ಕೋಳಿ ಗೂಡಿಗೆ ನುಗ್ಗಿ ಬಾಟಲಿಯನ್ನ ನುಂಗಿದ ನಾಗ! – ವಿಡಿಯೋ ನೋಡಿ

ಕಾರವಾರ: ಶನಿವಾರ ಉತ್ತರಕನ್ನಡ ಜಿಲ್ಲೆಯ ಶಿರಸಿ ತಾಲೂಕಿನ ಚಿಪ್ಪಗಿ ಗ್ರಾಮದಲ್ಲಿ ನಾಗರ ಹಾವೊಂದು ಮೊಟ್ಟೆ ಎಂದು ಎರಡೂವರೆ ಅಡಿ ಉದ್ದದ ಅರ್ಧ ಇಂಚು ಪೈಪನ್ನ ನುಂಗಿತ್ತು. ಅಂತಹವುದು ಘಟನೆಯೊಂದು ಗೋವಾದ ಕಾಣ್ ಕೋಣ್ ನಲ್ಲಿ ನಡೆದಿದೆ.

ಕಾಣ್ ಕೋಣ್ ಗ್ರಾಮದ ಬಳಿ ನಾಗರ ಹಾವೊಂದು ಆಹಾರಕ್ಕಾಗಿ ಕೋಳಿ ಗೂಡಿಗೆ ನುಗ್ಗಿದೆ. ಈ ವೇಳೆ ಸಾಕಷ್ಟು ಕೋಳಿ ಮರಿಗಳು ಗೂಡಿನಲ್ಲಿದ್ದವು. ಕೋಳಿ ಮರಿಯೆಂದು ತಿಳಿದ ನಾಗರ ಹಾವು ಅಲ್ಲಿಯೇ ಇದ್ದ ಪ್ಲಾಸ್ಟಿಕ್ ಬಾಟಲ್ ನುಂಗಿದೆ.

ಬಾಟಲ್ ನುಂಗಿದ ಮೇಲೆ ಜೀರ್ಣಕ್ರಿಯೆಯಲ್ಲಿ ವ್ಯತ್ಯಾಸವಾದಾಗ ಬಾಟಲಿಯನ್ನು ಉಗುಳಿದೆ. ವಿಷಯ ತಿಳಿದು ಸ್ಥಳಾಕ್ಕಾಗಮಿಸಿದ ಉರಗ ತಜ್ಞ ಕಾರ್ವಿ ಫರ್ನಾಂಡಿಸ್ ಎಂಬವರು ಹಾವನ್ನು ರಕ್ಷಿಸಿ ಕಾಡಿಗೆ ಬಿಟ್ಟಿದ್ದಾರೆ.

ಇದನ್ನೂ ಒದಿ: ಮೊಟ್ಟೆ ಎಂದು ತಿಳಿದು ಪೈಪನ್ನೇ ನುಂಗಿದ ನಾಗರಹಾವು!