ಪುಟ್ಟ ಕಂದನಿಗೆ ಮದ್ಯ ಕುಡಿಸಿದ ತಂದೆ – ರೌಡಿಶೀಟರ್‌ನಿಂದ ಪೈಶಾಚಿಕ ಕೃತ್ಯ!

Public TV
1 Min Read
BNG Rowdy Sheeter copy

ಬೆಂಗಳೂರು: ದರೋಡೆ, ಸುಲಿಗೆ, ಕೊಲೆ ಯತ್ನಗಳನ್ನ ಮಾಡಿ ಬದುಕುತ್ತಿದ್ದ ರೌಡಿಯೊಬ್ಬ ತನ್ನ ಮಗುವಿಗೆ ಮದ್ಯ ಕುಡಿಸಿ ಹಿಂಸೆ ನೀಡಿರುವ ಘಟನೆ ಸಿಲಿಕಾನ್ ಸಿಟಿಯಲ್ಲಿ ಬೆಳಕಿಗೆ ಬಂದಿದೆ.

ರೌಡಿಶೀಟರ್ ಕುಮಾರೇಶ್ ತನ್ನ ಮಗುವಿಗೆ ಮದ್ಯ ಕುಡಿಸಿದ ಆರೋಪಿ. ರೌಡಿ ಎನ್ನುವ ಅರಿವಿಲ್ಲದ ಯುವತಿಯೊಬ್ಬಳು ಪ್ರೀತಿ, ಪ್ರೇಮದ ಬಲೆಗೆ ಬಿದ್ದು ಮಾಗಡಿ ರಸ್ತೆಯ ರೌಡಿಶೀಟರ್ ಕುಮಾರೇಶ್ ಜೊತೆ ಮದುವೆಯಾಗಿದ್ದಳು. ಮದುವೆ ಬಳಿಕ ಆರು ತಿಂಗಳಿಗೆ ತನ್ನ ಗಂಡ ರೌಡಿಶೀಟರ್ ಎಂದು ತಿಳಿದು ಮನೆ ತೊರೆದಿದ್ದಳು. ಮದುವೆ ಬಳಿಕ ಗಂಡು ಮಗುವಿಗೆ ಜನ್ಮ ನೀಡಿದ್ದಳು. ತಾಯಿ ಮನೆಯಲ್ಲಿ ನೆಮ್ಮದಿಯಿಂದ ಇರುವಾಗ ಎಂಟ್ರಿ ಕೊಟ್ಟ ಕಿರಾತಕ ಪತ್ನಿ ಮೇಲಿನ ಕೋಪಕ್ಕೆ ಪತ್ನಿ ಮನೆಗೆ ನುಗ್ಗಿ ಮಗು ಎತ್ಕೊಂಡು ಪರಾರಿಯಾಗಿದ್ದ. ಅರಿವು ಬಾರದ ಮಗುವಿಗೆ ಕಂಠ ಪೂರ್ತಿ ಕುಡಿಸಿ ಕ್ರೌರ್ಯ ಮೆರೆದಿದ್ದಾನೆ.

Liquor Shops 3 copy

ಮಗುವನ್ನ ತಂದ ಕುಮಾರೇಶ್ ಪತ್ನಿಯ ಮೇಲಿನ ಸೇಡಿಗೆ ಮಗುವಿಗೆ ಮದ್ಯಪಾನ ಮಾಡಿಸ ತನ್ನ ಸಂಬಂಧಿ ಬಳಿ ವಿಡಿಯೋ ಮಾಡಿಸಿ ಹೆಂಡತಿಗೆ ಕಳಿಸಿ ವಿಕೃತಿ ಮೆರೆದಿದ್ದಾನೆ. ಗಂಡನ ವಿಕೃತಿ ನೋಡಿ ಮಹಿಳೆ ವನಿತಾ ಸಹಾಯವಾಣಿ ಹಾಗೂ ಮಕ್ಕಳ ಸಹಾಯವಾಣಿಗೆ ದೂರು ನೀಡಿದ್ದು ಪೊಲೀಸರ ಸಹಾಯದಿಂದ ಮಗು ರಕ್ಷಣೆ ಮಾಡಲಾಗಿದೆ.

ಈ ಬಗ್ಗೆ ಮಾಗಡಿ ರಸ್ತೆ ಪೊಲೀಸ್ ಠಾಣೆಯಲ್ಲಿ ದೂರು ದಾಖಲು ಮಾಡಲಾಗಿದೆ. ದೂರು ದಾಖಲಾಗುತ್ತಿದ್ದಂತೆ ಆರೋಪಿ ಕುಮಾರೇಶ್ ಪರಾರಿಯಾಗಿದ್ದು, ಮಗುವನ್ನ ರಕ್ಷಣೆ ಮಾಡಿ ತಾಯಿ ಮಡಿಲಿಗೆ ಸೇರಿಸಲಾಗಿದೆ. ಇತ್ತ ಮಕ್ಕಳ ಸಹಾಯವಾಣಿ ಅಧಿಕಾರಿಗಳು ತನಿಖೆ ಮುಂದುವರಿಸಿದ್ದಾರೆ.

Share This Article
1 Comment

Leave a Reply

Your email address will not be published. Required fields are marked *