ನವದೆಹಲಿ: ರಿಲಯನ್ಸ್ ಜಿಯೋಗೆ ಸ್ಪರ್ಧೆ ನೀಡಲು ಈಗ ಬಿಎಸ್ಎನ್ಎಲ್ ಕಡಿಮೆ ಬೆಲೆಗೆ 3ಜಿ ಡೇಟಾ ನೀಡುವ ಮೂರು ಪ್ಲಾನ್ ಬಿಡುಗಡೆ ಮಾಡಿದೆ.
333 ರೂ. ಪ್ಲಾನ್:
90 ದಿನಗಳ ವ್ಯಾಲಿಡಿಟಿ ಹೊಂದಿರುವ ಈ ಪ್ಲಾನ್ನಲ್ಲಿ ಗ್ರಾಹಕರು ಪ್ರತಿದಿನ 3ಜಿಬಿ 3ಜಿ ಡೇಟಾವನ್ನು ಪಡೆದುಕೊಳ್ಳಬಹುದು. ಗ್ರಾಹಕರಿಗೆ ಒಟ್ಟು 270 ಜಿಬಿ ಡೇಟಾ ಸಿಗಲಿದೆ. ಈ ಪ್ಲಾನ್ ಪ್ರಕಾರ ಲೆಕ್ಕ ಹಾಕಿದ್ರೆ 1.23 ರೂ.ಗೆ 1 ಜಿಬಿ ಡೇಟಾ ಸಿಗಲಿದೆ.
349 ರೂ. ಪ್ಲಾನ್:
ಇದು 28 ದಿನಗಳ ವ್ಯಾಲಿಡಿಟಿ ಹೊಂದಿದ್ದು, ಪ್ರತಿ ದಿನ 2ಜಿಬಿ 3ಜಿ ಡೇಟಾ ಸಿಗುತ್ತದೆ. ಈ 2ಜಿಬಿ ಬಳಕೆ ಪೂರ್ಣಗೊಂಡ ಬಳಿಕ ಈ ವೇಗ 80ಕೆಬಿಪಿಎಸ್ಗೆ ಇಳಿಯುತ್ತದೆ. ಈ ಪ್ಲಾನ್ನಲ್ಲಿ ಸ್ಥಳೀಯ ಮತ್ತು ಎಲ್ಲ ಎಸ್ಟಿಡಿ ಕರೆಗಳು ಉಚಿತವಾಗಿ ಸಿಗಲಿದೆ.
395 ರೂ.
71 ದಿನಗಳ ವ್ಯಾಲಿಡಿಟಿ ಹೊಂದಿರುವ ಈ ಪ್ಲಾನ್ ನಲ್ಲಿ ಗ್ರಾಹಕರಿಗೆ ಪ್ರತಿದಿನ 2ಜಿಬಿ 3ಜಿ ಡೇಟಾ ಸಿಗುತ್ತದೆ. ಇದರ ಜೊತೆ ಬಿಎಸ್ಎನ್ಎಲ್ನಿಂದ ಬಿಎಸ್ಎನ್ಎಲ್ಗೆ ಹೋಗುವ 3000 ನಿಮಿಷದ ಕರೆ ಮತ್ತು ಇತರೇ ನೆಟ್ವರ್ಕಿಗೆ ಹೋಗುವ 1800 ನಿಮಿಷದ ಕರೆ ಉಚಿತವಾಗಿ ಸಿಗಲಿದೆ.
ಜಿಯೋ ಧನ್ ಧನಾ ಧನ್ ಪ್ಲಾನ್ ಹೇಗಿದೆ?
ಜಿಯೋ ಪ್ರೈಮ್ ಗ್ರಾಹಕರು 309 ರೂ. ರಿಚಾರ್ಜ್ ಮಾಡಿದ್ರೆ 84 ದಿನಗಳ ಕಾಲ ಪ್ರತಿದಿನ 1 ಜಿಬಿ ಡೇಟಾವನ್ನು ಪಡೆಯಬಹುದು. ಅಷ್ಟೇ ಅಲ್ಲದೇ ಉಚಿತವಾಗಿ ಎಲ್ಲ ಸ್ಥಳೀಯ ಮತ್ತು ಎಸ್ ಟಿಡಿ ಕರೆಗಳನ್ನು ಮಾಡಬಹುದಾಗಿದೆ.
ಇದನ್ನೂ ಓದಿ: ಜಿಯೋಗೆ ಫೈಟ್ ನೀಡಲು ಏರ್ಟೆಲ್ನಿಂದ ಪ್ರತಿದಿನ 1ಜಿಬಿ ಡೇಟಾದ ಹೊಸ ಆಫರ್ ರಿಲೀಸ್
ಇದನ್ನೂ ಓದಿ: ಜಿಯೋ ಬಳಕೆದಾರರಿಗೆ ಮತ್ತೊಂದು ಗುಡ್ನ್ಯೂಸ್
ಇದನ್ನೂ ಓದಿ: ಜಿಯೋ ಎಫೆಕ್ಟ್: 7 ವರ್ಷದಲ್ಲಿ ಮೊದಲ ಬಾರಿಗೆ ಟೆಲಿಕಾಂ ಕಂಪೆನಿಗಳ ಆದಾಯ ಭಾರೀ ಇಳಿಕೆ
ಇದನ್ನೂ ಓದಿ:ಸಿಮ್ ಆಯ್ತು ಜಿಯೋ ಸೆಟ್ಟಾಪ್ ಬಾಕ್ಸ್: ವಿಶೇಷತೆ ಏನು? ಬೆಲೆ ಎಷ್ಟು? ಆರಂಭ ಯಾವಾಗ?
#BSNL's new Data and Combo recharges pic.twitter.com/ufTyycFYTf
— BSNL India (@BSNLCorporate) April 17, 2017
