ವಿಜಯಪುರ: ನನ್ನ ಸಾವಿಗೆ ಸರ್ಕಾರವೇ ಕಾರಣ ಅಂತಾ ಡೆತ್ ನೋಟ್ ಬರೆದಿಟ್ಟು ರೈತರೊಬ್ಬರು ಆತ್ಮಹತ್ಯೆ ಮಾಡಿಕೊಂಡ ಘಟನೆ ವಿಜಯಪುರ ಜಿಲ್ಲೆಯ ಸಿಂಧಗಿ ತಾಲೂಕಿನ ಚಟ್ಟರಕಿ ಗ್ರಾಮದಲ್ಲಿ ನಡೆದಿದೆ.
43 ವರ್ಷದ ಸಂತೋಷ ಕುಲಕರ್ಣಿ ವಿಷ ಸೇವಿಸಿ ಆತ್ಮಹತ್ಯೆಗೆ ಶರಣಾದ ರೈತ.
`ನನ್ನ ಸಾವಿಗೆ ಬೇರಾರು ಕಾರಣವಲ್ಲ, ಸರ್ಕಾರವೇ ಕಾರಣ. ಸಾಲ ಬಾಧೆಯೇ ನನ್ನ ಸಾವಿಗೆ ಕಾರಣವಾಗಿದೆ. I am so sorry.. I am quite.! ಎಂದು ಡೆತ್ ನೋಟ್ ಬರೆದಿಟ್ಟಿದ್ದಾರೆ. ಅಲ್ಲದೇ ಸಾಲಗಾರರ ಹೆಸರು, ಅವರು ನೀಡಿದ ಸಾಲದ ಸಂಪೂರ್ಣ ವಿವರವನ್ನೂ ಕೂಡ ಅದರಲ್ಲಿ ಉಲ್ಲೇಖಿಸಿದ್ದಾರೆ.
7 ಎಕರೆ ಜಮೀನು ಹೊಂದಿದ್ದ ಸಂತೋಷ್, ಬ್ಯಾಂಕ್ ನಲ್ಲಿ 7 ಲಕ್ಷ ಮತ್ತು ಇತರೆ 5 ಲಕ್ಷ ಸಾಲ ಮಾಡಿದ್ದರು. ಇದೀಗ ಕಬ್ಬು ಮತ್ತು ದಾಳಿಂಬೆ ಬೆಳೆ ಕೈಕೊಟ್ಟಿರುವ ಹಿನ್ನೆಲೆಯಲ್ಲಿ ಸಾಲದ ಹೊರೆ ತಾಳಲಾರದೆ ಈ ನಿರ್ಧಾರ ಕೈಗೊಂಡಿದ್ದಾರೆ.
ಸಿಂಧಗಿ ಪೊಲೀಸ್ ಠಾಣೆಯಲ್ಲಿ ಪ್ರಕರಣ ದಾಖಲಾಗಿದೆ.
