ನವದೆಹಲಿ: ದೆಹಲಿಯ ಮೋತಿ ನಗರದಲ್ಲಿ ರೋಡ್ ಶೋ ನಡೆಸುತ್ತಿದ್ದ ಎಎಪಿ ಪಕ್ಷದ ಮುಖ್ಯಸ್ಥ, ಸಿಎಂ ಅರವಿಂದ ಕೇಜ್ರಿವಾಲ್ ಅವರಿಗೆ ವ್ಯಕ್ತಿಯೊರ್ವ ಕಪಾಳಮೋಕ್ಷ ಮಾಡಿದ್ದಾನೆ.
ಲೋಕಸಭಾ ಚುನಾವಣೆಯ ಹಿನ್ನೆಲೆಯಲ್ಲಿ ಪಕ್ಷದ ಅಭ್ಯರ್ಥಿ ಪರ ಪ್ರಚಾರ ನಡೆಸಿ ಕೇಜ್ರಿವಾಲ್ ರೋಡ್ ಶೋ ನಡೆಸಿದ್ದರು. ಈ ಸಂದರ್ಭದಲ್ಲಿ ತೆರೆದ ಕಾರಿನಲ್ಲಿ ತೆರಳುತ್ತಿದ್ದ ಕೇಜ್ರಿವಾಲ್ ಜನರತ್ತ ಕೈ ಬೀಸುತ್ತಾ ಸಾಗಿದ್ದರು. ಇತ್ತ ಏಕಾಏಕಿ ಕೇಜ್ರಿವಾಲ್ ಅವರತ್ತ ನುಗ್ಗಿದ ವ್ಯಕ್ತಿ ಕಾರು ಹತ್ತಿ ಕೇಜ್ರಿವಾಲ್ ಮುಖಕ್ಕೆ ಬಾರಿಸಿದ್ದು, ಈ ಘಟನೆಯಿಂದ ಕೇಜ್ರಿವಾಲ್ ಶಾಕ್ಗೆ ಒಳಗಾಗಿದ್ದರು.
#WATCH: A man slaps Delhi Chief Minister Arvind Kejriwal during his roadshow in Moti Nagar area. (Note: Abusive language) pic.twitter.com/laDndqOSL4
— ANI (@ANI) May 4, 2019
ಬಿಗಿ ಪೊಲೀಸ್ ಬಂದೋಬಸ್ತ್ ವ್ಯವಸ್ಥೆ ನಿಯೋಜಿಸಿದ್ದ ಸಂದರ್ಭದಲ್ಲೂ ಘಟನೆ ನಡೆದಿದೆ. ಕೇಜ್ರಿವಾಲ್ ಮುಖಕ್ಕೆ ಬಾರಿಸಿದ ವ್ಯಕ್ತಿ ತಕ್ಷಣ ಕಾರು ಇಳಿದು ಪರಾರಿಯಾಗಲು ಯತ್ನಿಸಿದ್ದ, ಈ ಹಂತದಲ್ಲಿ ಎಚ್ಚೆತ್ತ ಕಾರ್ಯಕರ್ತರು ಹಾಗೂ ವ್ಯಕ್ತಿಯನ್ನು ಹಿಡಿದುಕೊಂಡಿದ್ದಾರೆ. ಕೃತ್ಯ ಎಸಗಿದ ವ್ಯಕ್ತಿಯನ್ನು ಸುರೇಶ್ ಎಂದು ಗುರುತಿಸಲಾಗಿದ್ದು, ಪೊಲೀಸರು ವಶಕ್ಕೆ ಪಡೆದಿದ್ದಾರೆ. ಘಟನೆ ಬಗ್ಗೆ ಎಎಪಿ ಮುಖಂಡರು ಬಿಜೆಪಿ ಪಕ್ಷದ ವಿರುದ್ಧ ಆರೋಪ ಮಾಡಿದ್ದಾರೆ. ಈ ದಾಳಿ ವಿರೋಧಿಗಳ ಪ್ರಾಯೋಜಿತದಿಂದ ನಡೆದ ಘಟನೆ ಎಂದು ಎಎಪಿ ಪಕ್ಷದ ವಕ್ತಾರ ಸೌರಭ್ ಭರದ್ವಾಜ್ ದೂರಿದ್ದಾರೆ. ಅಲ್ಲದೇ ತೃಣಮೂಲ ಕಾಂಗ್ರೆಸ್ ಪಕ್ಷ ಕೂಡ ಬಿಜೆಪಿ ವಿರುದ್ಧ ಆಕ್ರೋಶ ಹೊರಹಾಕಿದೆ.
