ಯುರೇನಿಯಂ ತುಂಬಿದ್ದ ಕಂಟೇನರ್ ಪಲ್ಟಿ- ಕಾರವಾರದಲ್ಲಿ ತಪ್ಪಿತು ಭಾರೀ ದುರಂತ

ಕಾರವಾರ: ಕೈಗಾ ಅಣು ವಿದ್ಯುತ್ ಸ್ಥಾವರಕ್ಕೆ ಸಾಗಿಸುತ್ತಿದ್ದ ಯುರೇನಿಯಂ ತುಂಬಿದ್ದ ಕಂಟೇನರ್ ಪಲ್ಟಿಯಾದ ಘಟನೆ ನಡೆದಿದೆ.

ಈ ಘಟನೆ ಕಾರವಾರ ತಾಲೂಕಿನ ಶಿರವೆ ಬಳಿ ನಡೆದಿದ್ದು, ಈ ಕಂಟೇನರ್ ಕೇರಳದ ತಿರುವನಂತಪುರಂನ ಶ್ರೀಹರಿ ಕೋಟಾದಿಂದ ಕಾರವಾರದ ಕೈಗಾ ಅಣು ವಿದ್ಯುತ್ ಸ್ಥಾವರಕ್ಕೆ ಬಿಗಿ ಭದ್ರತೆಯಲ್ಲಿ ಸಾಗಿಸಲಾಗುತ್ತಿತ್ತು. ಈ ವೇಳೆ ಕಂಟೇನರ್ ನಲ್ಲಿದ್ದ ನಾಲ್ಕು ಯುರೇನಿಯಂ ಪೆಟ್ಟಿಗೆಗಳು ಧರೆಗುಳಿವೆ. ಅದೃಷ್ಟವಶಾತ್ ಯಾವುದೇ ಸೋರಿಕೆಯಾಗಿಲ್ಲ. ಹೀಗಾಗಿ ಭಾರೀ ಅನಾಹುತವೊಂದು ತಪ್ಪಿದೆ.

ಸ್ಥಳಕ್ಕೆ ಕೈಗಾ ಅಣು ಸ್ಥಾವರದ ಅಧಿಕಾರಿಗಳು ಹಾಗೂ ಪೂಲೀಸರು ಭೇಟಿ ನೀಡಿದ್ದು, ಬಿಗಿ ಭದ್ರತೆ ನಡುವೆ ಯುರೇನಿಯಂ ಪೆಟ್ಟಿಗೆಗಳ ರಕ್ಷಣೆ ಮಾಡಲಾಗಿದೆ.