ಲಿಫ್ಟ್ ಕುಸಿದು 6 ಮಂದಿ ಸಾವು – ಹಲವರಿಗೆ ಗಾಯ

ಭೋಪಾಲ್: ಲಿಫ್ಟ್ ಕುಸಿದು 6 ಮಂದಿ ಮೃತಪಟ್ಟು, ಹಲವರು ಗಂಭೀರವಾಗಿ ಗಾಯಗೊಂಡ ಘಟನೆ ಮಧ್ಯಪ್ರದೇಶದ ಪಾಟಲ್‍ಪಾನಿಯಲ್ಲಿ ನಡೆದಿದೆ.

ಉದ್ಯಮಿ ಪುನೀತ್ ಅಗರ್‌ವಾಲ್‌ ಅವರು ಹೊಸ ವರ್ಷ ಆಚರಿಸಲು ತಮ್ಮ ಕುಟುಂಬಸ್ಥರ ಜೊತೆಗೆ ತೋಟದ ಮನೆಗೆ ಹೋಗಿದ್ದರು. ಅವರ ತೋಟದ ಮನೆಯಲ್ಲಿ ಲಿಫ್ಟ್ ಅಳವಡಿಸಲಾಗಿದೆ. ಪುನೀತ್ ಮಂಗಳವಾರ ಸಂಜೆ 6 ಗಂಟೆಗೆ ಲಿಫ್ಟ್ ನಿಂದ ಕೆಳಗೆ ಬರುತ್ತಿರುವಾಗ ಮಿಷನ್‍ನ ಬೆಲ್ಟ್ ತುಂಡಾಗಿ ಕೆಳಗೆ ಬಿತ್ತು.

ಲಿಫ್ಟ್ ನ ಬೆಲ್ಟ್ ತುಂಡಾಗಿ ಕೆಳಗೆ ಬಿದ್ದ ಪರಿಣಾಮ 6 ಮಂದಿ ಸ್ಥಳದಲ್ಲೇ ಸಾವನ್ನಪ್ಪಿದ್ದಾರೆ. ಮತ್ತೆ ಹಲವು ಮಂದಿ ಗಂಭೀರವಾಗಿ ಗಾಯಗೊಂಡಿದ್ದಾರೆ. ಗಾಯಾಳುಗಳನ್ನು ಆಸ್ಪತ್ರೆಗೆ ದಾಖಲಿಸಿ ಚಿಕಿತ್ಸೆ ನೀಡಲಾಗುತ್ತಿದೆ.

ಈ ಬಗ್ಗೆ ಪ್ರತಿಕ್ರಿಯೆ ನೀಡಿದ ಪೊಲೀಸ್ ಕಮಿಷನರ್ ಧರ್ಮರಾಜ್ ಮೀನಾ ಅವರು, ಈ ಘಟನೆಯಲ್ಲಿ 6 ಮಂದಿ ಮೃತಪಟ್ಟಿದ್ದು, ಪುನೀತ್ ಹಾಗೂ ಅವರ ಸಂಬಂಧಿಕರು ಗಂಭೀರವಾಗಿ ಗಾಯಗೊಂಡಿದ್ದಾರೆ ಎಂದು ತಿಳಿಸಿದ್ದಾರೆ.

ಪುನೀತ್ ಅಗರ್‌ವಾಲ್‌ ದೇಶದ ಅತಿದೊಡ್ಡ ಗುತ್ತಿಗೆದಾರರಲ್ಲಿ ಒಬ್ಬರು. ಅವರ ಕಂಪನಿ ಪಾರ್ಥ ಇಂಡಿಯಾ ಮುಖ್ಯವಾಗಿ ಸೇತುವೆ ನಿರ್ಮಾಣ, ಹೆದ್ದಾರಿ ನಿರ್ಮಾಣ ಹಾಗೂ ಟೋಲ್ ರಸ್ತೆಯ ನಿರ್ಮಾಣ ಮತ್ತು ನಿರ್ವಹಣೆಗೆ ಸಂಬಂಧಿಸಿದೆ.