ಕಿರುತೆರೆಯ ಬಿಗ್ ಶೋ ಬಿಗ್ ಬಾಸ್‌ನಲ್ಲಿ (Bigg Boss Dhanushree) ಧನುಶ್ರೀ ಸ್ಪರ್ಧಿಯಾಗಿ ಮಿಂಚಿದ್ದರು. `ಒಂದೊಳ್ಳೆ ಲವ್ ಸ್ಟೋರಿ’ ಮೂಲಕ ನಾಯಕಿಯಾಗಿ ಚಿತ್ರರಂಗಕ್ಕೆ ಪಾದಾರ್ಪಣೆ ಮಾಡಿದ್ದಾರೆ. ಇದೀಗ ತಮ್ಮ ಯೂಟ್ಯೂಬ್‌ನಲ್ಲಿ ಕಣ್ಣಿಗೆ ರೆಪ್ಪೆ ಹಾಕಿಸಿಕೊಂಡಿರುವ ವೀಡಿಯೋವನ್ನು ನಟಿ ಶೇರ್ ಮಾಡಿದ್ದಾರೆ. ಧನುಶ್ರೀ ಅವರ ಹೊಸ ಅವತಾರಕ್ಕೆ ನೆಟ್ಟಿಗರು ಕಾಲೆಳೆದಿದ್ದಾರೆ.
ಸೋಷಿಯಲ್ ಮೀಡಿಯಾ (Influencer) ಆಗಿ ಗುರುತಿಸಿಕೊಂಡಿರುವ ಧನುಶ್ರೀ ಇಂಟರ್‌ನೆಟ್‌ನಲ್ಲಿ ಸೆನ್ಸೇಷನ್ ಕ್ರಿಯೆಟ್ ಮಾಡಿದ್ದಾರೆ. ಸಿನಿಮಾ, ಫೋಟೋಶೂಟ್, ಶಾರ್ಟ್ ಫಿಲ್ಮ್ ಅಂತಾ ಬ್ಯುಸಿಯಾಗಿದ್ದಾರೆ. ಇದೀಗ ಧನುಶ್ರೀ ಮಾಡಿರುವ ಹೊಸ ವೀಡಿಯೋಗೆ ನೆಟ್ಟಿಗರು ತಿರುಪೆ ಶೋಕಿ ಎಂದು ಕಿಡಿಕಾರಿದ್ದಾರೆ. ಇದನ್ನೂ ಓದಿ: ಸಿಂಬು ಜೊತೆಗಿನ ಬ್ರೇಕಪ್ ಬಗ್ಗೆ ಮೌನ ಮುರಿದ ನಟಿ ಹನ್ಸಿಕಾ ಮೋಟ್ವಾನಿ
ತಮ್ಮ ಯೂಟ್ಯೂಬ್ ಚಾನೆಲ್‌ನಲ್ಲಿ ಧನುಶ್ರೀ ಬ್ಯೂಟಿ, ಫ್ಯಾಷನ್, ಸ್ಕಿನ್ ಕೇರ್, ಟ್ರ‍್ಯಾವಲ್ ಹೀಗೆ ಪ್ರತಿಯೊಂದರ ಬಗ್ಗೆ ವಿಡಿಯೋ ಮಾಡಿ ಅಪ್ಲೋಡ್ ಮಾಡುತ್ತಾರೆ. ಇದೀಗ ನಕಲಿ ಕಣ್ರೆಪ್ಪೆ ಹಾಕಿಸಿಕೊಳ್ಳುತ್ತಿರುವ ವಿಡಿಯೋ ಮಾಡಿ ಧನುಶ್ರೀ ಟ್ರೋಲ್ ಆಗಿದ್ದಾರೆ. ನಮ್ಮ ಮನೆಯಲ್ಲಿ ಅತಿ ಶೀಘ್ರದಲ್ಲಿ ಶುಭ ಕಾರ್ಯ ನಡೆಯಲಿದೆ. ನಮ್ಮ ಇಡೀ ಕುಟುಂಬ ಖುಷಿಯಾಗಿದೆ. ತುಂಬಾ ದಿನಗಳಿಂದ ನಾವು ಪ್ಲ್ಯಾನ್ ಮಾಡುತ್ತಿದ್ದೀವಿ ಎಂದು ಧನುಶ್ರೀ ವಿಡಿಯೋ ಆರಂಭಿಸಿದ್ದಾರೆ.
