ಕಾರು ಬಿಟ್ಟು ಸೈಕಲ್ ಸವಾರಿ ಮಾಡಿದ ಕಿಚ್ಚ: ವಿಡಿಯೋ

ಬೆಂಗಳೂರು: ಕಿಚ್ಚ ಸುದೀಪ್ ಐಷರಾಮಿ ಕಾರು ಬಿಟ್ಟು ಸೈಕಲ್ ಸವಾರಿ ಮಾಡುತ್ತಾ ಶೂಟಿಂಗ್ ಸೆಟ್ ಗೆ ಹೋಗಿದ್ದಾರೆ.

ಕಿಚ್ಚ ಸುದೀಪ್ ನಟನೆಯ ಕೋಟಿಗೊಬ್ಬ 3 ಸಿನಿಮಾದ ಚಿತ್ರೀಕರಣ ಬೆಂಗಳೂರಿನಲ್ಲಿ ನಡೆಯುತ್ತಿದ್ದು, ಹೀಗಾಗಿ ಸುದೀಪ್ ರಾಜ್‍ಕುಮಾರ್ ರಸ್ತೆಯಲ್ಲಿ ಇರುವ ಶೆರಟಾನ್ ಹೋಟೆಲ್‍ನಿಂದ ಸೈಕಲ್ ನಲ್ಲಿ ಕಂಠೀರವ ಸ್ಟುಡಿಯೋಗೆ ಬಂದಿದ್ದಾರೆ. ಸುದೀಪ್ ಜನರ ನಡುವೆ ಸೈಕಲ್ ಸವಾರಿ ಮಾಡಿದ್ದಾರೆ. ಆದರೆ ಮುಖಕ್ಕೆ ಬಟ್ಟೆ ಕಟ್ಟಿಕೊಂಡ ಕಾರಣ ಯಾರ ಕಣ್ಣಿಗೂ ಬಿದ್ದಿಲ್ಲ.

https://www.instagram.com/p/B5ZWycIn07s/

ಸಾಮಾನ್ಯವಾಗಿ ಸ್ಟಾರ್ ನಟ-ನಟಿಯರು ಶೂಟಿಂಗ್ ಸೆಟ್‍ಗೆ ದುಬಾರಿ ಕಾರ್ ಅಥವಾ ಕ್ಯಾರವಾನ್ ಮೂಲಕ ಬರುತ್ತಾರೆ. ಆದರೆ ಈ ಬಾರಿ ಕಿಚ್ಚ ಸುದೀಪ್ ಸೈಕಲ್ ಏರಿ ಶೂಟಿಂಗ್ ಸೆಟ್‍ಗೆ ಹೋಗಿದ್ದು ವಿಶೇಷ. ಸುದೀಪ್ ತಾವು ಸೈಕಲ್ ಸವಾರಿ ಮಾಡಿರುವ ವಿಡಿಯೋವನ್ನು ಇನ್‍ಸ್ಟಾಗ್ರಾಂನಲ್ಲಿ ಶೇರ್ ಮಾಡಿಕೊಂಡಿದ್ದು, ನಿಮ್ಮ ಜೀವನಕ್ಕೆ ನೀವು ಹತ್ತಿರವಾಗಿರಿ ಎಂದು ಬರೆದುಕೊಂಡಿದ್ದಾರೆ. ಬೆಂಗಳೂರಿನ ಬೆಳಗ್ಗೆಯ ಚಳಿಯ ನಡುವೆ ಸುದೀಪ್ ಸೈಕಲ್ ಸವಾರಿಗೆ ಅಭಿಮಾನಿಗಳು ಮೆಚ್ಚುಗೆ ವ್ಯಕ್ತಪಡಿಸುತ್ತಿದ್ದಾರೆ.

ಕೋಟಿಗೊಬ್ಬ 3 ಸಿನಿಮಾವನ್ನು ಶಿವಕಾರ್ತಿಕ್ ನಿರ್ದೇಶನ ಮಾಡುತ್ತಿದ್ದು, ರಾಕ್‍ಲೈನ್ ಪ್ರೊಡಕ್ಷನ್ ಅಡಿಯಲ್ಲಿ ಸೂರಪ್ಪ ಬಾಬು ಹಾಗೂ ರಾಕ್‍ಲೈನ್ ವೆಂಕಟೇಶ್ ನಿರ್ಮಾಣ ಮಾಡುತ್ತಿದ್ದಾರೆ. ಈ ಚಿತ್ರದಲ್ಲಿ ಸುದೀಪ್‍ಗೆ ಮಡೋನಾ ಸೆಬಾಸ್ಟಿಯಾನ್ ಹಾಗೂ ಶ್ರದ್ಧಾ ದಾಸ್ ನಾಯಕಿಯಾಗಿ ಕಾಣಿಸಿಕೊಳ್ಳಲಿದ್ದಾರೆ. ಇವರ ಜೊತೆಗೆ ರವಿಶಂಕರ್ ಮತ್ತು ಅಫ್ತಾಬ್ ಶಿವದಾಸಾನಿ ಕೂಡ ಕಾಣಿಸಿಕೊಳ್ಳಲಿದ್ದಾರೆ.