ಹೈದ್ರಾಬಾದ್‍ನಲ್ಲಿ ಮಾಟಗಾತಿ ಪ್ರತ್ಯಕ್ಷ: ಭಾರತ ಪಾಕಿಸ್ತಾನದ ಸಾಮಾಜಿಕ ಜಾಲತಾಣದಲ್ಲಿ ವೈರಲ್ ಆಗಿದೆ ಫೋಟೋ!

ಇಸ್ಲಾಮಾಬಾದ್: ಭಾರತ ಮತ್ತು ಪಾಕಿಸ್ತಾನದ ಸಾಮಾಜಿಕ ಜಾಲತಾಣದಲ್ಲಿ ಈಗ ಮಾಟಗಾತಿಯ ಫೋಟೋವೊಂದು ವೈರಲ್ ಆಗಿದೆ.

ಕಟ್ಟಡದ ಗೋಡೆಯಲ್ಲಿ ಮಾಟಗಾತಿ ಕುಳಿತುಕೊಂಡಿದ್ದು, ಈಕೆಯ ಫೋಟೋವನ್ನು ಜನರು ಕ್ಲಿಕ್ಕಿಸುತ್ತಿದ್ದಾರೆ. ಹೈದರಾಬಾದ್‍ನಲ್ಲಿ ಈ ಫೋಟೋ ಕ್ಲಿಕ್ಕಿಸಲಾಗಿದೆ ಎಂದು ಬರೆದು ಜನರು ಶೇರ್ ಮಾಡುತ್ತಿದ್ದಾರೆ.

ಈ ಫೋಟೋ ಜಾಸ್ತಿ ಈಗ ಶೇರ್ ಆಗಲು ಕಾರಣವಾಗಿದ್ದು ಪಾಕಿಸ್ತಾನದ ಗಾಯಕ ಫಕೀರ್ ಮೊಹಮ್ಮದ್ ಅವರ ಎಫ್‍ಬಿ ಪೋಸ್ಟ್. ಹೈದರಾಬಾದ್‍ನಲ್ಲಿ ಮಾಟಗಾತಿ ಪತ್ತೆಯಾಗಿದ್ದಾಳಂತೆ. ಈ ವಿಚಾರದ ಬಗ್ಗೆ ಯಾರಾದ್ರೂ ಪರಿಶೀಲನೆ ನಡೆಸಬಹುದಾ ಎಂದು ಪ್ರಶ್ನಿಸಿ ಸೋಮವಾರ ಪೋಸ್ಟ್ ಮಾಡಿದ್ದರು. ಈ ಪೋಸ್ಟನ್ನು 932 ಮಂದಿ ಶೇರ್ ಮಾಡಿದ್ದರೆ, 1900 ಮಂದಿ ಕಮೆಂಟ್ ಮಾಡಿದ್ದರು.

ಈ ಫೋಟೋದ ಮೂಲ ಎಲ್ಲಿ?
ಈ ಫೋಟೋದ ಮೂಲ ಮೊರಕ್ಕೋ ದೇಶವಾಗಿದ್ದು, ರಾತ್ರಿ ಕಳ್ಳರನ್ನು ಹೆದರಿಸಲು ಕಟ್ಟಡದ ಮೇಲೆ ಮಹಿಳೆಯೊಬ್ಬಳ ಗೊಂಬೆಯನ್ನು ಇರಲಿಸಲಾಗಿತ್ತು. ಈ ಬೊಂಬೆಯನ್ನು ನೋಡಿದ ಜನ ಫೋಟೋ ಕ್ಲಿಕ್ಕಿಸುತ್ತಿದ್ದರು ಎಂದು ಮಾಧ್ಯಮಗಳು ವರದಿ ಮಾಡಿದೆ.

ಹೀಗಾಗಿ ವಾಟ್ಸಪ್ ಮತ್ತು ಫೇಸ್‍ಬುಕ್ ನಲ್ಲಿ ಬರುವ ಫೋಟೋಗಳನ್ನು ಶೇರ್ ಮಾಡುವ ಮುನ್ನ ಮೊದಲು ಸ್ವಲ್ಪ ಪರಿಶೀಲಿಸಿ ಬಳಿಕ ಶೇರ್ ಮಾಡಿ.