ಲಂಡನ್: ಟೀಂ ಇಂಡಿಯಾದ ಟೆಸ್ಟ್ ಸ್ಪೆಷಲಿಷ್ಟ್‌ ಖ್ಯಾತಿಯ ಚೇತೇಶ್ವರ ಪೂಜಾರ ಇದೀಗ ರಾಯಲ್ ಲಂಡನ್ ಏಕದಿನ ಪಂದ್ಯ ಒಂದರಲ್ಲಿ ಒಂದೇ ಓವರ್‌ನಲ್ಲಿ ಬರೋಬ್ಬರಿ 22 ರನ್ ಚಚ್ಚಿ ಸ್ಫೋಟಕ ಆಟದ ಮೂಲಕ ಸುದ್ದಿಯಾಗಿದ್ದಾರೆ.
ಈ ಹಿಂದೆ ಕೌಂಟಿ ಕ್ರಿಕೆಟ್‍ನಲ್ಲಿ ಬ್ಯಾಕ್ ಟು ಬ್ಯಾಕ್ ಸೆಂಚುರಿ ಸಿಡಿಸಿ ಮಿಂಚಿದ್ದ ಪೂಜಾರ ಇದೀಗ ರಾಯಲ್ ಲಂಡನ್ ಏಕದಿನ ಪಂದ್ಯದಲ್ಲೂ ಸಿಡಿಲಬ್ಬರದ ಬ್ಯಾಟಿಂಗ್ ಮೂಲಕ ಎದುರಾಳಿ ತಂಡಕ್ಕೆ ಕಂಟಕವಾಗಿದ್ದಾರೆ. ಸಸೆಕ್ಸ್ ಪರ ಆಡಿದ ಪೂಜಾರ 107 ರನ್ (79 ಎಸೆತ, 7 ಬೌಂಡರಿ, 2 ಸಿಕ್ಸ್) ಶತಕ ಸಿಡಿಸಿ ಮೆರೆದಾಡಿದ್ದಾರೆ. ಇದನ್ನೂ ಓದಿ: ಟೀಂ ಇಂಡಿಯಾದ ಕ್ಯಾಪ್ಟನ್, ಕೋಚ್ ಪದೇ ಪದೇ ಬದಲಾವಣೆ – ಬಿಸಿಸಿಐಗೆ ನೆಟ್ಟಿಗರಿಂದ ಫುಲ್ ಕ್ಲಾಸ್
Cheteshwar Pujara smashed 22 runs in an over – 4,2,4,2,6,4.
pic.twitter.com/HhgGlw7c0z— Mufaddal Vohra (@mufaddal_vohra) August 12, 2022
ವಾರ್ವಿಕ್‍ಶೈರ್ ವಿರುದ್ಧ ಪಂದ್ಯದ 45ನೇ ಓವರ್‌ನಲ್ಲಿ ಪೂಜಾರ ಉಗ್ರರೂಪ ತಾಳಿದ್ದರು. ಲಿಯಾಮ್ ನಾರ್ವೆಲ್ ಎಸೆದ 45ನೇ ಓವರ್‌ನಲ್ಲಿ ಕ್ರಮವಾಗಿ 4,2,4,2,6,4 ಸೇರಿ ಒಟ್ಟು 22 ರನ್ ಬಾರಿಸಿ ಮಿಂಚಿದರು. ಇದನ್ನೂ ಓದಿ: ಮತ್ತೊಮ್ಮೆ ಟೀಂ ಇಂಡಿಯಾದ ಚುಕ್ಕಾಣಿ ಹಿಡಿದ ದಾದಾ – ಭಾರತ ಮಹಾರಾಜರ ರಾಜನಾದ ಗಂಗೂಲಿ
ಪಂದ್ಯದಲ್ಲಿ ವಾರ್ವಿಕ್‍ಶೈರ್ 7 ವಿಕೆಟ್ ನಷ್ಟಕ್ಕೆ 306 ರನ್ ಬಾರಿಸಿ ಸಸೆಕ್ಸ್ ತಂಡಕ್ಕೆ 307 ರನ್ ಟಾರ್ಗೆಟ್ ನೀಡಿತು. ಈ ಮೊತ್ತವನ್ನು ಬೆನ್ನಟ್ಟಿದ ಸಸೆಕ್ಸ್ ಪಂದ್ಯವನ್ನು ಗೆಲ್ಲಲು ವಿಫಲವಾಯಿತು.
