ಮೊದಲ ದಿನವೇ 30 ಕೋಟಿ ಕಲೆಕ್ಷನ್ – 100 ಕೋಟಿ ಕ್ಲಬ್ ಸೇರುತ್ತಾ ಜೇಮ್ಸ್..?

ಡಾ.ಪುನೀತ್ ರಾಜ್‍ಕುಮಾರ್ ಅಭಿನಯದ ಜೇಮ್ಸ್ ನಿನ್ನೆ ವಿಶ್ವಾದ್ಯಂತ ರಿಲೀಸ್ ಆಗಿತ್ತು. ‘ಜೇಮ್ಸ್’ ಅಪ್ಪು ಹುಟ್ಟುಹಬ್ಬದ ದಿನ ರಿಲೀಸ್ ಆಗಿದ್ದರಿಂದ ಸಿನಿಮಾವನ್ನು ಅಭಿಮಾನಿಗಳು ಹಬ್ಬದ ರೀತಿ ಬರಮಾಡಿಕೊಂಡಿದ್ದರು. ಈ ಸಿನಿಮಾ ನೋಡಬೇಕೆಂದು ಅಭಿಮಾನಿಗಳು ವಾರದ ಮುನ್ನವೇ ಟಿಕೆಟ್‍ಗಳನ್ನು ಬುಕ್ ಮಾಡಿಕೊಂಡಿದ್ದರು. ಪರಿಣಾಮ ಚಂದನವನದಲ್ಲಿ ‘ಜೇಮ್ಸ್’ ಬಾಕ್ಸಾಫೀಸ್‍ನಲ್ಲಿ ಹೊಸ ದಾಖಲೆಯನ್ನೆ ಬರೆದಿದೆ.

ಮೊದಲ ದಿನವೇ ಅಪ್ಪು ಸಿನಿಮಾದ ಸಂಪಾದನೆ ಬರೋಬ್ಬರಿ 30 ಕೋಟಿ ಆಗಿದೆ. ಕರ್ನಾಟಕದಲ್ಲಿ 370 ಚಿತ್ರಮಂದಿರಗಳಲ್ಲಿ 5 ಶೋ ಪ್ರದರ್ಶನ ಆಗಿದೆ. ತೆಲುಗಿನಲ್ಲಿ 270 ಸೆಂಟರ್‌ಗಳಲ್ಲಿ ‘ಜೇಮ್ಸ್’ ಬಿಡುಗಡೆಯಾಗಿದೆ. ಪರಭಾಷೆಗಳಲ್ಲಿ ಫಸ್ಟ್ ಡೇ 4 ಶೋಗಳು ಕೂಡ ‘ಜೇಮ್ಸ್’ ಸಿನಿಮಾ ಒಳ್ಳೆ ಸೌಂಡ್ ಮಾಡಿದೆ. ವಿದೇಶದಲ್ಲಿ ಕೂಡ ದಾಖಲೆಯ ಚಿತ್ರಮಂದಿರಗಳಲ್ಲಿ ಜೇಮ್ಸ್ ದರ್ಶನವಾಗಿದೆ. ಇದನ್ನೂ ಓದಿ: ಅಪ್ಪು ಹುಟ್ಟುಹಬ್ಬಕ್ಕೆ ಕನಸಿನ ‘ಗಂಧದಗುಡಿ’ ಫಸ್ಟ್ ಲುಕ್ ರಿಲೀಸ್

ಅಲ್ಲದೇ ಈಗಾಗಲೇ 4 ದಿನದ ಟಿಕೆಟ್‍ಗಳು ಸೋಲ್ಡ್ ಔಟ್ ಆಗಿದೆ. ‘ಜೇಮ್ಸ್’ ಮೊದಲ ದಿನದ ಕಲೆಕ್ಷನ್ ರಿಪೋರ್ಟ್ ನೋಡ್ತಿದ್ರೆ 4 ದಿನಗಳಲ್ಲಿ 100 ಕೋಟಿ ಕ್ಲಬ್ ಸೇರಲಿದೆ. ಟಿವಿ ರೈಡ್ಸ್, ಡಿಜಿಟಲ್ ರೈಟ್ಸ್ ಲೆಕ್ಕಾಚಾರ ಒಟ್ಟು ಮಾಡಿದ್ರೆ ಮೊದಲ ನಾಲ್ಕು ದಿನದಲ್ಲಿ 100 ಕೋಟಿ ಪಕ್ಕಾ ಎನ್ನುತ್ತಿದೆ ಚಂದನವನ.

‘ಜೇಮ್ಸ್’ ಮೂಲಕ ಕನ್ನಡದ ಯುವರತ್ನ ಹೊಸ ದಾಖಲೆ ಬರೆದಿದ್ದಾರೆ.