ಚಿಕ್ಕೋಡಿ: ಕನ್ನಡಿಗರೆಲ್ಲರು ಲಾಕ್‍ಡೌನ್ ಪಾಲಿಸುವಂತೆ ಅಮೆರಿಕದಲ್ಲಿರುವ ಕರ್ನಾಟಕ ಮೂಲದ ಮಹಿಳೆಯೊಬ್ಬರು ಮನವಿ ಮಾಡಿಕೊಂಡಿದ್ದಾರೆ.
ಬೆಳಗಾವಿ ಜಿಲ್ಲೆಯ ರಾಯಭಾಗ ಮೂಲದ ಸುಪ್ರೀಯಾ ಮಾಡಂಗೇರಿ, ಅಮೆರಿಕದ ಮಿಚಿಗನ್ ನೆಲಸಿದ್ದು, ಇಲ್ಲಿಂದ ವಿಡಿಯೋ ಮೂಲಕ ಮನವಿ ಮಾಡಿದ್ದಾರೆ. ನಮ್ಮ ಒಳ್ಳೆಯದಕ್ಕೆ ಸರ್ಕಾರದ ನಿಯಮಗಳನ್ನು ಪಾಲಿಸಿ ಎಂದು ಕೇಳಿಕೊಂಡಿದ್ದಾರೆ.
ಅಮೆರಿಕದಲ್ಲಿ ಈಗಾಗಲೇ 1.74 ಲಕ್ಷ ಮಂದಿಗೆ ಕೊರೊನಾ ತಗುಲಿದೆ. ಕಳೆದ ಎರಡು ವಾರಗಳಿಂದ ಸಂಪೂರ್ಣ ಅಮೆರಿಕ ಸ್ತಬ್ಧವಾಗಿದೆ. ಅಮೆರಿಕದಲ್ಲಿ ಸಾಕಷ್ಟು ಸ್ವಚ್ಛತೆ, ಒಬ್ಬರಿಗೊಬ್ಬರು ಮಾತನಾಡದ ಜನ ಇದ್ದರು ಈ ಮಟ್ಟಿಗೆ ಸೋಂಕು ಹರಡಿದೆ. ಹಾಗಾಗಿ ಕನ್ನಡಿಗರು ದಯವಿಟ್ಟು ಲಾಕ್‍ಡೌನ್ ಮಗಿಯುವವರೆಗೂ ಸರ್ಕಾರದ ಆದೇಶವನ್ನು ಪಾಲಿಸಿ ಎಂದು ಮನವಿ ಮಾಡಿಕೊಂಡಿದ್ದಾರೆ.
ಜೊತೆಗೆ ಅಮೆರಿಕದಲ್ಲಿನ ಕೊರೊನಾ ರೋಗದ ಭೀಕರತೆ ಬಗ್ಗೆ ತಿಳಿಸಿದ್ದು, ಇಲ್ಲಿ ಆಗಾಲೇ 4,000 ಜನ ಸಾವನ್ನಪ್ಪಿದ್ದಾರೆ. ಕಳೆದ ಎರಡು ವಾರದಿಂದ ನಾವು ಕೂಡ ಮನೆಯಲ್ಲೇ ಇದ್ದೇವೆ. ನೀವು ಕೂಡ ಕನಿಷ್ಠ ಮೂರು ವಾರ ಮನೆಯಿಂದ ಹೊರಗೆ ಬರಬೇಡಿ ಎಂದು ಮನವಿ ಮಾಡಿದ್ದಾರೆ.
