ಲಿಫ್ಟ್ ನಲ್ಲಿಯೇ ಸೂಸು ಮಾಡಿದ ಬಾಲಕ-ಕೊನೆಗೆ ಹೊರಬರಲಾರದೇ ಅಲ್ಲಿಯೇ ಸಿಲುಕಿದ

ಬೀಜಿಂಗ್: ಚೀನಾದ ಚಾಂಗ್‍ಕಿಂಗ್ ನಗರದಲ್ಲಿ ಶುಕ್ರವಾರ ಬಾಲಕನೊಬ್ಬ ಲಿಫ್ಟ್ ನಲ್ಲಿಯೇ ಮೂತ್ರ ವಿಸರ್ಜನೆ ಮಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.

ಲಿಫ್ಟ್ ಒಳಗಡೆ ಬರುವ ಬಾಲಕ ಮಶೀನ್ ಮೇಲೆ ಮೂತ್ರ ವಿಸರ್ಜನೆ ಮಾಡಿದ್ದಾನೆ. ಇನ್ನೇನು ಹೊರ ಬರಬೇಕೆಂದು ಅನ್ನುವಷ್ಟರಲ್ಲಿ ಲಿಫ್ಟ್ ಬಾಗಿಲು ತೆರೆಯದೇ ಅಲ್ಲಿಯೇ ಸಿಲುಕಿಕೊಂಡಿದ್ದಾನೆ. ಈ ವಿಡಿಯೋವನ್ನು ಸಿಜಿಟಿಎನ್ ತನ್ನ ಯುಟ್ಯೂಬ್ ಖಾತೆಯಲ್ಲಿ ಅಪ್ಲೋಡ್ ಮಾಡಿಕೊಂಡಿದ್ದು, ಬಾಲಕನ ನಡುವಳಿಕೆಗೆ ವ್ಯಾಪಕ ಆಕ್ರೋಶ ವ್ಯಕ್ತಪಡಿಸಿದ್ದಾರೆ.

ಬಾಲಕ ಲಿಫ್ಟ್ ನಲ್ಲಿ ಮೂತ್ರ ವಿಸರ್ಜಿಸುವ ಎಲ್ಲ ದೃಶ್ಯಗಳು ಸಿಸಿಟಿವಿ ಕ್ಯಾಮೆರಾದಲ್ಲಿ ಸೆರೆಯಾಗಿವೆ. ಮಶೀನ್ ನಲ್ಲಿ ಮೂತ್ರ ಹೋಗಿದ್ದರಿಂದ ಲಿಫ್ಟ್ ಬಾಗಿಲು ತೆರೆಯಲಿಲ್ಲ. ಕೊನೆಗೆ ಬಾಲಕನನ್ನು ಸುರಕ್ಷಿತವಾಗಿ ರಕ್ಷಣೆ ಮಾಡಲಾಗಿದೆ ಎಂದು ವರದಿ ಆಗಿದೆ.