ಬಜೆಟ್‍ನಲ್ಲಿ ಕುಡುಕರಿಗೆ ‘ಕಿಕ್’ ಶಾಕ್?

Public TV
1 Min Read
ALCOHOL

ಬೆಂಗಳೂರು: ಮುಖ್ಯಮಂತ್ರಿ ಬಿ.ಎಸ್ ಯಡಿಯೂರಪ್ಪ ಮಾರ್ಚ್ 5 ರಂದು ಮಂಡಿಸಲಿರುವ 2020-21ನೇ ಸಾಲಿನ ಬಜೆಟ್‍ನಲ್ಲಿ ರಾಜ್ಯದ ಮದ್ಯಪ್ರಿಯರಿಗೆ ‘ಕಿಕ್’ ಸಾಧ್ಯತೆ ಇದೆ.

ಹೌದು. ಈ ಬಾರಿಯ ಬಜೆಟ್ ನಲ್ಲಿ ಸರ್ಕಾರ ಎಣ್ಣೆ ರೇಟು ಏರಿಸಲು ಸಜ್ಜಾಗಿದೆ ಎಂಬ ಮಾಹಿತಿಯೊಂದು ಪಬ್ಲಿಕ್ ಟಿವಿಗೆ ಲಭ್ಯವಾಗಿದೆ.

alcohol

ಅಬಕಾರಿ ತೆರಿಗೆಯನ್ನು ಏಪ್ರಿಲ್ 1 ರಿಂದ ಜಾರಿಗೆ ಬರುವಂತೆ ಶೇ.10ರಷ್ಟು ಹೆಚ್ಚಳ ತೀರ್ಮಾನವನ್ನು ಬಿಎಸ್‍ವೈ ಬಜೆಟ್‍ನಲ್ಲಿ ಪ್ರಕಟಿಸುವ ಸಾಧ್ಯತೆ ಇದೆ. ಈ ಮೂಲಕ ಅಬಕಾರಿ ಟಾರ್ಗೆಟ್ ಹೆಚ್ಚಳ ಮಾಡುವ ಸಾಧ್ಯತೆ ಇದ್ದು, ಟಾರ್ಗೆಟ್ ರೀಚ್ ಆಗಬೇಕಾದರೆ ದರ ಹೆಚ್ಚಳ ಅನಿವಾರ್ಯ ಎಂಬ ನಿರ್ಧಾರಕ್ಕೆ ಸರ್ಕಾರ ಬಂದಿದೆ.

ALCOHOL 2

ಈ ಹಿನ್ನೆಲೆಯಲ್ಲಿ ಮದ್ಯದ ಎಲ್ಲಾ 18 ಸ್ಲಾಬ್‍ಗಳ ಮೇಲೆ ಅಬಕಾರಿ ಸುಂಕ ಹೆಚ್ಚಳ ಮಾಡುವ ಸಾಧ್ಯತೆಗಳು ಹೆಚ್ಚಾಗಿದೆ. ಈ ವರ್ಷದ ಆರ್ಥಿಕ ಗುರಿ 20,950 ಕೋಟಿ ರೂ. ಇದೆ. 2020-21ನೇ ಸಾಲಿಗೆ ಅಂದಾಜು 25 ಸಾವಿರ ರೂ. ನಿಗದಿಪಡಿಸಲು ಸಿಎಂ ನಿರ್ಧರಿಸಿದ್ದಾರೆ ಎನ್ನಲಾಗಿದೆ.

ಮದ್ಯದ ದರ ಹೆಚ್ಚಳ ಜೊತೆ ಬಾರ್ ಮಾಲೀಕರ ಲೈಸನ್ಸ್ ರಿನೀವಲ್ ದರವನ್ನು ಕೂಡ ಹೆಚ್ಚಳ ಮಾಡುವ ಸಾಧ್ಯತೆಯೂ ಇದೆ ಎಂಬುದಾಗಿ ತಿಳಿದುಬಂದಿದೆ.

Alcohol photo

Share This Article
Leave a Comment

Leave a Reply

Your email address will not be published. Required fields are marked *