ಬೆಂಗಳೂರು: ಸಿಲಿಕಾನ್ ಸಿಟಿಯಲ್ಲಿ ಶಂಕಿತ ಉಗ್ರ ಹುಸೇನ್ ಬಂಧನ ಪ್ರಕರಣ ದಿನಕ್ಕೊಂದು ತಿರುವು ಪಡೆದುಕೊಳ್ಳುತ್ತಿದ್ದು, ಹಲವು ಸ್ಫೋಟಕ ವಿಚಾರವನ್ನು ತನಿಖೆ ಸಂದರ್ಭದಲ್ಲಿ ಬಯಲಾಗುತ್ತಿದೆ.
ಕಳೆದ ಎರಡು ದಿನದ ಹಿಂದೆ ಶಂಕಿತ ಉಗ್ರ ಹುಸೇನ್ನ್ನು ಸಿಸಿಬಿ ಪೊಲೀಸರು ಬೆಂಗಳೂರಿನಲ್ಲಿ ಬಂಧಿಸಿದ್ದರು. ಬೆಂಗಳೂರಲ್ಲಿ ಡೆಲಿವರಿ ಬಾಯ್ ಆಗಿದ್ದ ಹುಸೇನ್ನ ಬಂಧನಕ್ಕೆ ಆ ಒಂದು ಮೇಸೆಜ್ ಸಹಕಾರ ನೀಡಿದೆ.
ಹೌದು.. ಆತ, ನಾನು ಎರಡು ತಿಂಗಳು ಇರುವುದಿಲ್ಲ. ನಾನು ಎಲ್ಲದಕ್ಕೂ ಸಿದ್ಧನಿದ್ದೇನೆ ಎಂದು ಹೇಳುವ ವೀಡಿಯೋವನ್ನು ತನ್ನ ಮೆಸೆಂಜರ್ ಗ್ರೂಪ್ವೊಂದರಲ್ಲಿ ಹರಿಬಿಟ್ಟಿದ್ದ. ಈ ವೀಡಿಯೋ ಮತ್ತು ಮೆಸೇಜ್ಗಳನ್ನು ಬಳಿಕ ಡಿಲೀಟ್ ಕೂಡ ಮಾಡಿದ್ದ. ಆದರೆ ಈ ಮೇಸೆಜ್ ಬೆನ್ನತ್ತಿದ್ದ ಕೇಂದ್ರ ಗುಪ್ತಚರ ಇಲಾಖೆಯು 15 ದಿನಗಳ ಕಾಲ ಆತನ ಮಾಹಿತಿಯನ್ನು ಕಲೆ ಹಾಕಿತ್ತು. ಇದಾದ ಬಳಿಕ ಖಚಿತ ಮಾಹಿತಿ ಆಧರಿಸಿ ಆರೋಪಿ ಹುಸೇನ್ನನ್ನು ಬಂಧಿಸಿದ್ದಾರೆ.
ಆಲ್ ಖೈದಾ ಉಗ್ರ ಸಂಘಟನೆ ಸೇರಿದಂತೆ ಬೇರೆ ಬೇರೆ ಉಗ್ರ ಸಂಘಟನೆಗಳ ಜೊತೆ ಸಂಪರ್ಕ ಇರುವ ಬಗ್ಗೆ ಮಾಹಿತಿ ಲಭ್ಯವಾಗಿದ್ದು, ಸಿಸಿಬಿ ಪೊಲೀಸರು ತನಿಖೆ ಮುಂದುವರೆಸಿದ್ದಾರೆ. ಇದೀಗ ಆತನನ್ನು ವಿಚಾರಣೆಗೆ ಒಳಪಡಿಸಿದಾಗ ಸಿಸಿಬಿ ಪೊಲೀಸರಿಗೆ ಹುಸೇನ್ ಮಾಹಿತಿಯನ್ನು ನೀಡಿರಲಿಲ್ಲ. ಈ ಹಿನ್ನೆಲೆಯಲ್ಲಿ ಆತನ ಮೊಬೈಲ್ನಲ್ಲಿ ಏನಾದರೂ ದಾಖಲೆಯಿದೆಯಾ ಎಂದು ನೋಡಿದ್ದಾರೆ. ಆ ಮೊಬೈಲ್ನಲ್ಲಿದ್ದ ಗಲಭೆ ವೀಡಿಯೋಗಳನ್ನು ನೋಡಿ ಒಮ್ಮೇಲೆ ಪೊಲೀಸರೇ ಶಾಕ್ ಆಗಿದ್ದಾರೆ.
ಮೊಬೈಲ್ ತುಂಬೆಲ್ಲಾ ಬರೀ ಗಲಭೆ ದಾಳಿಯ ವಿಡಿಯೋಗಳಿದ್ದವು. ಜಮ್ಮು ಕಾಶ್ಮೀರದಲ್ಲಿ ನಡೆಯುತ್ತಿದ್ದ ಇದ್ದ ದಾಳಿ ಗಲಭೆಯ ವಿಡಿಯೋಗಳನ್ನು ಸಂಗ್ರಹಿಸಿಟ್ಟಿದ್ದ. ಆರ್ಟಿಕಲ್ 370 ಬಳಿಕ ನಡೆದ ಗಲಭೆಗಳು, ಇತ್ತಿಚೆಗೆ ಆದ ಕಾಶ್ಮೀರಿ ಪಂಡಿತರ ಹತ್ಯೆ ವಿಡಿಯೋಗಳು ಆತನ ಬಳಿ ಇದ್ದವು. ಅಷ್ಟೇ ಅಲ್ಲದೇ ಸಾಮಾಜಿಕ ಜಾಲತಾಣದಲ್ಲಿ ಬರದೇ ಇರುವ ಕೆಲವು ಪ್ರಚೋದನಾಕಾರಿ ವೀಡಿಯೋಗಳು ಆತನ ಬಳಿ ಇದ್ದವು. ಇದನ್ನೂ ಓದಿ: ಹಿಂದೂಗಳಿಂದ ನೆಮ್ಮದಿ ಹಾಳಾಗಿದ್ದಕ್ಕೆ ಉಗ್ರ ಸಂಘಟನೆ ಸೇರಲು ಮುಂದಾಗಿದ್ದೆ: ಶಂಕಿತ ಉಗ್ರ
ಕೇವಲ ವೀಡಿಯೋವೊಂದೇ ಅಲ್ಲದೇ ಕೆಲವೊಂದು ಉರ್ದು ಮತ್ತು ಅರೆಬಿಕ್ನಲ್ಲಿ ಬರೆದಿರುವ ಲೇಖನಗಳಿದ್ದವು. ಕೆಲವೊಂದು ಉರ್ದು ಪತ್ರಿಕೆಯ ತುಣುಕುಗಳು ಸಿಕ್ಕಿವೆ. ಇದನ್ನೂ ಓದಿ: ಸತ್ತೇ ಹೋದನೆಂದು ಭಾವಿಸಿದ್ದ ವ್ಯಕ್ತಿ ದಿಢೀರ್ ಪ್ರತ್ಯಕ್ಷ – ಚಿಕ್ಕಮಗಳೂರಿನಲ್ಲೊಂದು ಪ್ರಹಸನ
