಮನೆಯಿಂದ ಲೈವ್ ಬಂದಿದ್ದರು. ಹೀಗೆ ಕೊರೊನಾ ವೈರಸ್ ಬಗ್ಗೆ ಮಾತನಾಡುತ್ತಿದ್ದ ಸಂದರ್ಭದಲ್ಲಿ ಆಕೆಯ ತಂದೆ ಟೀ-ಶರ್ಟ್ ಹಾಕಿಕೊಂಡು ಒಳಗಡೆಯಿಂದ ಎಂಟ್ರಿ ಕೊಟ್ಟಿದ್ದಾರೆ. ಕೂಡಲೇ ಎಚ್ಚೆತ್ತು ಒಳಗಡೆ ತೆರಳಿದ್ದಾರೆ. ಈ ವಿಚಾರ ಮಗಳಿಗೂ ಗೊತ್ತಾಗಿ ಅಯ್ಯೋ ಡ್ಯಾಡಿ ಎಂದು ಒಂದು ಕ್ಷಣ ದಂಗಾಗಿದ್ದಾರೆ. ಸದ್ಯ ಈ ವಿಡಿಯೋ ಇದೀಗ ಸಾಮಾಜಿಕ ಜಾಲತಾಣದಲ್ಲಿ ಸಖತ್ ವೈರಲ್ ಆಗುತ್ತಿದ್ದು, ಸಾಕಷ್ಟು ಕಮೆಂಟ್ ಗಳು ಬರುತ್ತಿವೆ.

Your dad’s awesome.

— Carlos R Munoz (@ReadCarlos) March 28, 2020

ಕಳೆದ ಗುರುವಾರ ಮಗಳು ವರದಿ ಮಾಡುತ್ತಿದ್ದರೆ, ಆಕೆಯ ತಾಯಿಯೇ ವಿಡಿಯೋ ಮಾಡುತ್ತಿದ್ದ ಸಂದರ್ಭದಲ್ಲಿ ತಂದೆ ಕೊಟ್ಟಿದ್ದಾರೆ ಎಂಬುದಾಗಿ ಸುದ್ದಿಸಂಸ್ಥೆಯೊಂದು ವರದಿ ಮಾಡಿದೆ. ಈ ವಿಡಿಯೋವನ್ನು ಸ್ವತಃ ಜೆಸ್ಸಿಕಾ ಅವರೇ ತಮ್ಮ ಟ್ವಿಟ್ಟರ್ ಖಾತೆಯಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದಾರೆ.

That is so funny..but typically of a father…

— Ken Larrabee (@ken_larrabee) March 28, 2020

ಜೆಸ್ಸಿಕಾ ಅವರು ಭಾನುವಾರ ಈ ವಿಡಿಯೋವನ್ನು ಅಪ್ಲೋಡ್ ಮಾಡಿದ್ದು, 7 ಲಕ್ಷಕ್ಕಿಂತಲೂ ಅಧಿಕ ಬಾರಿ ವೀಕ್ಷಣೆಯಾಗಿದ್ದು, 12 ಸಾವಿರಕ್ಕೂ ಅಧಿಕ ಮಂದಿ ಲೈಕ್ ಮಾಡಿದ್ದಾರೆ. ಅಲ್ಲದೆ ಸಾವಿರಾರು ಕಮೆಂಟ್ ಗಳು ಬರುತ್ತಿವೆ.