ನಾನು ದೇವರನ್ನು ನಂಬಲು ಅವಳೇ ಕಾರಣ, ಅವಳು ಸ್ವರ್ಗದಿಂದ ಸಿಕ್ಕಿರೋ ಉಡುಗೊರೆ: ಸನ್ನಿ ಲಿಯೋನ್

Public TV
1 Min Read
sunny leone 4

ಮುಂಬೈ: ನಾನು ದೇವರನ್ನು ನಂಬುತ್ತೇನೆ ಎಂದರೆ ಅದಕ್ಕೆ ಅವಳೇ ಕಾರಣ. ನಮಗೆ ಆಕೆ ಸ್ವರ್ಗದಿಂದ ಸಿಕ್ಕಿರುವ ಉಡುಗೊರೆ ಎಂದು ಬಾಲಿವುಡ್ ಮೋಹಕ ನಟಿ ಸನ್ನಿ ಲಿಯೋನ್ ತಮ್ಮ ಮಗಳ ಜೊತೆಯಿರುವ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಪೋಸ್ಟ್ ಮಾಡಿದ್ದಾರೆ.

ಸನ್ನಿ ಲಿಯೋನ್ ಮನೆಯಲ್ಲಿ ಗಣೇಶ ಹಬ್ಬವನ್ನು ಅದ್ಧೂರಿಯಾಗಿ ಆಚರಿಸಲಾಯಿತು. ಈ ವೇಳೆ ಸನ್ನಿ ಅವರ ಮಗಳು ನಿಶಾ ಕೌರ್ ವೆಬ್ಬರ್ ತನ್ನ ತಂದೆ ತಾಯಿಯ ಹಣೆಗೆ ಕುಂಕುಮ ಹಚ್ಚುವ ಫೋಟೋವನ್ನು ಶುಕ್ರವಾರ ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಂಡಿದ್ದಾರೆ.

sunny leone 5

ಸನ್ನಿ ತಮ್ಮ ಮಗಳು ಹಣೆಗೆ ಕುಂಕುಮ ಹಚ್ಚುತಿರುವ ಫೋಟೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಾಕಿ, ಅದಕ್ಕೆ, “ನಾನು ದೇವರನ್ನು ನಂಬುತ್ತೇನೆ ಎಂದರೆ ಅದಕ್ಕೆ ಆಕೆಯೇ ಕಾರಣ. ನಮ್ಮ ಜೀವನದಲ್ಲಿ ಆಕೆಯನ್ನು ಪಡೆಯಲು ನಾವು ಅದೃಷ್ಟ ಮಾಡಿದ್ದೇವೆ. ಆಕೆ ನಮಗೆ ಮುಟ್ಟಿದ್ದರೆ ಸ್ವತಃ ದೇವರೇ ತಮ್ಮ ಕೈಯಿಂದ ನಮ್ಮ ತಲೆ ಮುಟ್ಟಿ ಆಶೀರ್ವಾದ ಮಾಡಿದಂತೆ ಆಗುತ್ತದೆ. ನಿಶಾ ಕೌರ್ ವೆಬ್ಬರ್ ನಮಗೆ ಸ್ವರ್ಗದಿಂದ ಸಿಕ್ಕಿರುವ ಉಡುಗೊರೆ” ಎಂದು ಬರೆದು ಪೋಸ್ಟ್ ಮಾಡಿದ್ದಾರೆ.

ಸನ್ನಿ ಲಿಯೋನ್ ಹಾಗೂ ಅವರ ಕುಟುಂಬದವರು ಇತ್ತೀಚೆಗೆ ಮುಂಬೈನಲ್ಲಿರುವ ತನ್ನ ಹೊಸ ಮನೆಗೆ ಶಿಫ್ಟ್ ಆಗಿದ್ದರು. ತಮ್ಮ ಹೊಸ ಮನೆಯಲ್ಲಿ ಸನ್ನಿ ಲಿಯೋನ್ ಮೊದಲ ಗಣೇಶ ಹಬ್ಬವನ್ನು ಕುಟುಂಬದ ಜೊತೆ ಆಚರಿಸಿದ್ದಾರೆ. ಗಣೇಶ ಹಬ್ಬದಲ್ಲಿ ಸನ್ನಿ ಲಿಯೋನ್ ಹಾಗೂ ಅವರ ಮಗಳು ಸಾಂಸ್ಕೃತಿಕ ಉಡುಗೆಯಲ್ಲಿ ಮಿಂಚಿದ್ದಾರೆ. ಅಲ್ಲದೇ ಈ ಪೋಸ್ಟ್ ನಲ್ಲಿ ಸನ್ನಿ ಲಿಯೋನ್ ಅವರ ಅವಳಿ ಮಕ್ಕಳಲ್ಲಿ ಒಂದು ಮಗು ಕೂಡ ಇದೆ.

ಪಬ್ಲಿಕ್ ಟಿವಿಯನ್ನು ಇನ್ ಸ್ಟಾಗ್ರಾಮ್ ನಲ್ಲಿ ಫಾಲೋ ಮಾಡಿ www.instagram.com/publictv

https://twitter.com/SunnyLeone/status/1040584783666049025

Share This Article
Leave a Comment

Leave a Reply

Your email address will not be published. Required fields are marked *