ವಾಷಿಂಗ್ಟನ್: ವೆನೆಜುವೆಲಾದ ಬೇಸ್ ಬಾಲ್ ಆಟಗಾರನೊಬ್ಬ ತನ್ನ ಗೆಳತಿ ಮೇಲೆ ರಾಕ್ಷಸನಂತೆ ಹಲ್ಲೆ ಮಾಡುತ್ತಿರುವ ದೃಶ್ಯ ಸಿಸಿಟಿವಿಯಲ್ಲಿ ಸೆರೆಯಾಗಿದ್ದು, ಇದೀಗ ಈ ವಿಡಿಯೋ ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗಿದೆ.
ಈ ಘಟನೆ 2016ರಲ್ಲಿ ನಡೆದಿದ್ದು, ಇತ್ತೀಚೆಗಷ್ಟೆ ವಿಡಿಯೋ ಬಿಡುಗಡೆ ಮಾಡಲಾಗಿದೆ. ಈಗ ಸಾಮಾಜಿಕ ಜಾಲತಾಣಗಳಲ್ಲಿ ವಿಡಿಯೋ ವೈರಲ್ ಆಗಿದೆ. ಅಮೆರಿಕದ ಮೈನರ್ ಲೀಗ್ ನಲ್ಲಿ ಆಡುವ ವೆನೆಜುವೆಲಾದ ಬೇಸ್ ಬಾಲ್ ಆಟಗಾರನಾದ ಡಾನ್ರಿ ವಾಸ್ಕ್ವೆಜ್ ಈ ಕೃತ್ಯವೆಸಗಿದ್ದಾನೆ. ಈ ವಿಡಿಯೋ ರಿಲೀಸ್ ಆದ ಬೆನ್ನಲ್ಲೇ ವಾಸ್ಕ್ವೆಜ್ ವಿರುದ್ಧ ಖಂಡನೆ ವ್ಯಕ್ತವಾಗಿದೆ. ಆತನನ್ನ ಲಾಂಕಾಸ್ಟರ್ ಬಾರ್ನ್‍ಸ್ಟಾರ್ಮರ್ಸ್ ತಂಡದಿಂದ ತೆಗೆದುಹಾಕಲಾಗಿದೆ.
Advertisement
Advertisement
ಡಾನ್ರಿ ವಾಸ್ಕ್ವೆಜ್ ಮೆಟ್ಟಿಲು ಇಳಿದುಕೊಂಡು ಬರುತ್ತಿದ್ದ ಸಂದರ್ಭದಲ್ಲಿ ಪ್ರೇಯಸಿಯನ್ನು ಎಳೆದು, ಆಕೆಯ ತಲೆ ಕೂದಲು ಹಿಡಿದು ಕೆನ್ನೆಗೆ ಹೊಡೆದಿದ್ದಾನೆ. ಅಷ್ಟೇ ಅಲ್ಲದೇ ಅಲ್ಲಿ ಪ್ರೇಯಸಿಯನ್ನು ನಿಲ್ಲಿಸಿ ಮತ್ತೆ ಬಂದು ಹೊಡೆದಿದ್ದಾನೆ. ಈ ಎಲ್ಲಾ ದೃಶ್ಯಗಳು ಕ್ಯಾಮೆರಾದಲ್ಲಿ ರೆಕಾರ್ಡ್ ಆಗಿದೆ.
Advertisement
ಈ ಘಟನೆ ನಡೆದ ಸಂದರ್ಭದಲ್ಲಿ ವಾಸ್ಕ್ವೆಜ್, ಕಾರ್ಪಸ್ ಕ್ರಿಸ್ಟಿ ಹುಕ್ಸ್ ತಂಡದ ಪರ ಆಟ ಆಡುತ್ತಿದ್ದನು, ಕೌಟುಂಬಿಕ ಹಿಂಸೆ ಆರೋಪದ ಮೇಲೆ ಅವನನ್ನು ಬಂಧಿಸಲಾಗಿತ್ತು. ಆದರೆ ಆತ ದಂಡ ಪಾವತಿಸಿ, ಪಾಠ ತೆಗೆದುಕೊಂಡ ಬಳಿಕ ಪ್ರಕರಣ ವಜಾ ಮಾಡಲಾಗಿತ್ತು.
Advertisement
ಈ ಬಗ್ಗೆ ಕ್ಲಬ್ ಹೇಳಿಕೆ ನೀಡಿದ್ದು, ಇತ್ತೀಚೆಗೆ ಬಿಡುಗಡೆ ಆಗಿರುವ ವಿಡಿಯೋದಲ್ಲಿ ವಾಸ್ಕ್ವೆಜ್ ಕೌಟುಂಬಿಕ ಹಿಂಸೆ ನೀಡಿರುವುದು ಕಂಡು ಬಂದಿದೆ. ಘಟನೆಯ ಸ್ವರೂಪ ಅರಿತು, ಆಟಗಾರನ ಜೊತೆಗಿನ ಒಪ್ಪಂದವನ್ನ ಬಾರ್ನ್‍ಸ್ಟಾರ್ಮರ್ಸ್ ಮುರಿದುಕೊಳ್ಳುತ್ತಿದೆ ಎಂದು ಹೇಳಿದೆ.
https://www.youtube.com/watch?v=KE_KstZpgiY
