ಬೆಂಗಳೂರು: ವಿಮಾನ ನಿಲ್ದಾಣದಲ್ಲಿ ಕಸ್ಟಮ್ಸ್ ಅಧಿಕಾರಿಗಳಿಂದ 24ಕೋಟಿ ರೂ. ಮೌಲ್ಯದ ಡ್ರಗ್ಸ್ ಜಪ್ತಿ

ಚಿಕ್ಕಬಳ್ಳಾಪುರ: ಅಕ್ರಮವಾಗಿ ವಿದೇಶಕ್ಕೆ ಎಕ್ಸ್ ಪೋರ್ಟ್ ಮಾಡಲು ಬೆಂಗಳೂರು ಕೆಂಪೆಗೌಡ ವಿಮಾನ ನಿಲ್ದಾಣಕ್ಕೆ ತಂದಿದ್ದ 24 ಕೋಟಿ ಮೌಲ್ಯದ ಡ್ರಗ್ಸ್ ಅನ್ನು ಬೆಂಗಳೂರು ಕಸ್ಟಮ್ಸ್ ಅಧಿಕಾರಿಗಳು ವಿಶೇಷ ಕಾರ್ಯಚರಣೆ ನೆಡೆಸಿ 475 ಕೆಜಿ ತೂಕದ ಡ್ರಗ್ಸ್ ನ್ನ ವಶಪಡಿಸಿಕೊಂಡಿದ್ದಾರೆ.

ಅಫೇಕ್ಸ್ ಇಫೇಕ್ಸ್ ಎಂಬ ಕಾರ್ಗೋ ಕಂಪನಿಯು ಶನಿವಾರ ಬೆಂಗಳೂರು ಕೆಂಪೆಗೌಡ ವಿಮಾನ ನಿಲ್ದಾಣದಿಂದ ಎರಡು 50 ಕೆಜಿಯ ಬ್ಯಾಗ್ ಗಳನ್ನು ಮಲೇಶಿಯಾ ಗೆ ಕೆಮಿಕಲ್ಸ್ ಅಂತ ಎಕ್ಸ್ ಪೋರ್ಟ್ ಮಾಡಲು ತಂದಿದ್ರು. ಆದ್ರೆ ಈ ವೇಳೆ ಅನುಮಾನಗೊಂಡ ಕಸ್ಟಮ್ಸ್ ಅಧಿಕಾರಿಗಳು ಬ್ಯಾಗ್ ಪರಿಶೀಲನೆ ಮಾಡಿದಾಗ, ಬ್ಯಾಗ್ ನಲ್ಲಿ ಎಕ್ಸ್ ಪೋರ್ಟ್ ಮಾಡುತ್ತಿರುವುದು ಕೆಮಿಕಲ್ ಅಲ್ಲ ಡ್ರಗ್ಸ್ ಎಂದು ತಿಳಿದು ಬಂದಿದೆ.

ತಕ್ಷಣ ತನಿಖೆಗಾಗಿ ಮೂರು ತಂಡ ರಚನೆ ಮಾಡಿದ ಕಸ್ಟಮ್ ಅಧಿಕಾರಿಗಳು ಅಫೇಕ್ಸ್ ಇಂಫೇಕ್ಸ್ ಕಂಪೆನಿಯ ಗೋಡೌನ್ ಮೇಲೆ ದಾಳಿ ನೆಡೆಸಿದ್ದು, ದಾಳಿ ವೇಳೆ ಗೋಡೌನ್ ನಲ್ಲಿ ಅಕ್ರಮವಾಗಿ ಮಲೇಶಿಯಾ ಎಕ್ಸ್ ಪೋರ್ಟ್ ಮಾಡಲು ಸಂಗ್ರಹ ಮಾಡಿದ್ದ 400 ಕೆಜಿ ಡ್ರಗ್ಸ್ ಪತ್ತೆಯಾಗಿದೆ.

ಸ್ಥಳೀಯ ಪೊಲೀಸರ ಮೂಲಕ ಅಫೇಕ್ಸ್ ಇಂಫೇಕ್ಸ್ ಗೋಡೌನನ್ನು ಸೀಜ್ ಮಾಡಿದ್ದು ತಲೆ ಮಾರೆಸಿಕೊಂಡಿರುವ ಮಾಲೀಕನಿಗಾಗಿ ಕಸ್ಟಮ್ ಅಧಿಕಾರಿಗಳು ಚೆನೈ ಮತ್ತು ಬೆಂಗಳೂರಿನಲ್ಲಿ ಹುಡುಕಾಟ ನೆಡೆಸಿದ್ದಾರೆ. ಇದು ದಕ್ಷಿಣ ಭಾರತದಲ್ಲಿ ಮೊಟ್ಟಮೊದಲಿಗೆ ಕಸ್ಟಮ್ ನಲ್ಲಿ ನೆಡದ ಬೃಹತ್ ರೈಡ್ ಆಗಿದೆ.