ಸುಮಾರು 3 ಸಲ ನಕಲಿ ಕಣ್ರೆಪ್ಪೆ ಹಾಕಿಸಿಕೊಂಡಿರುವೆ. ಅದು ಕ್ಲಾಸಿಕ್. ಇದಕ್ಕೆ ಕೇವಲ ಎರಡೂವರೆ ಸಾವಿರ ಅಗುತ್ತೆ. ಈ ಸಲ ಡ್ರಮ್ಯಾಟಿಕ್ ಆಗಿರುವ ಕಣ್ರೆಪ್ಪೆ ಹಾಕಿಸಿಕೊಳ್ಳಬೇಕು ಎಂದುಕೊಂಡಿರುವೆ. ಸಿನಿಮಾ ಪ್ರಚಾರ ಮತ್ತು ನಮ್ಮ ಮನೆಯ ಕಾರ್ಯಕ್ರಮಕ್ಕೆ ಸೂಕ್ತವಾಗುವ ರೀತಿಯಲ್ಲಿ ಹಾಕಿಸಿಕೊಳ್ಳಬೇಕು. ಕೈ ಉಗುರು ಕೂಡ ಸ್ಟೈಲ್ ಮಾಡಿಸಬೇಕು. ಡಿಸೈನರ್ ಬೇಕು ಎಂದು ವಿಭಿನ್ನವಾಗಿ ಮಾಡಿಸುತ್ತಿರುವೆ. ಈ ವಿಡಿಯೋ ನೋಡಿ ನೀವು ಯಾಕೆ ಇಷ್ಟೊಂದು ಶೋಕಿ ಎಂದು ಕಾಮೆಂಟ್ ಮಾಡುತ್ತೀರಾ ಅಂತ ಗೊತ್ತಿದೆ. ಹುಡುಗಿಯರಿಗೆ ಶಾಪಿಂಗ್ ಮಾಡಿದರೆ ಖುಷಿಯಾಗುತ್ತದೆ ಹಾಗೂ ದುಃಖ ಕಡಿಮೆಯಾಗುತ್ತದೆ. ನಾವು ಹುಡುಗಿಯರು ತುಂಬಾನೇ ಸಿಂಪಲ್. ಹೀಗೆ ಸಣ್ಣ ಪುಟ್ಟ ವಿಚಾರಗಳಲ್ಲಿ ಖುಷಿ ಕಾಣುತ್ತೀವಿ. ಹುಡುಗರ ಖುಷಿ ಬೇರೆ ರೀತಿ ಇರುತ್ತದೆ’ ಎಂದು ಟ್ರೋಲ್ ಮಾಡುವವರಿಗೂ ಸರಿಯಾಗಿ ಉತ್ತರ ಕೊಟ್ಟಿದ್ದಾರೆ.
ಕಣ್ಣಿಗೆ ರೆಪ್ಪೆ ಹಾಕಿಸಿಕೊಂಡಿರುವ ವೀಡಿಯೋವನ್ನ ಶೇರ್ ಮಾಡ್ತಿದ್ದಂತೆ ತಿರುಪೆ ಶೋಕಿ ಎಂದು ನೆಟ್ಟಿಗರು ಕಾಮೆಂಟ್ ಮಾಡಿದ್ದಾರೆ. ವೀಡಿಯೋಗೆ ಬಗೆ ಬಗೆಯ ರೀತಿಯಲ್ಲಿ ಕಾಮೆಂಟ್‌ಗಳು ಹರಿದು ಬರುತ್ತಿದೆ.
LIVE TV
[brid partner=56869869 player=32851 video=960834 autoplay=true]
Join our Whatsapp group by clicking the below link
https://chat.whatsapp.com/E6YVEDajTzH06LOh77r25k
