ಬೆಂಗಳೂರು: ಬಿಗ್ಬಾಸ್ ಸೀಸನ್ 5 ನಲ್ಲಿ ಭಾಗವಹಿಸಿರುವ ಸ್ಪರ್ಧಿಗಳಲ್ಲಿ ಬಾರ್ಬಿ ಡಾಲ್ ಎಂದೇ ಪ್ರಸಿದ್ಧಿಯಾಗಿರುವ ಮೈಸೂರಿನ ನಿವೇದಿತಾಗೌಡ ಮನೆಯ ಒಳಗೆ ಹಾಗೂ ಹೊರಗೆ ಸಖತ್ ಸುದ್ದಿಯಾಗುತ್ತಿದ್ದು, ಪಡ್ಡೆ ಹುಡುಗರ ಕನಸಿನ ರಾಣಿಯಾಗಿದ್ದಾರೆ.
ನಿವೇದಿತಾ ಗೌಡ ಸಾಮಾಜಿಕ ಜಾಲತಾಣಗಳಲ್ಲಿ ಟ್ರೆಂಡ್ ಆಗಿದ್ದಾರೆ. ಶುಕ್ರವಾರ ರಾತ್ರಿ ಬಿಗ್ ಬಾಸ್ ಮನೆಯಲ್ಲಿ ನಿನ್ನನ್ನು ಮದುವೆಯಾಗುವ ಹುಡುಗ ಹೇಗಿರಬೇಕೆಂದು ದಿವಾಕರ್, ಜೆಕೆ, ಜಗನ್ ಹಾಗೂ ಚಂದನ್ ಅವರು ಪ್ರಶ್ನೆಯನ್ನು ಕೇಳಿದ್ದಾರೆ. ಈ ಸಂದರ್ಭದಲ್ಲಿ ಬಾರ್ಬಿ ಡಾಲ್ ತನ್ನ ಕನಸಿನ ಹುಡುಗನ ಬಗ್ಗೆ ಕೇಳಿದ ಪ್ರಶ್ನೆಗಳಿಗೆ ಉತ್ತರಿಸಿದ್ದಾರೆ.
ನನ್ನ ಹುಡುಗ ನನಗಿಂತ ಸ್ವಲ್ವ ಎತ್ತರವಿರಬೇಕು, ನನ್ನನ್ನು ತುಂಬಾ ಪ್ರೀತಿ ಮಾಡಬೇಕು. ಆದರೆ ಅದನ್ನು ತೋರಿಸಿಕೊಳ್ಳಬಾರದು. ಸಿಕ್ಸ್ ಪ್ಯಾಕ್ ಬಾಡಿ ಇಲ್ಲದೇ ಇದ್ದರೂ ಪರವಾಗಿಲ್ಲ ಅಚ್ಚುಕಟ್ಟಾದ ಮೈಕಟ್ಟು ಇರಬೇಕು. ವಯಸ್ಸಿನಲ್ಲಿ ನನಗಿಂತ 5 ವರ್ಷಕ್ಕೆ ದೊಡ್ಡವನಾಗಿರಬೇಕು. ಯಾವುದಾದರೂ ಒಂದು ಕಾರು ಇರಬೇಕು. ಶ್ರೀಮಂತರಾಗದಿದ್ದರೂ ಮಧ್ಯಮ ವರ್ಗದವರಾಗಿರಬೇಕು. ಕಷ್ಟ ಇರಬಾರದು, ಯಾವುದೇ ಚಿಂತೆ ಇರಬಾರದು, ಯಾವಾಗಲೂ ಸಂತೋಷದಿಂದ ಇರಬೇಕು ಎಂದು ಹೇಳಿದ್ದಾರೆ.
ಇನ್ನು ಹುಡುಗನ ಕೆಲಸದ ಬಗ್ಗೆ ಮಾತನಾಡುವಾಗ ಹುಡುಗ ಡಾಕ್ಟರ್, ಇಲ್ಲವೇ ನಟರಾಗಿರಬಾರದು. ಏಕೆಂದರೆ ಡಾಕ್ಟರ್ ಹಾಗೂ ನಟರು ನನ್ನ ಜೊತೆ ಜಾಸ್ತಿ ಟೈಮ್ ಕಳೆಯೋಕೆ ಆಗುವುದಿಲ್ಲ. ಬೆಳಗ್ಗೆ 8 ಗಂಟೆಗೆ ಕೆಲಸಕ್ಕೆ ಹೋದರೆ ಸಂಜೆ 6 ಗಂಟೆಗೆ ಮನೆಯಲ್ಲಿರಬೇಕಾಗುತ್ತದೆ. ನಟರು ಬೇರೆ ಹುಡುಗಿ ಜೊತೆ ಅಭಿನಯಿಸುತ್ತಾರೆ ಆಗ ನನಗೆ ಜಲಸ್ ಆಗುತ್ತದೆ. ನನ್ನ ಹುಡುಗನಿಗೂ ನನ್ನ ಬಗ್ಗೆ ತುಂಬಾ ಜಲಸ್ ಇರಬೇಕು. ನನ್ನನ್ನು ಬೇಕಾದಾಗ ಶಾಪಿಂಗ್ಗೆ ಕರೆದುಕೊಂಡು ಹೋಗಬೇಕು. ಆಗಾಗ ನನಗೆ ಸಪ್ರ್ರೈಸ್ ಉಡುಗೊರೆ ಕೊಡಿಸಬೇಕು ಎಂದರು.
ಕೊನೆಯದಾಗಿ ನಾನು ಮದುವೆಯಾಗುವ ಹುಡುಗನಿಗೆ ಯಾವುದೇ ಗರ್ಲ್ಫ್ರೆಂಡ್ ಇರಬಾರದು. ಯಾರಿಗೂ ಕೂಡ ಹಗ್ ಮತ್ತು ಕಿಸ್ ಮಾಡಿರಬಾರದು. ಇಷ್ಟೆಲ್ಲಾ ಲಕ್ಷಣಗಳನ್ನು ಹೊಂದಿರುವ ಹುಡುಗ ಸಿಕ್ಕರೆ ಮದುವೆ ಆಗುತ್ತೀನಿ ಎಂದು ನಿವೇದಿತಾ ತಿಳಿಸಿದ್ದಾರೆ. ಇವರ ಕನಸಿನ ಹೀರೋನ ಬಗ್ಗೆ ಕೇಳುತ್ತಾ ಕುಳಿತ್ತಿದ್ದ ದಿವಾಕರ್, ಚಂದನ್, ಜೆಕೆ ದಂಗಾದರು.
