ಮೈಸೂರು: ವಿಶ್ವವಿಖ್ಯಾತ ಮೈಸೂರು ದಸರಾ ದಿನೇ ದಿನೇ ಕಳೆಗಟ್ಟುತ್ತಿದೆ. ಅದರಲ್ಲೂ ದಸರಾ ಪ್ರಮುಖ ಆಕರ್ಷಣೆಯಾದ ಫಲಪುಷ್ಪ ಪ್ರದರ್ಶನ ಎಲ್ಲರ ಕಣ್ಮನಸೆಳೆಯುತ್ತಿದೆ.
ಮೈಸೂರಿನ ಕುಪ್ಪಣ್ಣ ಪಾರ್ಕ್ ನಲ್ಲಿ ದಸರಾ ಹಿನ್ನೆಲೆಯಲ್ಲಿ ಫಲಪುಷ್ಪ ಪ್ರದರ್ಶನವನ್ನು ಆಯೋಜನೆ ಮಾಡಲಾಗಿದೆ. ಇಲ್ಲಿ ಗುಲಾಬಿ ರಂಗಿನಲ್ಲಿ ಅನಾವರಣಗೊಂಡಿರುವ ಬಲರಾಮ ದ್ವಾರ, ಕೈ ಬೀಸಿ ಕರೀತಿರುವ ಆನೆ ಗಾಡಿ, ಕಣ್ಣುಕುಕ್ಕುತ್ತಿರುವ ಡಾಲ್ಫಿನ್ ಗೆ ಸಾಥ್ ನೀಡಿರುವ ಮಶ್ರೂಮ್ ಕಲಾಕೃತಿ, ಪುಷ್ಪನಮನ ಸ್ವೀಕರಿಸುತ್ತಾ ಇರುವ ನಾಲ್ವಡಿ ಕೃಷ್ಣರಾಜ ಒಡೆಯರ್, ಇವುಗಳ ನಡುವೆ ಚೆಲುವಿನ ನಗೆ ಬೀರುತ್ತಿರುವ ಗ್ಲಾಸ್ ಹೌಸ್, ಗಾಜಿನ ಮನೆಗೆ ಕಳೆ ತುಂಬಿರುವ ದೆಹಲಿಯ ಲೋಟಸ್ ಟೆಂಪಲ್ ಕಲಾಕೃತಿ ಇದೆಲ್ಲವನ್ನು ಫಲಪುಷ್ಪ ಪ್ರದರ್ಶನದಲ್ಲಿ ಕಾಣಬಹುದಾಗಿದೆ.
ದಸರಾ ಹಿನ್ನೆಲೆಯಲ್ಲಿ ಫ್ಲವರ್ ಶೋ ಆಯೋಜನೆ ಮಾಡಲಾಗಿದೆ. ಶೋನಲ್ಲಿ ಡಿಫರೆಂಟ್ ಟೈಪ್ ಆಫ್ ಫ್ಲವರ್ಸ್ ಲಗ್ಗೆ ಇಟ್ಟಿದ್ದು, ಉದ್ಯಾನವನಕ್ಕೆ ಕಳೆ ತುಂಬಿದ್ದಾರೆ. ಡಿಫರೆಂಟ್ ಡಿಫರೆಂಟ್ ಕಲಾಕೃತಿಗಳಿಗೆ ಸಿಟಿ ಮಂದಿ ಫಿದಾ ಆಗಿದ್ದಾರೆ. ಇಡೀ ಉದ್ಯಾನವನ ಮದುವಣಗಿತ್ತಿಯಂತೆ ಸಿಂಗಾರಗೊಂಡಿದ್ದು, ಫಿದಾ ಆಗಿರೋದಾಗಿ ಪ್ರವಾಸಿಗರು ಹೇಳಿದ್ದಾರೆ.
ಬಣ್ಣ ಬಣ್ಣದ ದೇಶ-ವಿದೇಶಿಯ ಹೂಗಳಿಂದ ಕುಪ್ಪಣ್ಣ ಪಾರ್ಕ್ ಸಿಂಗಾರಗೊಂಡಿದೆ. ಅಮರ್ ಜವಾನ್, ರೊಮಿಯೋ ಜೂಲಿಯಟ್ ಸೇರಿದಂತೆ ವಿಭಿನ್ನ ಕಲಾಕೃತಿ ಪ್ರವಾಸಿಗರ ಮನಸೊರೆಗೊಳಿಸುತ್ತಿವೆ. 8 ಕೋಟಿ ವೆಚ್ಚದಲ್ಲಿ ನಿರ್ಮಾಣವಾಗಿರುವ ಗಾಜಿನ ಮನೆ ಎಲ್ಲರ ಗಮನ ಸೆಳೆಯುತ್ತಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv