ವಾಷಿಂಗ್ಟನ್: ಟೆಸ್ಲಾ ಮುಖ್ಯಸ್ಥ ಎಲೋನ್ ಮಸ್ಕ್ ಅವರು ಗೂಗಲ್ ಸಹ-ಸಂಸ್ಥಾಪಕ ಮತ್ತು ಬಿಲಿಯನೇರ್ ಸೆರ್ಗೆ ಬ್ರಿನ್ ಅವರ ಪತ್ನಿಯೊಂದಿಗೆ ಸಂಬಂಧ ಹೊಂದಿದ್ದಾರೆ ಎಂಬ ಊಹಾಪೋಹಗಳು ಹರಿದಾಡುತ್ತಿತ್ತು. ಆದರೆ ಮಸ್ಕ್ ಈ ಸುದ್ದಿಗೆ ತೆರೆ ಎಳೆದಿದ್ದಾರೆ.
ಟ್ವಟ್ಟರ್ನಲ್ಲಿ ಮಸ್ಕ್ ಈ ಕುರಿತು ಪ್ರತಿಕ್ರಿಯೆ ನೀಡಿದ್ದು, ನಾನು ಮತ್ತು ಸೆರ್ಗೆ ಒಳ್ಳೆಯ ಸ್ನೇಹಿತರು. ಕಳೆದ ರಾತ್ರಿ ನಾವಿಬ್ಬರು ಒಟ್ಟಿಗೆ ಪಾರ್ಟಿಯಲ್ಲಿದ್ದೆವು. ನಾನು ಮೂರು ವರ್ಷಗಳಲ್ಲಿ ಎರಡು ಬಾರಿ ಮಾತ್ರ ನಿಕೋಲ್ ಅವರನ್ನು ನೋಡಿದ್ದೇನೆ. ನಾವಿಬ್ಬರು ಎರಡು ಬಾರಿ ಭೇಟಿಯಾದಾಗ ಅನೇಕ ಜನರು ನಮ್ಮ ಸುತ್ತ ಇದ್ದರು. ಇದು ಬಿಟ್ಟು ಯಾವುದೇ ರೋಮ್ಯಾನ್ಸ್ ನಮ್ಮ ಮಧ್ಯೆ ನಡೆದಿಲ್ಲ ಎಂದು ಟ್ವೀಟ್ ಮಾಡಿದ್ದಾರೆ. ಇದನ್ನೂ ಓದಿ: ಗಡಿಯಲ್ಲಿ 20 ದಿನಗಳಿಂದ ನಾಪತ್ತೆಯಾಗಿದ್ದ ಇಬ್ಬರು ಕಾರ್ಮಿಕರ ರಕ್ಷಣೆ – ಇನ್ನೂ ಸಿಕ್ಕಿಲ್ಲ 9 ಮಂದಿ
ಬ್ರಿನ್ ಅವರು ತಮ್ಮ ಪತ್ನಿ ನಿಕೋಲ್ ಶಾನಹಾನ್ ಅವರ ಜೊತೆಗಿನ ಭಿನ್ನಾಭಿಪ್ರಾಯಗಳಿಂದ ಜನವರಿಯಲ್ಲಿ ವಿಚ್ಛೇದನಕ್ಕೆ ಅರ್ಜಿ ಸಲ್ಲಿಸಿದ್ದರು. ಇವರಿಬ್ಬರು 2021 ಡಿಸೆಂಬರ್ 15ರಿಂದ ಬೇರೆಯಾಗಿಯೇ ಜೀವನ ನಡೆಸುತ್ತಿದ್ದಾರೆ ಎಂದು ಹೇಳಲಾಗುತ್ತಿದೆ. ಈ ಮಧ್ಯೆ ಮಸ್ಕ್ ಮತ್ತು ನಿಕೋಲ್ ಶಾನಹಾನ್ ಅವರಿಗೆ ಸಂಬಂಧವಿದೆ ಎಂಬ ಮಾತು ಕೇಳಿಬರುತ್ತಿತ್ತು. ಆದರೆ ಈ ಕುರಿತು ಇಬ್ಬರು ಏನನ್ನು ಹೇಳಿರಲಿಲ್ಲ.
