Connect with us

Davanagere

ಬಿಲ್ಡಿಂಗ್‍ ಗೆ ಕಟ್ಟಿದ್ದ ಜಾಹೀರಾತು ಫಲಕ ಏರಿದ ಬೀದಿ ನಾಯಿ – ಕೆಳಗಿಳಿಯಲು ಪರದಾಟ!

Published

on

ದಾವಣಗೆರೆ: ನಗರದಲ್ಲಿ ಜಾಹೀರಾತು ಫಲಕವೊಂದರ ಮೇಲೆ ಬೀದಿ ನಾಯಿಯೊಂದು ಏರಿ ಕುಳಿತ್ತಿದ್ದು, ಕೆಳಗಿಳಿಯಲಾಗದೆ ಪರದಾಟ ನಡೆಸಿರುವ ಘಟನೆ ವಿದ್ಯಾನಗರದ ಸಾಯಿ ರೆಸಿಡೆನ್ಸಿ ಸ್ಕೂಲ್ ಕಟ್ಟಡದಲ್ಲಿ ನಡೆದಿದೆ.

ಶನಿವಾರ ರಾತ್ರಿ ವಿದ್ಯಾನಗರದ ಸಾಯಿ ರೆಸಿಡೆನ್ಸಿ ಸ್ಕೂಲ್ ಕಟ್ಟಡದ ಒಳಗೆ ಆಕಸ್ಮಿಕವಾಗಿ ಬೀದಿ ನಾಯಿಯೊಂದು ಹೋಗಿದೆ. ಆದರೆ ಇಂದು ಶಾಲೆಗೆ ರಜೆ ಇರುವ ಕಾರಣ ಶಾಲಾ ಕಟ್ಟಡದ ಬಾಗಿಲು ತೆರೆದಿರಲಿಲ್ಲ. ಆದರೆ ಕಟ್ಟಡದಿಂದ ಹೊರಬರಲು ನಾಯಿ ಪ್ರಯತ್ನಿಸಿ ಕೊನೆಗೆ ಶಾಲೆಯ ಕಟ್ಟಡಕ್ಕೆ ಕಟ್ಟಿದ್ದ ಜಾಹೀರಾತು ಫಲಕವನ್ನು ಹತ್ತಿದೆ. ಆದರೆ ಅಲ್ಲಿಂದ ಕೆಳಗಿಳಿಯಲು ಸಾಧ್ಯವಾಗದೇ ಪರದಾಡಿದೆ.

ನಾಯಿ ತುಂಬಾ ಹೊತ್ತು ಹಿಂದೆ-ಮುಂದೆ ನೋಡಿದೆ, ಕೂತಿದೆ ಏನೇನೊ ಪ್ರಯತ್ನ ಮಾಡಿದೆ. ಆದರೆ ಸಾಧ್ಯವಾಗಿಲ್ಲ. ಕೊನೆಗೆ ಕೂಗಾಡಲು ಪ್ರಾರಂಭಿಸಿದೆ. ಕೊನೆಗೆ ನಾಯಿಯ ಗೋಳಾಟ ಕೇಳಿಸಿಕೊಂಡ ಸಾರ್ವಜನಿಕರು ಬಂದು ಜಾಹೀರಾತು ಫಲಕದಿಂದ ಕೆಳಗೆ ಇಳಿಸಿ ರಕ್ಷಣೆ ಮಾಡಿದ್ದಾರೆ.

https://www.youtube.com/watch?v=EEYxzESXYFo

Click to comment

Leave a Reply

Your email address will not be published. Required fields are marked *