ಬೆಂಗಳೂರು: ಸಿಲಿಕಾನ್ ಸಿಟಿಗೆ ವಿಶೇಷವಾದ ಮೀನೊಂದು ಬಂದಿದ್ದು, ಇದನ್ನು ಖರೀದಿ ಮಾಡಲು ಮಾಂಸ ಪ್ರಿಯರು ಮುಗಿದ್ದಿದ್ದಾರೆ.
ನಗರ ಫ್ರೆಜರ್ ಟೌನ್ ನಲ್ಲಿರುವ MOZ Fisheries ಓನಲ್ಲಿ ಬೃಹತ್ ಗಾತ್ರದ ಮೀನು ಮಾರಾಟಕ್ಕಿದೆ. ಇದನ್ನು ಎಲ್ಲೋಫಿನ್ ಟ್ಯೂನಾ ಮೀನ್ ಎಂದು ಕರೆಯುತ್ತಾರೆ. ಈ ಎಲ್ಲೋಫಿನ್ ಟ್ಯೂನಾ ಮೀನಿಗೆ ಜಗತ್ತಿನಲ್ಲೇ ಭಾರೀ ಡಿಮ್ಯಾಂಡ್ ಇದೆ.
MOZ Fisheries ನ ಮಾಲೀಕ ಮೊಹಮದ್ ವಾಸೀಮ್ ವಿಶೇಷ ಮೀನನ್ನು ಮಾರಾಟ ಮಾಡುತ್ತಿದ್ದಾರೆ. ಈ ಮೀನು ಚೆನ್ನೈನಲ್ಲಿ ದೊರೆತಿದ್ದು, ಅಂತರಾಷ್ಟ್ರೀಯ ಮಾರುಕಟ್ಟೆಯಲ್ಲಿ ಭಾರೀ ಬೇಡಿಕೆ ಇದೆ. ಇದರ ತೂಕ ಬರೊಬ್ಬರಿ 85 ಕೆ.ಜಿ. ಇದ್ದು, ಈ ಮೀನಿಗೆ ಮಾಂಸ ಪ್ರಿಯರು ಮುಗಿಬಿದ್ದಿದ್ದಾರೆ.
ಮೀನಿನ ವಿಶೇಷತೆ:
ಈ ಮೀನಿನಲ್ಲಿ ಯಾವುದೇ ಕೊಬ್ಬಿನ ಅಂಶ ಇಲ್ಲ. ಆದ್ದರಿಂದ ಈ ಮೀನು ತಿಂದರೆ ಮನುಷ್ಯನ ಬುದ್ದಿ ಶಕ್ತಿ ಚುರುಕುಗೊಳ್ಳಲಿದೆಯಂತೆ. ಒಂದು ಕೆ.ಜಿ.ಗೆ 500 ರೂಪಾಯಿಯಂತೆ ಮಾರಾಟವಾಗುತ್ತಿದೆ. ಈ ಮೀನನ್ನು ನೆನಪಿನ ಶಕ್ತಿ ಹೆಚ್ಚಿಸಲು ಹಾಗೂ ಕ್ರೀಡಾಪಟುಗಳು ಹೆಚ್ಚು ಉಪಯೋಗಿಸುತ್ತಾರೆ ಎಂದು ತಿಳಿದು ಬಂದಿದೆ.
ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv , ಪಬ್ಲಿಕ್ ಟಿವಿ ಆ್ಯಪ್ ಡೌನ್ಲೋಡ್ ಮಾಡಿ: play.google.com/publictv
