ಮಗುವಾದ ನಂತರ ಅದ್ಧೂರಿ ಮದುವೆ ಆಗುತ್ತಿದ್ದಾರೆ ಕ್ರಿಕೆಟ್ ಹಾರ್ದಿಕ್ ಪಾಂಡ್ಯ

ಕ್ರಿಕೆಟಿಗ ಹಾರ್ದಿಕ್ ಪಾಂಡ್ಯ ಫೆ.14ರಂದು ಉದಯ್ ಪುರದಲ್ಲಿ ಅದ್ಧೂರಿಯಾಗಿ ಮದುವೆ ಆಗುತ್ತಿದ್ದಾರೆ. ಇಂದಿನಿಂದ ಮದುವೆ ಕಾರ್ಯಕ್ರಮಗಳು ಆರಂಭವಾಗಲಿವೆ ಎಂದು ವರದಿಯಾಗಿದೆ. ಈಗಾಗಲೇ ಅವರು ನತಾಶಾ ಸ್ಟಾಂಕೋವಿಕ್ ರನ್ನು ಮದುವೆಯಾಗಿದ್ದು, ಈ ದಂಪತಿಗೆ ಒಂದು ಮಗು ಕೂಡ ಇದೆ. ಹಾಗಾದರೆ, ನತಾಶಾಗೆ ಹಾರ್ದಿಕ್ ಡಿವೋರ್ಸ್ ಕೊಟ್ಟು ಮತ್ತೊಂದು ಮದುವೆ ಆಗುತ್ತಿದ್ದಾರೆ ಎನಿಸಿದರೆ, ಅದು ತಪ್ಪು.

FotoJet 2 26

ಹಾರ್ದಿಕ್ ಪಾಂಡೆ ಮತ್ತು ನತಾಶಾ ಸ್ಟಾಂಕೋವಿಕ್ ಮೂರು ವರ್ಷಗಳ ಹಿಂದೆಯೇ ನಿಶ್ಚಿತಾರ್ಥ ಮಾಡಿಕೊಂಡಿದ್ದರು. 2020ರ ಮೇ 31ರಂದು ಅವರು ವಿವಾಹ ಕೂಡ ಆಗಿದ್ದರು. ಈ ದಂಪತಿಯ ಮಗುವಿಗೆ ಜುಲೈಗೆ ಮೂರು ವರ್ಷ ತುಂಬುತ್ತಿದೆ. ಆದರೆ, ಇದೀಗ ಅವರಿಗೆ ಅದ್ಧೂರಿಯಾಗಿ ಮದುವೆ ಆಗಬೇಕು ಅನಿಸಿದೆಯಂತೆ. ಹಾಗಾಗಿ ಅದೇ ನತಾಶಾ ಜೊತೆ ಫೆ.14ರಂದು ಅವರು ಎಲ್ಲರ ಸಮ್ಮುಖದಲ್ಲಿ ಮತ್ತೊಂದು ಬಾರಿ ಮದುವೆ ಆಗುತ್ತಿದ್ದಾರೆ. ಇದನ್ನೂ ಓದಿ: ದಾಂಪತ್ಯ ಜೀವನಕ್ಕೆ ಕಾಲಿಟ್ಟ `ಗಟ್ಟಿಮೇಳ’ ನಟಿ ಪ್ರಿಯಾ- ಸಿದ್ದು ಮೂಲಿಮನಿ

FotoJet 1 26

ರೆಜಿಸ್ಟರ್ ಮದುವೆ ಸಂದರ್ಭದಲ್ಲಿ ಕೋವಿಡ್. ಹಾಗಾಗಿ ಆಪ್ತರಿಗಷ್ಟೇ ಮದುವೆಗೆ ಆಹ್ವಾನಿಸಿದ್ದರು. ಇದೀಗ ಎಲ್ಲರ ಸಮ್ಮುಖದಲ್ಲಿ ಅವರು ಸತಿಪತಿಗಳಾಗುತ್ತಿದ್ದಾರೆ ಎನ್ನಲಾಗುತ್ತಿದೆ. ಇಂದಿನಿಂದ ಫೆ.16ರವರೆಗೂ ಹಾರ್ದಿಕ್ ಮದುವೆ ಕಾರ್ಯಕ್ರಮಗಳು ಜರುಗಲಿವೆ ಎಂದು ಅವರ ಆಪ್ತರು ತಿಳಿಸಿದ್ದಾರೆ. ಕ್ರಿಕೆಟ್ ತಂಡದ ಬಹುತೇಕ ಸದಸ್ಯರು ಹಾಗೂ ಈ ದಂಪತಿಯ ಸ್ನೇಹಿತರು ಮತ್ತು ಆಪ್ತರು ಮದುವೆ ಸಮಾರಂಭದಲ್ಲಿ ಭಾಗಿಯಾಗಲಿದ್ದಾರೆ.

FotoJet 3 19

ಹಾರ್ದಿಕ್ ಮದುವೆ ಸಮಾರಂಭವನ್ನು ಇದೊಂದು ವಿಶೇಷ ಕಾರ್ಯಕ್ರಮ ಎಂದೇ ಬಣ್ಣಿಸಲಾಗುತ್ತಿದೆ. ಮದುವೆ ಮತ್ತು ಮಗುವಾಗಿ ಈ ರೀತಿಯಲ್ಲಿ ಮದುವೆ ಆಗುತ್ತಿರುವ ಮೊದಲ ಕ್ರಿಕೆಟಿಗೆ ಎನ್ನುವ ಹೆಗ್ಗಳಿಕೆಯೂ ಇವರದ್ದು. ಇದೊಂದು ಮದುವೆನಾ? ಅಥವಾ ವಿವಾಹ ವಾರ್ಷಿಕೋತ್ಸವನಾ ಎಂದು ಕೆಲವರು ಇದನ್ನು ವಿಶ್ಲೇಷಣೆ ಮಾಡುತ್ತಿದ್ದಾರೆ.