Attack on Delhi CM @ArvindKejriwal during election campaigning is a serious security breach. If anyone can come so close to harm him, what does this say about security in the national capital? Hope Delhi Police probes this in detail and books the culprit. pic.twitter.com/mddQAJWG3W
— Aditya Raj Kaul (@AdityaRajKaul) May 4, 2019
ಇದೇ ಮೊದಲಲ್ಲ: 2014ರ ಲೋಕಸಭಾ ಚುನಾವಣೆಯ ಪ್ರಚಾರದ ವೇಳೆಯೂ ಕೂಡ ಕೇಜ್ರಿವಾಲ್ ರನ್ನು ದೆಹಲಿಯ ದಕ್ಷಿಣಪೂರಿ ಪ್ರದೇಶದಲ್ಲಿ ವ್ಯಕ್ತಿಯೊರ್ವ ಕಪಾಳ ಮೋಕ್ಷ ಮಾಡಿದ್ದ. ಈ ಘಟನೆ ನಡೆದ ನಾಲ್ಕು ದಿನಗಳ ಬಳಿಕ ಇಂತಹದ್ದೇ ಘಟನೆ ನಡೆದಿತ್ತು. ಈ ವೇಳೆ ಅವರ ಮುಖಕ್ಕೆ ಗಾಯವಾಗಿತ್ತು. ರಾಜಕೀಯ ವೈಷಮ್ಯದ ಹಿನ್ನೆಲೆಯಲ್ಲಿ ಇಂತಹ ಘಟನೆಗಳು ನಡೆಯುತ್ತಿದೆ ಎಂದು ಎಎಪಿ ಪಕ್ಷದ ನಾಯಕರು ಆಕ್ರೋಶ ವ್ಯಕ್ತಪಡಿಸಿದ್ದರು.
ಕಳೆದ ವರ್ಷ ಕೇಜ್ರಿವಾಲ್ ಕಚೇರಿ ಬಳಿ ಆಗಮಿಸಿದ್ದ ವ್ಯಕ್ತಿಯೊಬ್ಬರು ಮನವಿ ಪತ್ರ ಸಲ್ಲಿಸಿ ಕಾಲಿಗೆ ನಮಸ್ಕಾರ ಮುಂದಾಗಿದ್ದರು. ಆ ಬಳಿಕ ಏಕಾಏಕಿ ಕೈಯಿಂದ ಖಾರದ ಪುಡಿ ತೆಗೆದು ಅವರ ಮುಖಕ್ಕೆ ಎರಚಲು ಯತ್ನಿಸಿದ್ದರು. ಈ ಘಟನೆ ದೆಹಲಿಯ ಸಚಿವಾಲಯದಲ್ಲೇ ನಡೆದಿತ್ತು. ಉಳಿದಂತೆ ಲೋಕಸಭಾ ಚುನಾವಣೆ ಮತದಾನ ದೆಹಲಿಯಲ್ಲಿ ಮೇ 12 ರಂದು ನಡೆಯಲಿದೆ.
The @ArvindKejriwal incident in Delhi and the malicious spin on a silly video targeting @MamataOfficial in Bengal prove that BJP has already LOST. They are desperately creating incidents to try and find 'game-changers'. People have already changed the game! Modi is OUT: Derek
— All India Trinamool Congress (@AITCofficial) May 4, 2019
