ಮುಂಬೈ: ಚೆನ್ನೈ ಸೂಪರ್ ಕಿಂಗ್ಸ್ (Chennai Super Kings) ಬೌಲರ್ ದೀಪಕ್ ಚಹರ್ (Deepak Chahar) ಮುಂದಿನ ನಾಲ್ಕೈದು ಪಂದ್ಯಗಳಿಂದ ಹೊರಗುಳಿಯುವ ಸಾಧ್ಯತೆಯಿದೆ.
ಚೆನ್ನೈ ಸೂಪರ್ ಕಿಂಗ್ಸ್ ಹಾಗೂ ಮುಂಬೈ ಇಂಡಿಯನ್ಸ್ (Mumbai Indians) ತಂಡದ ಶನಿವಾರದ ಪಂದ್ಯದ ವೇಳೆ ದೀಪಕ್ ಚಹರ್ ಅವರು ಮಂಡಿಯ ಗಾಯದಿಂದ ಬಳಲಿದ್ದಾರೆ. ಈ ಸಮಸ್ಯೆಯಿಂದಾಗಿ ಐಪಿಎಲ್ನ 4 ರಿಂದ 5 ಪಂದ್ಯಗಳಲ್ಲಿ ಚಹರ್ ಹೊರಗುಳಿಯುವ ಸಾಧ್ಯತೆ ಇದೆ. ಇದನ್ನೂ ಓದಿ: ಒಂದೇ ಕೈಯಲ್ಲಿ ಜಡೇಜಾ ಕ್ಯಾಚ್ – 10 ವರ್ಷದ ಹಿಂದೆ ʼಸರ್ ಜಡೇಜಾʼ ಎಂದಿದ್ದ ಧೋನಿ ಟ್ವೀಟ್ ವೈರಲ್
ಪಂದ್ಯದ ಕಾಮೆಂಟರಿ ವೇಳೆ ಸಿಎಸ್ಕೆ ಮಾಜಿ ಆಟಗಾರ ಸುರೇಶ್ ರೈನಾ (Suresh Raina), ಮಂಡಿಯ ಗಾಯದಿಂದ ಚಹರ್ ಬಳಲುತ್ತಿರುವಂತೆ ತೋರುತ್ತದೆ. ಮುಂದಿನ ಪಂದ್ಯಗಳಿಗೆ ಚೆನ್ನೈನಿಂದ ದೂರ ಪ್ರಯಾಣಿಸಬೇಕಿರುವುದರಿಂದ ಕೆಲವು ಪಂದ್ಯಗಳಲ್ಲಿ ಅವರು ಆಡುವ ನಿರೀಕ್ಷೆಯಿಲ್ಲ ಎಂದಿದ್ದಾರೆ.
ಚಹರ್ ಅವರನ್ನು ಮೊದಲ ಓವರ್ಗೆ ಸೀಮಿತಗೊಳಿಸಲಾಯಿತು. ನಮ್ಮ ತಂಡದ ಮಗಲಾ (Magala), ಪಿಟ್ರೋರಿಯಸ್ ಹಾಗೂ ತುಷಾರ್ ದೇಶಪಾಂಡೆ ಅತ್ಯುತ್ತಮ ಬಾಲಿಂಗ್ ಪ್ರದರ್ಶನ ಮಾಡಿದ್ದಾರೆ ಎಂದು ಧೋನಿ (MS Dhoni) ಮಚ್ಚುಗೆ ವ್ಯಕ್ತಪಡಿಸಿದ್ದಾರೆ.
ಚಹರ್ ದೀರ್ಘಕಾಲದ ಗಾಯದ ಸಮಸ್ಯೆ ಅನುಭವಿಸುತ್ತಿದ್ದಾರೆ. ಕಳೆದ ಐಪಿಎಲ್ನಲ್ಲಿ ಬೆನ್ನು ನೋವಿನಿಂದ ಬಳಲಿದ್ದ ಅವರು ಸಂಪೂರ್ಣವಾಗಿ ಹೊರಗುಳಿದಿದ್ದರು. ಇದನ್ನೂ ಓದಿ: IPl 2023: ರಂಗೇರಿಸಿದ ರಹಾನೆ ಬ್ಯಾಟಿಂಗ್, ಜಡೇಜಾ ಸ್ಪಿನ್ ಜಾದು- ಚೆನ್ನೈಗೆ 7 ವಿಕೆಟ್ಗಳ ಭರ್ಜರಿ ಜಯ
