ವಿಶಿಷ್ಟ ಹಾಡುಗಳ ಮೂಲಕ ಕನ್ನಡಿಗರನ್ನು ಮೋಡಿ ಮಾಡಿರುವ ಗಾಯಕ ಆಲ್ ಓಕೆ ಅಲೋಕ್ (All OK Alok), ಇದೀಗ ಮತ್ತೊಂದು ಆಲ್ಬಂ ಮಾಡಲು ತಯಾರಿ ಮಾಡಿಕೊಂಡಿದ್ದಾರೆ. ಈಗಾಗಲೇ ಸಿಂಗಪೂರ್ ದ ಯೂನಿರ್ವಸಲ್ ಸ್ಟುಡಿಯೋದಲ್ಲಿ ತಮ್ಮ ಹಾಡುಗಳನ್ನು ಶೂಟ್ ಮಾಡಿದ್ದು, ಅದರಲ್ಲಿ ರವಿಚಂದ್ರನ್ ಕೂಡ ಇರಲಿದ್ದಾರೆ. ಈ ಹಾಡಿನಲ್ಲಿ ಕ್ರೇಜಿಸ್ಟಾರ್ (Ravichandran) ವಿಶೇಷ ಸಾಲುಗಳಲ್ಲಿ ಬಂದು ಹೋಗುತ್ತಾರೆ.
Advertisement
ಈ ಆಲ್ಬಂಗೆ ‘ಫ್ರಿ’ (Free) ಎಂದು ಹೆಸರಿಟ್ಟಿದ್ದು ಮೈಂಡ್ ಫ್ರಿ ಮಾಡಿಕೊಳ್ಳಿ ಎನ್ನುವ ಅರ್ಥದಲ್ಲಿ ಈ ಆಲ್ಬಂ ಸಿದ್ದವಾಗುತ್ತಿದೆಯಂತೆ. ನಿತ್ಯದ ಜಂಜಡಗಳನ್ನು ಮರೆತು, ಮೈಂಡ್ ಫ್ರಿಯಾಗಿ ಇಟ್ಟುಕೊಳ್ಳುವಂತಹ ಸಂದೇಶವನ್ನು ಈ ಆಲ್ಬಂ (Album) ಸಾರಲಿದೆ. ಅದಕ್ಕೆ ಹೊಂದುವಂತಹ ಸಾಹಿತ್ಯವನ್ನು ಆ ಹಾಡಿಗಾಗಿ ಬಳಸಿದ್ದಾರಂತೆ ಆಲೋಕ್. ಇದನ್ನೂ ಓದಿ:ಎರಡೇ ಎರಡು ದಿನ ವೇಟ್ ಮಾಡಿ ಪ್ಲೀಸ್: ನಟ ಅನಿರುದ್ಧ ಮನವಿ
Advertisement
Advertisement
ಈ ಹಾಡಿನಲ್ಲಿ ‘ಏಕಾಂಗಿ ಬಾಳೆ ಬೆಸ್ಟು ಹಾಯಾಗಿರು’ ಎನ್ನುವ ಸಾಲುಗಳು ಬರುತ್ತವೆಯಂತೆ. ಈ ಸಾಲುಗಳನ್ನು ಕ್ರೇಜಿಸ್ಟಾರ್ ರವಿಚಂದ್ರನ್ ಹೇಳಲಿದ್ದಾರೆ ಎನ್ನುವುದು ಅಲೋಕ್ ಮಾತು. ಈ ಮಾತನ್ನು ಅವರಿಂದ ಹೇಳಿಸಿದರೆ ಹೆಚ್ಚು ಜನರಿಗೆ ತಲುಪಿಸಲು ಸಾಧ್ಯ ಎನ್ನುವ ಕಾರಣಕ್ಕಾಗಿ ರವಿಚಂದ್ರನ್ ಅವರನ್ನು ಕೇಳಿದ್ದರಂತೆ ಅಲೋಕ್. ರವಿಮಾಮ ಕೂಡ ಓಕೆ ಅಂದಿರುವುದು ವಿಶೇಷ.
Advertisement
ಈ ಆಲ್ಬಂನ ಮತ್ತೊಂದು ವಿಶೇಷ ಅಂದರೆ, ಸಿಂಗಪೂರ್ ದ ಯೂನಿರ್ವಸಲ್ ಸ್ಟುಡಿಯೋದಲ್ಲಿ ತಯಾರಾದ ಕನ್ನಡದ ಮೊದಲ ಆಲ್ಬಂ ಇದಾಗಿದೆ. ಈ ಹಾಡಿಗೆ ಅದೇ ಲೋಕೇಷನ್ ಬೇಕಾಗಿದ್ದರಿಂದ ಅಲ್ಲಿಗೆ ಹೋಗಿ ಚಿತ್ರೀಕರಿಸಲಾಗಿದೆ ಎನ್ನುವುದು ತಂಡದ ಅಭಿಪ್ರಾಯ.
Web Stories
