ಸಚಿವ ಡಿಕೆಶಿ ಮೇಲೆ ಕೇಸ್ ದಾಖಲಾಗ್ತಿದ್ದಂತೆಯೇ ಆಪ್ತರು ಯೂಟರ್ನ್!

ಬೆಂಗಳೂರು: ನೀರಾವರಿ ಮತ್ತು ವೈದ್ಯಕೀಯ ಸಚಿವ ಡಿಕೆ ಶಿವಕುಮಾರ್ ಮೇಲೆ ಕೇಸ್ ದಾಖಲಾಗುತ್ತಿದ್ದಂತೆ ಎಲ್ಲಾ ಉಲ್ಟಾ ಪಲ್ಟಾವಾಗುತ್ತಿದೆ.

ಸಚಿವ ಡಿ.ಕೆ. ಶಿವಕುಮಾರ್ ಗೆ ಐಟಿ ಮತ್ತು ಇಡಿ ಕಂಟಕ ಎದುರಾಗುತ್ತಿದ್ದು, ಸಾಕ್ಷ್ಯ ನಾಶದ ಕೇಸ್ ದಾಖಲು ಮಾಡಿದ ಕೂಡಲೇ ಡಿಕೆಶಿ ಆಪ್ತರು ಯೂಟರ್ನ್ ಆಗಿದ್ದಾರೆ. ನಾವು ಅವತ್ತು ಹೇಳಿದ್ದೇ ಬೇರೆ. ಇವತ್ತು ಹೇಳ್ತಾ ಇರೋದೇ ಬೇರೆ ಅಂತ ಹೇಳುವ ಮೂಲಕ ಆಪ್ತರು ಉಲ್ಟಾ ಹೊಡೆದಿದ್ದಾರೆ.

ದಾಳಿ ನಡೆದ ವೇಳೆ ಭಯದಲ್ಲಿ ಏನೇನೋ ಹೇಳಿಕೆ ಕೊಟ್ಟಿದ್ದೀವಿ. ಆಗ ಎಲ್ಲಾ ಹಣ ಡಿಕೆಶಿಯದ್ದೇ ಅಂತನೂ ಹೇಳಿದ್ವಿ. ಅವತ್ತು ನೀವು ಕೇಳಿದ ಪ್ರಶ್ನೆಗಳಿಗೆ ಒತ್ತಡ ಮತ್ತು ಭಯದಲ್ಲಿ ಉತ್ತರ ಕೊಟ್ಟಿದ್ದೀವಿ. ಆದರೆ ಈಗ ಅದೆಲ್ಲಾ ಸುಳ್ಳು ಎಂದು ಹೇಳಿದ್ದಾರೆ.

ಐಟಿ ದಾಳಿ ನಡೆದು ಸುಮಾರು 8 ತಿಂಗಳ ಬಳಿಕ ಡಿಕೆಶಿ ಆಪ್ತರು ಐಟಿ ಇಲಾಖೆಗೆ ಪತ್ರ ಬರೆದಿದ್ದಾರೆ. ಸುನೀಲ್ ಶರ್ಮಾ, ರಾಜೇಂದ್ರ ಮತ್ತು ಆಂಜನೇಯ ಐಟಿ ಅಧಿಕಾರಿಗಳಿಗೆ ಪತ್ರ ಬರೆದಿದ್ದು, ಇದೀಗ ಪತ್ರ ಬರೆದ ಆಪ್ತರು ಐಟಿ ಕೆಂಗಣ್ಣಿಗೆ ಗುರಿಯಾಗಿದ್ದಾರೆ. ಒಟ್ಟಿನಲ್ಲಿ ನಮ್ಮ ಮೇಲೂ ಕೇಸ್ ದಾಖಲಾಗುತ್ತೆ ಅಂತ ಉಲ್ಟಾ ಹೊಡೆದಿದ್ದಾರೆ ಎನ್ನಲಾಗಿದೆ.