ವಿಜಯ್ ದೇವರಕೊಂಡ- ಅನನ್ಯಾ ಪಾಂಡೆ ನಿರ್ದೇಶನದ ‘ಲೈಗರ್’ (Liger) ಸಿನಿಮಾ ಕಳೆದ ವರ್ಷ ಬಾಕ್ಸಾಫೀಸ್‌ನಲ್ಲಿ ಮಕಾಡೆ ಮಲಗಿತ್ತು. ಈ ಸಿನಿಮಾದ ಸೋಲಿನ ನಂತರ ಮತ್ತೆ ಡೈರೆಕ್ಟರ್ ಪುರಿ ಜಗನ್ನಾಥ್ (Director Puri Jagannadh) ನಿರ್ದೇಶನಕ್ಕೆ ವಾಪಾಸ್ ಆಗಿದ್ದಾರೆ. ಮತ್ತೆ ಆ್ಯಕ್ಷನ್ ಕಟ್ (Direction) ಹೇಳಲು ರೆಡಿಯಾಗಿದ್ದಾರೆ.
Advertisement
ಪುರಿ ಜಗನ್ನಾಥ್ ಅವರು ಪುನೀತ್ ರಾಜ್, ನಾಗಾರ್ಜುನ, ಜ್ಯೂ.ಎನ್‌ಟಿಆರ್, ರವಿತೇಜಾ, ಅಲ್ಲು ಅರ್ಜುನ್ ಹೀಗೆ ಸಾಕಷ್ಟು ಸ್ಟಾರ್ ನಟ-ನಟಿಯರಿಗೆ ನಿರ್ದೇಶನ ಮಾಡಿದ್ದಾರೆ. ಆದರೆ ‘ಲೈಗರ್'(Liger) ಸಿನಿಮಾ ನಂತರ ಬಿಗ್ ಬಜೆಟ್ ಸಿನಿಮಾ ಜೊತೆ ಸೂಪರ್ ಸ್ಟಾರ್ ನಿರ್ದೇಶನ ಮಾಡಬೇಕೆಂದಿದ್ದ ಪುರಿಗೆ ‘ಲೈಗರ್’ ಚಿತ್ರದ ಸೋಲು ಶಾಕ್ ಕೊಟ್ಟಿದೆ. ಮೂರು ವರ್ಷಗಳ ಕಾಲ ಈ ಸಿನಿಮಾಗೆ ಪುರಿ ಜಗನ್ನಾಥ್ ಮೀಸಲಿಟ್ಟಿದ್ದರು. ಇದನ್ನೂ ಓದಿ:‘ಕಸ್ಟಡಿ’ ಸಿನಿಮಾ ತೆರೆಗೆ- ಕಾನ್ಸ್‌ಟೇಬಲ್ ಪಾತ್ರದಲ್ಲಿ ನಾಗ ಚೈತನ್ಯ
Advertisement
Advertisement
‘ಲೈಗರ್’ ಸಿನಿಮಾದ ಹೀನಾಯ ಸೋಲು ಪುರಿ ಜಗನ್ನಾಥ್ ಜೊತೆ ಕೆಲಸ ಮಾಡಲು ಯಾವ ಹೀರೋ ಕೂಡ ಮುಂದೆ ಬರುತ್ತಿಲ್ಲ. ಈ ಸಂದರ್ಭದಲ್ಲಿ ಮತ್ತೆ ನಟ ರಾಮ್ ಪೋತಿನೇನಿ ಜೊತೆ ಸಿನಿಮಾ ಮಾಡ್ತಿದ್ದಾರೆ. ‘ಇಸ್ಮಾರ್ಟ್ ಶಂಕರ್’ ಸಿನಿಮಾ 2019ರಲ್ಲಿ ತೆರೆಗೆ ಬಂದು ಯಶಸ್ಸು ಕಂಡಿತು. ಈ ಚಿತ್ರಕ್ಕೆ ಸೀಕ್ವೆಲ್ ಬರುತ್ತಿದೆ. ರಾಮ್ ಪೋತಿನೇನಿ (Ram Pothineni) ಅವರು ಈ ಚಿತ್ರಕ್ಕೆ ಹೀರೋ ಆಗಿದ್ದರು. ಸೀಕ್ವೆಲ್‌ನಲ್ಲೂ ಅವರೇ ಮುಂದುವರಿಯಲಿದ್ದಾರೆ. ಚಿತ್ರದ ಕಥೆ ಇಷ್ಟವಾಗಿದ್ದು, ಅವರು ಸಿನಿಮಾ ಮಾಡೋಕೆ ಒಪ್ಪಿದ್ದಾರೆ. ಹೀಗಾಗಿ, ಸ್ಟಾರ್ ಹೀರೋ ಜೊತೆ ಮಾಡಬೇಕು ಎನ್ನುವ ಅವರ ಕನಸು ಕನಸಾಗಿಯೇ ಉಳಿದಿದೆ.
Advertisement
ಈ ಹಿಂದಿನ ಸಿನಿಮಾದಿಂದ ಬೆಸತ್ತಿರುವ ಪುರಿ ಜಗನ್ನಾಥ್‌ಗೆ ‘ಇಸ್ಮಾರ್ಟ್ ಶಂಕರ್’ ಪಾರ್ಟ್ 2 (Ismart Shankar 2) ಸಿನಿಮಾ ಕೈಹಿಡಿಯುತ್ತಾ? ಲೈಗರ್ ನಿರ್ದೇಶಕನಿಗೆ ಮತ್ತೆ ವಿಜಯಲಕ್ಷ್ಮಿ ಒಲಿಯುತ್ತಾಳಾ ಎಂಬುದನ್ನ ಕಾದುನೋಡಬೇಕಿದೆ.
