ಮುಂಬೈ: ಮಾಜಿ ಮಿ. ಇಂಡಿಯಾ ಹಾಗೂ ಸೆಲೆಬ್ರಿಟಿ ಫಿಟ್ನೆಸ್ ಟ್ರೈನರ್ ಬಾಂದ್ರಾದ ಕೌಟುಂಬಿಕ ನ್ಯಾಯಾಲಯಕ್ಕೆ ಅಶ್ಲೀಲವಾಗಿ ಎಡಿಟ್ ಮಾಡಿರುವ ತನ್ನ ಪತ್ನಿಯ ಫೋಟೋವನ್ನು ಸಲ್ಲಿಸಿ ಸ್ವತಃ ತೊಂದರೆಗೆ ಸಿಲುಕಿಕೊಂಡಿದ್ದಾನೆ.
ಫಿಟ್ನೆಸ್ ಟ್ರೈನರ್ ಹಾಗೂ ಮಹಿಳೆ 2013ರಲ್ಲಿ ಜನವರಿ ತಿಂಗಳಿನಲ್ಲಿ ಮದುವೆಯಾಗಿದ್ದರು. ಈ ದಂಪತಿಗೆ ಒಂದು ಹೆಣ್ಣು ಮಗು ಕೂಡ ಇದೆ. ಈಗ ಪತಿ-ಪತ್ನಿ ನಡುವೆ ಭಿನ್ನಾಭಿಪ್ರಾಯ ಬಂದಿದ್ದು, ಇಬ್ಬರು ವಿಚ್ಛೇದನ ಪಡೆಯಲು ನ್ಯಾಯಾಲಯಕ್ಕೆ ಅರ್ಜಿ ಸಲ್ಲಿಸಿದ್ದರು.
ವಿಚ್ಛೇದನ ಅರ್ಜಿ ವಿಚಾರಣೆಗೆ ಹಾಜರಾಗುವಂತೆ ಪತಿ, ಪತ್ನಿಗೆ ಕೊರ್ಟ್ ಸೂಚಿಸಿತ್ತು. ಈ ವೇಳೆ ಪತಿ ಅಶ್ಲೀಲವಾಗಿ ಎಡಿಟ್ ಮಾಡಿರುವ ತನ್ನ ಪತ್ನಿಯ ಫೋಟೋವನ್ನು ನ್ಯಾಯಾಲಯದಲ್ಲಿ ಸಲ್ಲಿಸಿದ್ದನು.
ನನ್ನ ಪತಿ ಅಶ್ಲೀಲ ಫೋಟೋ ನ್ಯಾಯಾಲಯಕ್ಕೆ ಸಲ್ಲಿಸಿರುವುದು ನನಗೆ ಆಘಾತವಾಗಿದೆ. ಬೇರೆ ಮಹಿಳೆ ನಗ್ನವಾಗಿರುವ ಫೋಟೋಗೆ ನನ್ನ ಮುಖ ಹಾಕಿ ಎಡಿಟ್ ಮಾಡಲಾಗಿದೆ ಎಂದು ಮಹಿಳೆ ಆರೋಪಿಸಿದ್ದಳು. ಆಗ ಪತಿ ಈ ಫೋಟೋವನ್ನು ಎಡಿಟ್ ಮಾಡಿಲ್ಲ. ನಾನು ನನ್ನ ಇನ್‍ಸ್ಟಾಗ್ರಾಂ ಖಾತೆ ನೋಡುತ್ತಿದ್ದಾಗ ನನಗೆ ಈ ಫೋಟೋ ದೊರೆತಿದೆ ಎಂದು ವಾದ ಮಾಡಿದ್ದಾನೆ. ಸದ್ಯ ಆ ಫೋಟೋದ ಸತ್ಯಾಸತ್ಯತೆಗಾಗಿ ನ್ಯಾಯಾಲಯ ವಿಧಿವಿಜ್ಞಾನ ಪ್ರಯೋಗಾಲಯಕ್ಕೆ ಕಳುಹಿಸಿದೆ.
ಈ ಪ್ರಕರಣದ ಬಗ್ಗೆ ಪೊಲೀಸರು ಫಿಟ್ನೆಸ್ ಟ್ರೈನರ್ ವಿರುದ್ಧ ಐಪಿಸಿ ಸೆಕ್ಷನ್ 354 ಅಡಿಯಲ್ಲಿ ಪ್ರಕರಣ ದಾಖಲಿಸಿಕೊಂಡಿದ್ದಾರೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್‍ಲೋಡ್ ಮಾಡಿ: play.google.com/publictv
