ಬಾಯ್ ಫ್ರೆಂಡ್ ಗೆ ಕಿಸ್ ಕೊಟ್ಟು ನ್ಯೂ ಯಿಯರ್ ಬರಮಾಡಿಕೊಂಡ ಸಿಲೆಬ್ರಿಟಿಗಳು

ಮೊನ್ನೆ ಮೊನ್ನೆಯಷ್ಟೇ ಪವಿತ್ರಾ ಲೋಕೇಶ್ ಅವರಿಗೆ ಟಾಲಿವುಡ್ ನಟ ನರೇಶ್ ಮುತ್ತಿಡುವ ಮೂಲಕ ಮದುವೆ ವಿಷಯವನ್ನು ಬಹಿರಂಗಪಡಿಸಿದ್ದರು. ನಮ್ಮಿಬ್ಬರ ಮಧ್ಯ ಏನೂ ಇಲ್ಲ, ನಾವು ಕೇವಲ ವೃತ್ತಿ ಬಂಧುಗಳು ಎನ್ನುತ್ತಿದ್ದ ಈ ಜೋಡಿ ಕಿಸ್ ಮಾಡುವ ಮೂಲಕ ಮದುವೆ ವಿಷಯ ಮಾತ್ರವಲ್ಲ, ಹೊಸ ವರ್ಷವನ್ನೂ ಬರಮಾಡಿಕೊಂಡಿದ್ದರು. ಈ ನಡೆ ಭಾರೀ ಮೆಚ್ಚುಗೆಗೆ ಪಾತ್ರವಾಗಿತ್ತು. ಅಂತೆಯೇ ಬಾಲಿವುಡ್ ನಲ್ಲೂ ಮತ್ತೊಂದು ಜೋಡಿ ಹೀಗೆಯೇ ಹೊಸ ವರ್ಷವನ್ನು ಸ್ವಾಗತಿಸಿದೆ.

ಬಾಲಿವುಡ್ ನಟ ಅರ್ಜುನ್ ಕಪೂರ್ ಮತ್ತು ಬಾಲಿವುಡ್ ನಟಿ ಮಲೈಕಾ ಅರೋರ್ ಇಬ್ಬರೂ ಡೇಟಿಂಗ್ ಮಾಡುತ್ತಿರುವುದು ಹೊಸದೇನೂ ಅಲ್ಲ. ಅನೇಕ ಸಲ ವಿದೇಶಕ್ಕೂ ಈ ಜೋಡಿ ಹೋಗಿ ಬಂದಿದೆ. ಒಟ್ಟೊಟ್ಟಿಗೆ ಅನೇಕ ಪಾರ್ಟಿಗಳನ್ನೂ ಮಾಡಿದ್ದಾರೆ. ಮದುವೆ ವಿಚಾರದಲ್ಲಿ ಮುಂದೂಡುತ್ತಲೇ ಬಂದಿರುವ ಮಲೈಕಾ, ತಮ್ಮ ಬಾಯ್ ಫ್ರೆಂಡ್ ಅರ್ಜುನ್ ಕಪೂರ್ ಗೆ ಮುತ್ತಿಡುವ ಮೂಲಕ ನ್ಯೂ ಯಿಯರ್ ಶುಭಾಶಯಗಳನ್ನು ವಿನಿಮಯ ಮಾಡಿಕೊಂಡಿದ್ದಾರೆ. ಆ ಫೋಟೋವೊಂದನ್ನು ಅವರು ಸೋಷಿಯಲ್ ಮೀಡಿಯಾದಲ್ಲಿ ಶೇರ್ ಮಾಡಿದ್ದಾರೆ.

ಮಲೈಕಾ ಡಿವೋರ್ಸ್ ಆದ ನಂತರ ತಮಗಿಂತ ಚಿಕ್ಕ ವಯಸ್ಸಿನ ಅರ್ಜುನ್ ಕಪೂರ್ ಜೊತೆ ಡೇಟ್ ಮಾಡುತ್ತಿದ್ದಾರೆ. ಆಳೆತ್ತೆರದ ಮಗನನ್ನು ಹೊಂದಿರುವ ಮಲೈಕಾ ಈ ಹೊತ್ತಿಗೂ ವಿಶೇಷ ಕಾಸ್ಟ್ಯೂಮ್ ಮತ್ತು ಹಾಟ್ ಹಾಟ್ ಆಗಿ ಕಾಣಿಸಿಕೊಳ್ಳುವುದನ್ನು ಬಿಟ್ಟಿಲ್ಲ. ಈ ವಿಚಾರವಾಗಿ ಅವರು ಹಲವಾರು ಬಾರಿ ಟ್ರೋಲ್ ಕೂಡ ಆಗಿದ್ದಾರೆ. ಇಂದು ಕಿಸ್ ಕೊಟ್ಟಿರುವ ಫೋಟೋ ಕೂಡ ಸೋಷಿಯಲ್ ಮೀಡಿಯಾದಲ್ಲಿ ವೈರಲ್ ಆಗಿದೆ.