Connect with us

Bengaluru City

ಶಿಕ್ಷಕರ ಕನ್ನಡ ಕಲಿಕೆ ಕಡ್ಡಾಯಕ್ಕೆ ಇಲಾಖೆ ಚಿಂತನೆ

Published

on

ಬೆಂಗಳೂರು: ರಾಜ್ಯದ ಎಲ್ಲಾ ಶಾಲೆಗಳು ಕನ್ನಡ ಕಲಿಸೋದು ಕಡ್ಡಾಯ ಅನ್ನುವ ನಿಯಮ ಜಾರಿಗೆ ಬಂದ ಮೇಲೆ ಈಗ ಮತ್ತೊಂದು ಮಹತ್ವದ ನಿಯಮ ಜಾರಿಗೆ ತರುವುದಕ್ಕೆ ಪ್ರಾಥಮಿಕ ಶಿಕ್ಷಣ ಇಲಾಖೆ ಗಂಭೀರ ಚಿಂತನೆ ನಡೆಸಿದೆ. ಮಕ್ಕಳು ಕನ್ನಡ ಕಲಿಸೋದರ ಜೊತೆ ಕನ್ನಡ ಬಾರದ ಖಾಸಗಿ ಶಾಲೆಯ ಶಿಕ್ಷಕರು ಕನ್ನಡ ಕಲಿಯೋದು ಕಡ್ಡಾಯ ಮಾಡೋ ಚಿಂತನೆಯಲ್ಲಿ ಶಿಕ್ಷಣ ಇಲಾಖೆ ಪರಿಶೀಲನೆ ಮಾಡುತ್ತಿದೆ.

ಸಾವಿತ್ರಿ ಬಾಯಿ ಫುಲೆ ಜಯಂತಿ ದಿನ ಶಿಕ್ಷಣ ಇಲಾಖೆ ಕನ್ನಡ ಕಡ್ಡಾಯ ಕುರಿತು ಸಂವಾದ ಕಾರ್ಯಕ್ರಮ ಏರ್ಪಡಿಸಿತ್ತು. ಈ ವೇಳೆ ಖಾಸಗಿ ಶಾಲೆಯ ಶಿಕ್ಷಕಿಯೊಬ್ಬರು ಕನ್ನಡ ಕಡ್ಡಾಯವಾಗಿ ಕಲಿಸೋದು ಒಪ್ಪುತ್ತೇವೆ. ಆದರೆನಮ್ಮ ಶಾಲೆ ಸೇರಿದಂತೆ ಖಾಸಗಿ ಶಾಲೆಗಳ ಶಿಕ್ಷಕರಿಗೆ ಕನ್ನಡವೇ ಬರುವುದಿಲ್ಲ. ಹೀಗಾಗಿ ಶಿಕ್ಷಕರಿಗೂ ಕನ್ನಡ ಕಲಿಕೆ ಕಡ್ಡಾಯ ಮಾಡಿ ಅಂತ ಮನವಿ ಮಾಡಿದರು. ಅಂದೇ ಸಚಿವರು ಈ ಬಗ್ಗೆ ಸೂಕ್ತ ನಿರ್ಧಾರ ತೆಗೆದುಕೊಳ್ಳುವ ಭರವಸೆ ಕೊಟ್ಟಿದ್ದರು. ಈಗ ಕನ್ನಡ ಕಲಿಕೆ ಕಡ್ಡಾಯ ನಿಯಮ ಜಾರಿಗೆ ತರೋ ನಿಟ್ಟಿನಲ್ಲಿ ಗಂಭೀರ ಚಿಂತನೆ ಮಾಡ್ತಿದ್ದಾರೆ.

ಒಂದು ವೇಳೆ ಶಿಕ್ಷಕರು ಕನ್ನಡ ಕಲಿಯೋದು ನಿಯಮ ಬಂದರೆ ಖಾಸಗಿ ಶಾಲೆಗಳ ಶಿಕ್ಷಕರು ಕನ್ನಡ ಕಲಿಯೋದು ಕಡ್ಡಾಯವಾಗಲಿದೆ. ಮಕ್ಕಳಿಗೆ ಕನ್ನಡ ಕಲಿಸೋದು ಎಷ್ಟು ಮುಖ್ಯವೋ ಕರ್ನಾಟಕದಲ್ಲಿ ಪಾಠ ಮಾಡೋ ಶಿಕ್ಷಕರು ಕನ್ನಡದಲ್ಲಿ ಮಾತನಾಡೋದು ಅಷ್ಟೇ ಮುಖ್ಯ. ಈ ನಿಟ್ಟಿನಲ್ಲಿ ಶಿಕ್ಷಣ ಇಲಾಖೆ ಮಹತ್ವದ ಹೆಜ್ಜೆ ಇಟ್ಟಿದೆ.

Click to comment

Leave a Reply

Your email address will not be published. Required fields are marked *

www.publictv.in