ಪ್ರೀತಿ ಅಂದರೆ ಅದೊಂದು ಸುಂದರ ಅನುಭವ. ಪ್ರೀತಿ ಎಂಬ ಶಬ್ಧವೇ ಕೇಳಲು ಹಿತವಾಗಿರುತ್ತದೆ. ಯಾವುದೇ ಸ್ವಾರ್ಥವಿಲ್ಲದೇ ಪ್ರೀತಿಸುವ ಹೃದಯ ಸದಾ ಜೊತೆಯಿರಬೇಕು ಎಂಬುದೇ ಪ್ರೀತಿಯ ಅರ್ಥ. ಪ್ರೀತಿಯಲ್ಲಿ ಮೇಲು-ಕೀಳು ಎಂಬುವುದಿರುವುದಿಲ್ಲ. ಜಾತಿ, ಧರ್ಮ, ಅಂದ-ಚಂದ, ಮೇಲು-ಕೀಳು ದೊಡ್ಡಸ್ತಿಕೆ ಅದೆಲ್ಲವನ್ನು ಮೆಟ್ಟಿ ಏರಿರುವುದು ಪ್ರೀತಿ. ಪ್ರೇಮದಲ್ಲಿರುವುದು ಹೃದಯಗಳ ಪಿಸುಮಾತುಗಳು, ಭಾವನೆಗಳ ಸಮಾಗಮ, ಮೌನಕವಿತೆ. ಪ್ರೀತಿಗೆ ಬೇಕಾಗಿರುವುದು ಹಣ, ಅಂತಸ್ತು ಅಲ್ಲ. ಪ್ರೀತಿಸುವ ಹೃದಯ. ಪ್ರೀತಿಗೆ ವಯಸ್ಸಿನ ಅಂತರವಿರುವುದಿಲ್ಲ. ವಯಸ್ಸು ಎಷ್ಟೇ ಆದರೂ ಭಾವನೆಗಳು ಎಂದಿಗೂ ಮಾಸುವುದಿಲ್ಲ. ಇದಕ್ಕೆ ಸಾಕ್ಷಿ ಎಂಬಂತೆ ವೃದ್ಧನೋರ್ವ ತನ್ನ ಇಳಿವಯಸ್ಸಿನಲ್ಲಿ ನೃತ್ಯ ಮಾಡಿ ತನ್ನ ತುಂಟತನದಿಂದ ಪತ್ನಿ ನಾಚಿ ನೀರಾಗುವಂತೆ ಮಾಡಿದ್ದಾರೆ. ಇದೀಗ ಈ ವೀಡಿಯೋ ಸೋಶಿಯ್ ಮೀಡಿಯಾದಲ್ಲಿ ಹರಿದಾಡುತ್ತಿದೆ.
View this post on Instagram
ಈ ವೀಡಿಯೋವನ್ನು ದಂಪತಿಯ ಪುತ್ರಿ ಶೃತಿ ವಾಸುದೇವನ್ ಎಂಬವರು ತಮ್ಮ ಇನ್ಸ್ಟಾಗ್ರಾಮ್ನಲ್ಲಿ ಹಂಚಿಕೊಂಡಿದ್ದು, 70 ವರ್ಷದ ವೃದ್ಧ ಲುಂಗಿ ಮತ್ತು ಬಿಳಿ ಬನಿಯನ್ ಧರಿಸಿ ಕಾಲಿವುಡ್ ನಟ ಥಳಪತಿ ವಿಜಯ್ ಅಭಿನಯದ ‘ದಿ ಬೀಸ್ಟ್’ ಸಿನಿಮಾದ ಅರೇಬಿಕ್ ಕುಥಿ ಹಾಡಿಗೆ ಫುಲ್ ಎನರ್ಜಿಟಿಕ್ ಆಗಿ ಕುಣಿದು ಕುಪ್ಪಳಿಸಿದ್ದಾರೆ. ಈ ವೀಡಿಯೋ ಜೊತೆಗೆ ಶೃತಿ ವಾಸುದೇವನ್ ಅವರು, “ವಿನಂತಿಯ ಮೇರೆಗೆ ಅಪ್ಲೋಡ್ ಮಾಡಲಾಗುತ್ತಿದೆ. ನಿಮ್ಮ ಒಳಗಿರುವ ಮಗುತನವನ್ನು ಜೀವಂತವಾಗಿಟ್ಟುಕೊಂಡರೆ, ಅದು ನಿಮ್ಮ ಸುತ್ತಿರುವವರನ್ನು ಯಾವಾಗಲೂ ಖುಷಿಯಾಗಿರಿಸುತ್ತದೆ. 70ರಲ್ಲಿಯೂ 10ವರ್ಷದವರಂತೆ ನನ್ನ ತಂದೆ ಮತ್ತು ತಾಯಿ ಕ್ಯೂಟ್ ಆಗಿದ್ದಾರೆ ಎಂದು ಕ್ಯಾಪ್ಷನ್ನಲ್ಲಿ ಬರೆದುಕೊಂಡಿದ್ದಾರೆ. ಇದನ್ನೂ ಓದಿ: ಓವೈಸಿ ಪ್ರಯಾಣಿಸುತ್ತಿದ್ದ ವಂದೇ ಭಾರತ್ ಎಕ್ಸ್ಪ್ರೆಸ್ ರೈಲಿನ ಮೇಲೆ ಕಲ್ಲು ತೂರಾಟ
ವೀಡಿಯೋದಲ್ಲಿ ವೃದ್ಧ ಇಳಿವಯಸ್ಸಿನಲ್ಲಿಯೂ ತನ್ನ ಪತ್ನಿಯನ್ನು ಸುತ್ತುತ್ತಾ ನೃತ್ಯ ಮಾಡುತ್ತಾ ಇಂಪ್ರೆಸ್ ಮಾಡಲು ಪ್ರಯತ್ನಿಸುತ್ತಿರುವುದನ್ನು ಕಾಣಬಹುದಾಗಿದೆ. ಈ ವೀಡಿಯೋಗೆ ಮನಸೋತ ನೆಟ್ಟಿಗರು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ. ಇಲ್ಲಿಯವರೆಗೂ ಸುಮಾರು 11 ದಶಲಕ್ಷಕ್ಕೂ ಹೆಚ್ಚು ಮಂದಿ ಈ ವೀಡಿಯೋವನ್ನು ವೀಕ್ಷಿಸಿದ್ದು, ಸೋಶಿಯಲ್ ಮೀಡಿಯಾದಲ್ಲಿ ಹೆಚ್ಚು ಮಂದಿ ಶೇರ್ ಮಾಡಿದ್ದಾರೆ. ಸಂತೋಷದಿಂದ ತುಂಬಿದ ಜೀವನ ಎಂದು ನೆಟ್ಟಿಗರೊಬ್ಬರು ಕಾಮೆಂಟ್ ಮಾಡಿದರೆ, ಮತ್ತೊಬ್ಬರು ಪರಿಶುದ್ಧವಾದ ಬಂಧ ಎಂದು ಮತ್ತೊಬ್ಬರು ಕಾಮೆಂಟ್ ಮಾಡಿದ್ದಾರೆ. ಇದನ್ನೂ ಓದಿ: ವಿದ್ಯಾರ್ಥಿನಿಯನ್ನ ಮದ್ವೆಯಾಗಲು ಲಿಂಗ ಬದಲಾವಣೆ ಶಸ್ತ್ರಚಿಕಿತ್ಸೆ ಮಾಡಿಸಿಕೊಂಡ ಶಿಕ್ಷಕಿ
