Connect with us

Bengaluru City

ದೀಪಾವಳಿ ಅಂದಾಕ್ಷಣ ನೆನಪಾಗುವ ಹೊಸೂರಿನ ಪಟಾಕಿ ಸಂತೆ

Published

on

ಬೆಂಗಳೂರು: ಬೆಳಕಿನ ಹಬ್ಬ ದೀಪಾವಳಿ ಅಂದಾಕ್ಷಣ ಸಿಲಿಕಾನ್ ಸಿಟಿ ಮಂದಿಗೆ ನೆನಪಾಗೋದು ಹೊಸೂರು. ಯಾಕೆಂದರೆ ಇಲ್ಲಿ ಸಿಗುವ ವಿಧವಿಧವಾದ ಪಟಾಕಿ ಬೆಂಗಳೂರು ಮಂದಿಗೆ ಅಚ್ಚುಮೆಚ್ಚು. ಹಬ್ಬದ ಸಮಯದಲ್ಲಂತೂ ಇಲ್ಲಿ ಒಂದು ರೀತಿ ಪಟಾಕಿ ಜಾತ್ರೆಯೇ ನಡೆಯುತ್ತದೆ ಎನ್ನಬಹುದು.

ಹೌದು. ಬೆಂಗಳೂರಿನ ಗಡಿ ಭಾಗದಲ್ಲಿರೋ ಹೊಸೂರಿನಲ್ಲಿ ದೀಪಾವಳಿ ಹಿನ್ನೆಲೆ ಪಟಾಕಿಗಳ ವ್ಯಾಪಾರ ಜೋರಾಗಿಯೇ ನಡೆಯುತ್ತೆ. ದೀಪಾವಳಿಗೆ ಹೊಸ ಬಟ್ಟೆ ಹಾಕಿಕೊಂಡು, ದೇವರ ಪೂಜೆ ಮಾಡಿ, ಸಿಹಿ ಸಿಹಿತಿಂಡಿ ತಿಂದು ಸಂಜೆ ಮೇಲೆ ಪಟಾಕಿ ಸಿಡಿಸುತ್ತಾರೆ. ಪಟಾಕಿ ಸಿಡಿಸಿದರೇನೆ ದೀಪಾವಳಿ ಹಬ್ಬಕ್ಕೆ ಒಂದು ಕಳೆ ಎಂದು ಸಾಕಷ್ಟು ಮಂದಿ ಸಾಮಾನ್ಯವಾಗಿ ಹೇಳುತ್ತಾರೆ. ಹೀಗಾಗಿ ಹಬ್ಬಕ್ಕೆ ಪಟಾಕಿ ಖರೀದಿಸುವ ಸಿಲಿಕಾನ್ ಸಿಟಿ ಮಂದಿ ಹೆಚ್ಚಾಗಿ ಹೊಸೂರಿಗೆ ಹೋಗುತ್ತಾರೆ. ಯಾಕಂದರೆ ಹೊಸೂರಿನಲ್ಲಿ ವಿವಿಧ ಪಟಾಕಿಗಳ ಮಳಿಗೆಗಳು ಸಂತೆಯೆಂತೆ ಇರುತ್ತೆ. ಇದನ್ನೂ ಓದಿ:ಅಯೋಧ್ಯೆಯಲ್ಲಿ 5.51 ಲಕ್ಷ ದೀಪ ಬೆಳಗಿಸಿ ಗಿನ್ನಿಸ್ ರೆಕಾರ್ಡ್

ದೀಪಾವಳಿ ಪ್ರಯಕ್ತ ಹೊಸೂರಿನಲ್ಲಿ ಪಟಾಕಿ ಸಂತೆಯೇ ನಡೆಯುತ್ತೆ. ಆದರೆ ಈ ಬಾರಿ ಹಬ್ಬ ತಿಂಗಳ ಕೊನೆಯಲ್ಲಿ ಬಂದಿರುವುದರಿಂದ ಸದ್ಯಕ್ಕೆ ವ್ಯಾಪಾರ ಸ್ವಲ್ಪ ಕಡಿಮೆಯೇ ಇದೆ. ಆದರೂ ಪರವಾಗಿಲ್ಲ ಬೆಂಗಳೂರಿನ ಮಂದಿ ಹೆಚ್ಚಿನ ಸಂಖ್ಯೆಯಲ್ಲಿ ಬಂದು ಪಟಾಕಿ ಖರೀದಿಸುವ ನಿರೀಕ್ಷೆಯಿದೆ ಎಂದು ಪಟಾಕಿ ವ್ಯಾಪಾರಿಗಳು ಹೇಳಿದ್ದಾರೆ.

ಬೆಂಗಳೂರಿನಿಂದ ಹೊಸೂರು ಕೇವಲ 60 ಕಿ.ಮೀ ದೂರದಲ್ಲಿದೆ. ಇಲ್ಲಿ ಕಡಿಮೆ ಬೆಲೆಗೆ ಉತ್ತಮ ಕಂಪನಿಯ ಪಟಾಕಿಗಳು ಲಭ್ಯವಿರುತ್ತೆ. ಜೊತೆಗೆ ಎಲ್ಲಾ ರೀತಿಯ ಪಟಾಕಿಗಳು ಸಿಗುತ್ತೆ. ಅದಕ್ಕಾಗಿಯೇ ಅಲ್ಲಿಗೆ ಜನ ನಾ ಮುಂದು ತಾ ಮುಂದು ಎಂದು ಹೋಗಿ ಪಟಾಕಿ ಖರೀದಿ ಮಾಡುತ್ತಾರೆ. ಆದರೆ ಪಟಾಕಿ ತಗೋಳೋ ಮುಂಚೆ ಸರಿಯಾದ ಬೆಲೆ ಕೇಳಿ, ಬಿಲ್ ಮಾಡುವಾಗ ಮುಂದೆ ನಿಂತು ಬಿಲ್ ಮಾಡಿಸಿ. ಯಾಕಂದರೆ ಪಟಾಕಿಗಳು ಒಂದೊಂದು ಮಳಿಗೆಯಲ್ಲಿ ಒಂದೊಂದು ಬೆಲೆಗೆ ಮಾರಾಟವಾಗುತ್ತೆ. ಹೀಗಾಗಿ ಎಚ್ಚರಿಕೆಯಿಂದ ಖರೀದಿ ಮಾಡಿದರೆ ಒಳಿತು ಎಂದು ಗ್ರಾಹಕರು ತಿಳಿಸಿದ್ದಾರೆ.

ದೀಪಾವಳಿಗೆ ಪಟಾಕಿ ಖರೀದಿಸಲು ಹೊಸೂರು ಉತ್ತಮ ಸ್ಥಳವಾಗಿದ್ದು, ಇಲ್ಲಿ ಬಗೆಬಗೆಯ ಪಟಾಕಿ ಖರೀದಿಸಿ ಹಬ್ಬವನ್ನು ಸಂಭ್ರಮಿಸಬಹುದಾಗಿದೆ. ಆದರೆ ಪಟಾಕಿ ಹೊಡೆಯುವಾಗ ಎಚ್ಚರಿಕೆಯಿಂದ ಇರಿ ಅನ್ನೋದು ಎಲ್ಲರ ಕಳಕಳಿಯ ಮಾತಾಗಿದೆ.

Click to comment

Leave a Reply

Your email address will not be published. Required fields are marked *